Teatro

Ándale, Bon appêtit! é unha reposición da exitosa obra de teatro Ghazafelhos ‘Bon Appêtit’. Nesta ocasión, os nosos queridos chefs Felipe, Antonio e Francisco prepararán deliciosos pratos mexicanos facendo un pequeno repaso pola historia do país. Tamales, enchiladas, tacos... unha chea de receitas aderezados co humor dos Ghazafelhos e acompañadas coa aparición de personaxes como Pancho Villa ou Frida Kahlo. Coma sempre, a participación do publico será imprescindible.

En 1927, Ramón Otero Pedrayo e Vicente Risco, emprenderon unha peregrinación de Ourense a Santo André de Teixido (Cedeira). Desa viaxe polos antigos camiños do país naceu o libro Pelerinaxes I, con textos de Ramón Otero Pedrayo e ilustracións de Vicente Risco.

Bromas sen fin, participación do público e humor, moito humor, son as chaves desta adaptación circense do clásico conto O frautista de Hamelín, no que descrubriremos o que aconteceu en realidade. A través do clown, os malabares, o xogo e a participación do público contaranos unha persoa presente alí mesmo como a aldea de Hamelín foi tomada por unha praga de raros seres que molestan e fan imposible a vida dos seus habitantes.

Atención donas e cabaleiros chega a súa vila a libraría máxica. Nela, dous simpáticos libreiros interpretados por Bea Campos e Marcos Alonso, ofreceranlle o libro perfecto, xa que teñen a capacidade de atopar o conto necesario para cada persoa e ocasión! A libraría máxica é o un espectáculo de Inventi Teatro para toda a familia. Unha divertida peza teatral que rinde homenaxe ao pequeno comercio, as tendas de barrio, e que achega aos nenos e nenas o amor pola literatura e a lingua galega. 

FICHA ARTÍSTICA

Martín, o neno protagonista, é coñecido por ser un burro. É a etiqueta que lle puxeron dende ben pequeno. Tanto o repetiron, que acabou por crelo. No colexio, os seus compañeiros non deixan de mofarse de él, a súa profe sempre lle está a rifar e nas clases abúrrese moitísimo... Pero un día atopará un lápis máxico que cambiará a súa vida para sempre.

Un conto onde aprendemos o valor da confianza nun mesmo. Nun mundo onde, con esforzo e ilusión, podemos lograr todo o que nos propoñamos.

FICHA ARTÍSTICA

Autoría e dirección: Miguel Strada

A emocionante historia de Nube e Alex conta a historia de Álex e da súa amiga Nube, unha nube moi especial que non sabe chover. Xuntos descubren as emocións que isto lle provoca, e aprenden trucos sobre como xestionalas e expresalas sanamente. Durante o espectáculo, os nenos e nenas non só participan, senón que tamén crean parte da historia, elixindo o rumbo das aventuras e compartindo as súas propias emocións para axudar a Nube a entender o que sente. Un show tenro, divertido e participativo, que invita a familias e peques a compartir e falar das emocións con naturalidade.

Mari Gésta, é un personaxe inspirado en Mary Poppins. AS súas estravagancias fan rir ás crianzas, mais tamén ás maiores. Vive no monte, adora os toxos e as xestas e posúe unha maxia especial que a leva a sacar cousas máxicas da súa sacola. Un espectáculo a medio camiño entre o musical e o contacontos, tinguido de seres marabillosos que acompaña a esta peculiar muller.

FICHA ARTÍSTICA

Autoría e dirección e adaptación: Cristina Collazo

Deseño sonoro e música: Manuel Paino

Espectáculo de animación interactiva con xogos, bailes divertidos, cancións cantadas en directo, número de maxia, moneco xigante, batalla de gobos xigantes, explosión de confeti, concurso de baile con premio para o gañador e un montón de sorpresas.

Quico Cadaval leva trinta anos a calcar os distintos camiños da memoria e da imaxinación. Tende a perderse e a reatoparse, sempre coa axuda do público. Os seus espectáculos pertencen a un movedizo mundo escénico que foi definida de distintas maneiras. Teatro da palabra, narración oral escénica ou literatura ao vivo, foron alguns dos xeitos de designalo. É un espectáculo mestizo entre o conto de lareira, o cabaret literario e o teatro épico. 

Carmen Conesa dá vida á enfermeira Annie Wilkes, unha obsesiva admiradora das novelas de Paul Sheldon, interpretado por Marcial Álvarez. Tras sufrir un aparatoso accidente de coche, o escritor é rescatado por Annie, pero o que semella un acto de salvación convértese axiña nun perigoso xogo de poder no que a creación literaria pasa a ser unha cuestión de supervivencia.
Baixo a dirección de Jose Saiz e cun elenco formado por Carmen Conesa, Marcial Álvarez e Alberto Vázquez, ‘Misery’ chega ao escenario nunha adaptación teatral da coñecida novela de Stephen King.