Música

Un dos obxectivos prioritarios da Xunta de Galicia é o fortalecemento dunha oferta cultural galega no conxunto do territorio, nun sentido amplo e plural, capaz de chegar a novos públicos e aberta ao diálogo con outras realidades culturais.

No ámbito das industrias culturais, a Axencia Galega das Industrias Culturais (Agadic) é o organismo da  Consellería de Cultura e Turismo  encargado do impulso e consolidación do tecido empresarial cultural galego, para lle outorgar estabilidade ao sector, optimizar a xestión empresarial nos procesos de produción e distribución, dinamizar o mercado interior e promover a proxección exterior da cultura galega. Agadic conta con dous centros de produción públicos: o Centro Dramático Galego, no ámbito teatral, e o Centro Coreográfico Galego, para a danza. Conta tamén cun grupo de música tradicional. No ámbito audiovisual, depende desta axencia o Centro Galego de Artes da Imaxe.

Na programación da consellería, a promoción da actividade escénica e musical ten no seu espazo central o apoio á innovación e á creatividade actual, cunha especial atención a favorecer pontes estables cos centros de formación dos futuros profesionais das artes escénicas e musicais, así como canles permanentes de cooperación con outras administracións e entidades que permitan novas vías de desenvolvemento da nosa cultura.

Novas relacionadas

29/11/2022

Destina un orzamento de 240.000 euros á posta en marcha deste programa cunha primeira fase de consultaría encamiñada ao lanzamento de produtos musicais e unha segunda para a súa promoción e difusión

24/11/2022

Poténciase a vertente de negocio cultural cun primeiro día de actividade reservado ao intercambio entre os axentes do sector a través de xuntanzas personalizadas, ‘networking’ e presentacións

20/11/2022

O conselleiro de Cultura, Educación, FP e Universidades subliña a aportación das bandas musicais á cultura galega “cunha gran conexión co noso territorio e a nosa forma de ser”

20/11/2022

O DOG publica as bases desta nova quenda de axudas, dotada con 661.000€ para continuar ampliando a oferta e o tecido culturais en concellos de ata 30.000 habitantes e cunha densidade máxima de 100 hab/km2