Hub Audiovisual da Industria Cultural

Hub

 

O Hub Audiovisual da Industria Cultural é un programa de apoio sen precedentes no ámbito da cultura galega, que a Xunta puxo en marcha na segunda metade de 2021 para contribuír a acelerar a recuperación e a garantir a estabilidade dos profesionais do sector. Cóntase para tal fin co financiamento do Fondo Europeo de Desenvolvemento Rexional (FEDER) dentro do Eixo REACT-UE, que supón unha inxección de 9,6 millóns de euros durante o período 2021-2023.

Ao abeiro do Hub estanse a desenvolver diferentes liñas de traballo, deseñadas conxuntamente coas principais asociacións representativas do sector, para reforzar a posición de Galicia como un referente competitivo global en toda a cadea de valor da industria cultural e creativa. Destacan, entre elas, as diferentes medidas pensadas especificamente para o audiovisual, como as convocatorias do fondo para a atracción de rodaxes, as axudas para o desenvolvemento de futuros proxectos de cinema e televisión, tanto de xeito agrupado como individual, ou a plataforma Galicia Film Commission.

Ao tempo, os videoxogos e a música contan coas súas propias liñas de subvencións, mentres que o conxunto da industria é obxecto dunha iniciativa transversal para a dotación de equipamentos e activos que fomenten a innovación e a competitividade.

 

Novas relacionadas

14/07/2023

Pon en valor o gran momento que vive esta industria na comunidade e garante o respaldo do Goberno galego a través de iniciativas como a Galicia Film Commission para contribuír á súa promoción internacional

27/06/2023

Detalla as actuacións do seu departamento para os vindeiros meses co Plan Xeración Cultura como fío condutor para acompañar o gran momento do sector con 34M€

22/06/2023

O director de Industrias Culturais, Jacobo Sutil, asiste no Teatro Colón da Coruña á ‘première’ deste novo título da produtora galega no marco do fondo de atracción de rodaxes do Hub Audiovisual do Goberno autonómico

14/06/2023

O director de Industrias Culturais, Jacobo Sutil, e a delegada territorial Martina Aneiros asisten á estrea no Teatro Jofre xunto a gran parte do seu elenco, conformado por Javier Cámara, Mónica López, Evaristo Calvo, Melania Cruz ou Carlos Blanco

26/04/2023

O DOG publica hoxe as bases destas subvencións, que se distribuirán entre 17 proxectos: oito curtametraxes, seis guións e tres longas de dirección novel

15/02/2023

O conselleiro de Cultura, Educación, FP e Universidades asistiu esta tarde en Santiago á presentación da nova entrega da serie, producida por Ficción para Prime Video e rodada en Galicia con subvención do Hub Audiovisual da Xunta

06/02/2023

Rodadas en Galicia e en galego, as óperas primas de Álvaro Gago e Carla Subirana, ‘Matria’ e ‘Sica’, competirán nas seccións Panorama e Generation 14Plus do Festival

‘Samsara’, de Lois Patiño, foi seleccionada no apartado Encounters

09/01/2023

O responsable autonómico de Cultura móstrase convencido de que o 2023 volverá ser un “bo ano para o audiovisual galego” con proxectos que contribúen ao éxito do sector e a afianzar o bo posicionamento de Galicia no eido audiovisual

17/11/2022

O conselleiro de Cultura, Educación, FP e Universidades, Román Rodríguez, recibiu os produtores executivos Mamen Quintas e Julio Casal para coñecer máis detalles desta comedia negra que levará por título Tratamos demasiado bien a las mujeres

06/11/2022

Entidades públicas e privadas poden solicitar ata o 5 de decembro apoio para proxectos de transición verde e transformación das infraestruturas de artes escénicas e musicais que impulsen a súa xestión sostible

03/11/2022

O conselleiro de Cultura, Educación, FP e Universidades, Román Rodríguez, asistiu esta tarde á ‘première’ desta longametraxe da produtora galega Bambú, xunto a Atresmedia Cine e Mr Fields & Friends, que se estrea mañá en salas de toda España