Escenas do cambio 2026 propón un programa no que laten tres correntes interconectadas: o impulso do que persiste, o do que se revela e o do que se reinventa. Revelesencia é o termo —entre revelación, efervescencia e esencia— co que Kirenia Martínez, directora artística do festival, define unha liña de programación que interrelaciona estes tres camiños a través das artes escénicas.
Sobrevivir a unha matanza é duro, pero moito máis se despois che toca contala. Os cómicos de Hamlet e o pobre Horacio saen de Elsinore co trauma no corpo e a necesidade de atopar un novo traballo facendo o que mellor saben facer: encarnar as historias tal e como as tería escrito o seu finado dramaturgo, un tal William, que quedou na corte co resto dos cadáveres. Víctor Castro, Antía Vidal e Diego Salgado improvisan historias no estilo de Shakespeare coa súa característica esencia musical, como estaba escrito no destino dos Improversados. Algo cheira a impro en Dinamarca.
Mala vida e pior morte de Ricardo III é un espectáculo unipersoal protagonizado por Evaristo Calvo no que, a través dun monólogo dirixido á audiencia, o personaxe do difunto rei Ricardo III de Inglaterra, argumenta en contra do relato dos derradeiros anos da súa vida que Shakespeare deixou trazado no drama A vida e a morte do rei Ricardo III.
Clara Beltrán e Tomás Chamorro deciden fundar o seu propio medio dixital independente. Teñen talento. Teñen ambición. Pero só son dous.
Para parecer unha redacción sólida, inventan unha ducia de identidades. Baixo eses nomes ficticios comezan a publicar noticias que eles mesmos asinan. O experimento funciona: medran os lectores, dispáranse os clics.
A historia do coelliño branco é unha adaptación teatral do conto popular portugués dirixida a público infantil a partir de 1 ano. Cunha posta en escena coidada e delicada, que combina monicreques e narración oral, Bea Campos dá vida a esta entrañable historia chea de valentía, amizade e solidariedade.
Nesta posta en escena, os animais constrúense a partir de obxectos da vida cotiá: unha escoba convértese nun can, unha cunca nunha vaca, unha luva un galo… só fai falta deixar voar a imaxinación.
O Grupo de Teatro As Barallocas chega á Furgoteca coa súa comedia Os Marcos.
Os marcos, lindeiros de pedra tradicionais moitas veces protagonistas de disputas veciñais, son os actores principais desta comedia, chea de retranca e bo humor.
Actividade aberta a todos os públicos.
Hora: 18:00h
Espazo: Salón de actos do Concello de Sarreaus
Lalá Teatro quere coñecer canto sabemos da nosa terra coa obra de teatro: Galicia, cada día máis linda máis linda? Anímaste a participar?
“Eu livro” é unha performance que une teatro físico e circo contemporáneo e conta a curiosa historia dunha lectora que non consegue ler.
Un paseo respectuoso por un mundo diverso da man da ratiña Carolina. Abórdase o problema do acoso escolar e dáse a coñecer a realidade trans-xénero na infancia (coa colaboración da psicóloga Chus Díaz Anca).
Público familiar
Salón de actos. Entrada libre ata completar a capacidade da sala
Ás veces un pode meterse en problemas por non respectar certos límites. E unha vez metidos no problema, o mellor será buscar con calma unha solución e aprender da experiencia.
Sesión na que se trata a importancia dos límites na educación.
Publico familiar
Salón de actos. Entrada libre ata completar a capacidade da sala
