Un espectáculo para público infantil e familiar que combina música, narración e ilustracións ao vivo na Biblioteca de Galicia en conmemoración do Día da Música. Ramona Órbita, unha súper muller labrega da Serra do Courel, é xefa na horta, boa coa tecnoloxía, ecoloxista e inventora dunha horta cibernética de patacas automáticas e dunha incrible máquina do tempo, o seu mellor invento.
Amigas e amigos, SON ANIMAL.
SON un deses animais de dúas patas, ao que lle gusta cantar, bailar, brincar, ler libros, viaxar, falar e rir con amigos... ANIMAL humano, vaia.
Os SONS dos ANIMAIS conforman unha banda sonora e unha sinfonía moi especial na miña vida. Problablemente para vós tamén. E se non é así, seguro que non lonxe da vosa casa hai lugares onde aínda podedes escoitar eses SONS tan especiais. O auténtico... SON ANIMAL.
E se hai SON... hai canción. Aquí van unhas cantas!
Duración: 55 minutos
Público familiar a partir de 4 anos
O Universo Verso está habitado por poemas que falan distintas linguas. Uns riman e outros non, pero todos saben a poesía. Queres descubrilos?
Duración: 45 minutos
Público familiar a partir de 4 anos
Salón de actos
Entrada libre ata completar a capacidade da sala
Pulpiño Viascón músico, performance circense e multiintrumentista galego, cóntanos a historia do Apalpador a partir dunha banda sonora aventureira creada cos seus instrumentos máxicos: o serrucho musical, acordeón diatónico (trikitixa), pandeireta do pé, game boy chiptune, e, por suposto, coa poderosa voz do Apalpador.
E como non podía ser doutro xeito... o apalpador levará agasallos para a rapazada co bandullo baleiro.
Para público familiar.
No salón de actos. A entrada é libre ata completar a capacidade da sala.
Celebramos o Día Mundial do Cine co Cinema Marabillas, Ver para ler da man de Raquel Queizás.
Gozaremos vendo as primeiras adaptacións cinematográficas inspiradas nos contos marabillosos e nos libros clásicos da literatura.
O obxectivo é facerlles ver ás crianzas e ás súas familias que esas historias que coñecen poden contarse de diferentes maneiras, que descubran que o cine mudo é unha expresión que pode resultar moi divertida. Non faltará aventura, humor, misterio, tenrura, maxia, fantasía e sobre todo moita imaxinación.
Canta, Buguina, canta!
Soprando a buguina, comezaremos a nosa viaxe nun Barquiño de Pau.
Barquiño de Pau é un espectáculo de teatro de obxectos, narración oral e música para a primeira infancia. Explóranse os sentidos dunha maneira amena, coa participación das crianzas. E tamén con moita música, ao son do acordeón, da mandola portuguesa, do dizi chinés ou co propio corpo.
Dirixido a nenas e nenos de 0 a 3 anos.
No salón de actos. A entrada é libre ata completar a capacidade da sala.
Pechamos a programación de actividades para conmemorar o Día da Edición, co espectáculo “A pluma viva de Rosalía” da man de Os Quinquilláns. Baseado nun feito real de censura á obra de Rosalía de Castro acontecido en 1864, cando a Imprenta de Soto e Freire de Lugo foi destrozada por 200 seminaristas que se opoñían á publicación dun artigo de Rosalía titulado “El Codio“.
Cunha carreira que inclúe actuacións exitosas en TVE, Comedy Central e o Club da Comedia, Miki Dkai ofrécenos este monólogo cómico cun toque andaluz que promete facer rir ao público. Non perdas a un dos humoristas máis populares do momento!
Nesta refrescante comedia, Miki ábrenos as portas da súa casa e mergúllanos na súa vida cotiá coa súa muller, "A Pilar", e as súas encantadoras fillas.
Celebramos o Día da Música con este espectáculo da man de Magín Blanco. O Caderno de cores e cancións é un percorrido pola creación musical e literaria das cancións.
Magín Blanco convida ás crianzas a achegarse ao proceso creativo e a xogar cos elementos que compoñen as cancións. As melodías, as harmonías e a musicalidade poética das rimas.
Para público familiar.
No salón de actos, a entrada é libre ata completar a capacidade da sala.
Cancións, animacións e interpretacións cos ritmos e rexistros máis divertidos.
As alegrías, as amizades, os libros, a poesía, a ecoloxía, as festas do ano e o respecto á nosa lingua serán parte da equipaxe nun camiño onde a música soa con forma de sorriso.
Duración: 45 minutos
Público familiar a partir de 4 anos
Salón de actos
Entrada libre ata completar a capacidade da sala
