CENTENARIO DE MARÍA CASARES

María Casares

A Xunta de Galicia conmemora este ano o centenario do nacemento de María Casares cunha programación diversificada e plural que incluirá proxectos vinculados á escena, ao audiovisual e á arte, así como do eido editorial. Entre os obxectivos estará o de crear un proxecto ligado ao teatro, da man do Centro Dramático Galego (CDG), coa colaboración de diferentes institucións, tanto de Galicia como doutros territorios, para favorecer a visibilidade internacional da artista coruñesa.

Con esta programación, que se enmarca no compromiso da Xunta de Galicia por seguir poñendo en valor esta artista, o Goberno autonómico quere promover o traballo de María Casares tanto dentro como fóra da comunidade, e afondar no seu legado.

 

Nada na Coruña en 1922

María Victoria Casares Pérez naceu na Coruña o 21 de novembro de 1922 e finou en Alloue (Francia) o 22 de novembro de 1996. Foi unha actriz galega de teatro e cinema que triunfou en Francia, onde residía como exiliada por ser filla de Santiago Casares Quiroga, que fora ministro da Segunda República española durante o goberno de Azaña. Protagonizou varias obras escritas por Camus e representou obras de Sartre, Jean Anouilh, Jean Cocteau, Genet e Claudel, chegando a converterse en musa do existencialismo francés. 

Nos seus primeiros anos como actriz desenvolveu unha intensa actividade no mundo do cinema. Tanto é así, que só entre 1945 e 1951 participou nunha ducia de títulos, varios deles convertidos hoxe en día en clásicos da historia do cine: desde unha das películas máis populares da Francia da posguerra, Les enfants du paradis (Marcel Carné, 1945), a producións de gran prestixio como Les dames du Bois de Boulogne (Robert Bresson, 1945); ou poñendo voz á curtametraxe Guernica (Alain Resnais, 1951).

Sobre estas películas, o Diccionario del cine iberoamericano (SGAE, Fundación Autor, 2011) afirma: “Casares é capaz de converter a súa profunda dor e desgarramento vital en creativa materia prima para dar forma a papeis nos que, malia as súas indiscutibles diferenzas, semella latir idéntica melancolía, similar dor do desexo, ben se escore este cara á acción e a vinganza, ben cara á forzosa pasividade ou o xeneroso desprendemento final".

A partir de 1949, a súa carreira foise centrando no teatro. Entra na Comédie Française e cinco años más tarde no Teatro Nacional Popular, un proxecto teatral concibido como servizo público. Ademais, foi unha das impulsoras do Festival de Aviñón. Participou en xiras por todo o mundo, aparecendo en grandes clásicos do teatro francés. En 1957 realizou unha xira co Teatro Nacional Popular por Sudamérica, durante a cal foi homenaxeada polos exiliados galegos (como Eduardo Blanco Amor, Rafael Dieste, Luís Seoane, Laxeiro etc.).

Foi nomeada Filla Predilecta polo Concello da Coruña en 1984, recibiu a Medalla de Ouro ao Mérito das Belas Artes de España en 1988, e ese mesmo ano recibiu a Medalla Castelao da Xunta de Galicia. En 1996, María Casares aceptou que os premios de teatro de Galicia levasen o seu nome, mais faleceu antes de que puidese celebrarse a primeira edición.

Novas relacionadas

20/05/2022

O director de Industrias Culturais interveu na presentación de ‘María Casares: Voces para un centenario’, iniciativa desenvolvida pola AAAG ao abeiro do Fondo de Proxectos Culturais Xacobeo 2021

18/05/2022

O secretario xeral de Cultura, Anxo M. Lorenzo, presenta en rolda de prensa o espectáculo levado a escena con A Quinta do Cuadrante a partir de textos da dramaturga uruguaia Marianella Morena e baixo a dirección de Tito Asorey

15/05/2022

No marco da Rede Galega de Teatros e Auditorios, o escenario coruñés acolle a función inaugural da obra que sobe ás táboas con A Quinta do Cuadrante e dentro da programación impulsada pola Xunta co gallo do centenario da actriz

09/05/2022

Trátase de dúas figuras que mantiveron unha estreita relación coa actriz, tanto no eido profesional como persoal

O Museo de Belas Artes da Coruña acolle a nova sesión o mércores 11 ás 19,30 horas, con entrada de balde

26/04/2022

O secretario xeral de Cultura, Anxo M. Lorenzo, participa na inauguración desta nova mostra integrada no programa conmemorativo do centenario da artista

13/03/2022

A autora vén de publicar un libro dedicado á actriz galega baseado na súa correspondencia amorosa con Camus e o director teatral coñeceuna persoalmente

15/02/2022

O secretario xeral de Cultura inaugura a mostra ‘María Casares, residente privilexiada’, que forma parte da programación do Goberno galego co gallo da efeméride

08/02/2022

As intervencións, que serán presentadas polo secretario xeral de Cultura, terán lugar no Museo de Belas Artes da Coruña ás 19,30 horas con entrada de balde

04/02/2022

O secretario xeral de Cultura, Anxo M. Lorenzo, presenta a iniciativa que se celebrará desde o 9 de febreiro no Museo de Belas Artes da Coruña con entrada de balde

20/11/2021

O Goberno autonómico impulsa en 2022 o centenario do nacemento da actriz xunto a entidades como a Biblioteca Nacional de España ou a Asociación de Actores e Actrices de Galicia, entre outras

09/09/2021

O Goberno autonómico traballa no deseño das actividades en colaboración co sector, así como diferentes entidades e institucións tanto de Galicia como doutros territorios