#LetrasGalegas2022

Letras Galegas 2022

O 17 de maio é a festa da lingua galega, unha celebración institucionalizada en 1963 pola Real Academia Galega (RAG) para honrar un autor ou unha autora polo seu labor de defensa e promoción do idioma e cultura de noso. Unha efeméride que foi acadando nos últimos anos grande amplitude, proxección e participación cidadá ata converterse nunha das citas máis importantes do calendario cultural galego.

Para 2022, a RAG, na súa sesión plenaria celebrada o 2 de xullo de 2021, tomou o acordo de lle render tributo e dedicarlle o Día das Letras Galegas 2022 a Florencio Delgado Gurriarán, escritor, editor literario e activista político e cultural do exilio galego en México. A decisión conta co apoio da Xunta de Galicia, de diferentes institucións culturais e de toda a cidadanía galega.

 

Florencio Delgado Gurriarán (Vilamartín de Valdeorras, 1903 - Fair Oaks, Estados Unidos, 1987)

Naceu en Córgomo, concello de Vilamartín de Valdeorras, en agosto de 1903. Desde pequeno, e con motivo do traballo do seu pai pasou por continuos traslados, vivindo en cidades como Ourense, Palencia ou Valladolid, retornando a Valdeorras en 1928. En México fundou a revista Vieiros, con Luís Soto e Carlos Velo, a Fundación do Padroado da Cultura Galega, a Irmandade Galeguista e o Ateneo de Galicia. A súa obra está recollida nos libros Bebedeira (1934), Galicia infinda (1963), Cantarenas. Poemas (1934-1980) (1981) e O soño do guieiro (1985). Encargouse da selección e tradución de poemas franceses incluídos en Poesía inglesa e francesa vertida ao galego (1949) e da tradución de Cemiterio mariño de Paul Valéry. 

Documentos relacionados

Novas relacionadas

13/05/2022

A iniciativa, que plasmará versos de oito autores representativos en pasos de peóns, muros e fachadas de edificios, forma parte dos actos con motivo do Día das Letras Galegas

13/05/2022

Haberá concertos, xogos tradicionais e outras propostas no xacemento e o espazo museístico da Xunta os días 17, 18 e 21, con entrada libre ata completar a cabida

12/05/2022

A exposición da Xunta dedicada ao autor de Valdeorras conta con arredor de 40 pezas, entre libros, xornais, CD´s ou revistas, dos fondos custodiados no Gaiás

09/05/2022

Os trens do Servizo Público de Galicia destacan nos repousacabezas a figura do autor valdeorrés

Ambas as entidades poñen en marcha distintas propostas para promover e fomentar a celebración das Letras Galegas

03/05/2022

O secretario de Política Lingüística, Valentín García, participa na Xornada do Día das Letras Galegas sobre o autor homenaxeado este 17 de maio

13/04/2022

O certame dedícase cada ano á persoa á que se lle dedica o Día das Letras Galegas

Os centros educativos terán prazo ata o vindeiro 29 de abril para presentar proxectos realizados a través do devandito programa de bibliotecas escolares

12/04/2022

Tras Xeorxia o ano pasado, nesta edición a convocatoria diríxese a escritores galegos e irlandeses que realizarán a súa estadía na Residencia Literaria 1863 da Coruña e no Tyrone Guthrie, centro empregado desde hai anos como retiro artístico

30/03/2022

A Xunta, a Real Academia Galega, o Consello da Cultura Galega e a CRTVG colaboran con múltiples empresas, entidades, administracións locais e editoriais para deseñar un amplo programa de propostas

21/03/2022

Salienta que nestes momentos é máis necesario que nunca apoiar as manifestacións artísticas e poñer en valor o seu compoñente emocional a través de certames, premios e festivais líricos por toda a Comunidade

14/05/2021

A imaxe de Xela Arias viaxa xa nos 11 trens de alta velocidade dos corredores A Coruña-Vigo e A Coruña-Ourense

Tamén loce nos carteis conmemorativos que exhiben as principais estacións de Galicia durante este mes das Letras Galegas