Nova: O Castro de Viladonga, escenario dunha homenaxe a Abraham Cupeiro organizada pola asociación lucense ‘Vindicta’
23/05/2025
O Castro de Viladonga, escenario dunha homenaxe a Abraham Cupeiro organizada pola asociación lucense ‘Vindicta’
Castro de Rei (Lugo), 23 de maio de 2025
O Castro de Viladonga (Castro de Rei), dependente da Xunta, foi hoxe escenario do nomeamento de Abraham Cupeiro como socio de honra da agrupación lucense de recreación histórica ‘Vindicta’. A iniciativa foi promovida polo propio colectivo.
O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.