Teatro

Sinopse

Tres persoas, ou catro, mellor dito:

LUCÍA ten unha depresión de cabalo que fai que viva unha experiencia vicaria a través de YOLDI, unha marabillosa moza con discapacidade intelectual.

YOLDI coidará as plantas de JOSÉ MANUEL, prestixioso psicoterapeuta que por unha parálise cerebral, vese abocado a unha dependencia total. Só fala coa súa psiquiatra dunha relación moi íntima que mantén con ALEXA, unha intelixencia artificial.

Unha paisaxe desolada: podería ser un vertedoiro, unha fábrica abandonada, unha trincheira, unha vella estación. Ducias de cadeiras en montóns desordeados.

Tres personaxes abafados por completar unha tarefa que non comprenden e que nunca rematan. Falan, calan, discuten, retórcense, pelexan e danse apertas. Pasan da angustia á euforia cada pouco. Non saben por que están alí, nin o que lles espera. Parece que non poden marchar. Benvidos, isto é ABSURDIA.

Ficha artística

Autoría: Antón Coucheiro, Dani Blanco e Arturo Cobas

ALICIA WANTS TO combina realismo máxico e crueza social para contar a historia de Alicia, unha adolescente en situación de vulnerabilidade que se reencontra coa súa nai tras ser expulsada dun centro de menores. A través dunha partida de xadrez, o público participa activamente na toma de decisións que determinan o curso da historia, reflexionando sobre a desigualdade, a exclusión social e a violencia da xustiza patriarcal.

Ficha artística

Autoría e dirección: An González

Escenografía: Bengala Teatro Físico

Deseño son: Dyango Pérez

Atención donas e cabaleiros chega a súa vila a libraría máxica. Nela, dous simpáticos libreiros interpretados por Bea Campos e Marcos Alonso, ofreceranlle o libro perfecto, xa que teñen a capacidade de atopar o conto necesario para cada persoa e ocasión! A libraría máxica é o un espectáculo de Inventi Teatro para toda a familia. Unha divertida peza teatral que rinde homenaxe ao pequeno comercio, as tendas de barrio, e que achega aos nenos e nenas o amor pola literatura e a lingua galega. 

Ficha artística

Autoría e dirección: Bea Campos

Como remate da actividade "Iniciación ao teatro" que se viña celebrando na biblioteca dende o mes de outubro, o martes 3 de xaneiro,  Manuel Solla ofrecerá unha clase de teatro aberta para todas aquelas persoas que queiran participar.

Datas e hora: martes 3 de febreiro ás 17.15 h

Público destinatario: adulto e xuvenil.

Entrada libre ata completar a capacidade da sala.

Talía teatro presenta un espectáculo deseñado especialmente para público infantil pero para desfrutar en familia, para divulgar e relembrar a arte de xogar.

Trátase dun espectáculo no que ser proporá recuperar ditos, retrousos, xogos de man,...toda unha relación de ditos populares centrados nestas pequenas rimas que perduraron xeración tras xeración e que se foron transmitindo de xeito oral.

Dúas actrices e dous actores cuestionan sobre o escenario a inclusión e a xestión da diferenza que facemos como sociedade. A premisa da que parte NADA SE SABE é un texto orixinal de Manuel Lourenzo no que se establece un diálogo coa figura clásica de Filoctetes, un heroe grego apartado na illa de Lemno a causa dunha ferida fedorenta, pero que despois será fundamental para gañar a guerra de Troia.

AS FILLAS BRAVAS son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos.

Píscore Teatro ofrece a posibilidade de gozar, desde o teatro, da música da época barroca, nun proxecto teatral cómico, apartado do academicismo, que inundará todo o espectáculo.

TOLÓPTICA é unha comedia negra que pon o foco sobre as situacións cotiás que nos corrompen nesta sociedade individualista e materialista.

Leo e Brais, dous empresarios da óptica Tolóptica, asisten á 23ª convención de Tolóptica, a cal vai entregar os premios ao mellor vendedor de primeira clase da empresa, entre outros.

Leo é un axente distribuidor nato, puntual, pulcro e meticuloso pero á vez moi egocéntrico, mentres que Brais é máis despreocupado, tranquilo e sinxelo, un home que rebosa unha actitude risoña e empática alá por onde asoma.