Espectáculo

Unha proposta multidisciplinar onde a maxia, o clown, o circo e o humor se fusionan para ofrecer un espectáculo único conxugando a arte e a retranca galega. Alguén quere deixar de rir?

FICHA ARTÍSTICA

Autoría, dirección e escenografía: Especialistas Hípica Celta 

Deseño sonoro, iluminación e música: Odaiko

Vestiario e coreografía: Especialistas Hípica Celta 

Elenco artístico: Miguel Aparicio (presentador), Mago Demi, Isla Letrisca, Alberto Gómez, Pepe, Juan Collazo

Unha mostra da nosa terra galega coa actuación do actor BRUXO e da súa meiga, que invocarán aos Deuses Celtas a través de lume, música e a forza escénica, onde se mestura a tradicional queimada coas novas tendencias escénicas. Conservando en todo momento a exaltación da nosa terra galega a través dos bruxos e bruxas, da Santa Compaña e da Queimada. Os actores interactúan co público facéndoo partícipe do espectáculo.

FICHA ARTÍSTICA

Autoría dirección e escenografía: Especialistas Hípica Celta 

Deseño sonoro e iluminación: Isgal de Eventos 

52-BLAU é a nova produción de iXa para espazos non convencionais, para cinco intérpretes e con versións adaptables a distintos formatos de festivais e programacións.

Quema é unha viaxe íntima a través do purgatorio, onde dúas almas anciás, Joel e Julia, se unen para revisitar o traxecto das súas vidas. Nesta viaxe de autoexploración, aventúranse a reconstruír momentos cruciais desde perspectivas alternativas, navegando por diversos espazos e dimensións da realidade. No medio desta viaxe, unha melodía resoa, levándoos de volta á súa xuventude, e ambos deciden bailala e explorala desde un ángulo que non consideraran antes, aceptando a caída e a vulnerabilidade.

TODOS OS PÚBLICOS

DANZA

14 MINUTOS

Transparentar é un espectáculo de danza-teatro da compañía Enésima que reflexiona sobre a xeración de cristal: é realmente fráxil ou transparente?

Mitos, lendas e cantigas é un espectáculo de narración oral e música en directo inspirado na obra de Begoña Caamaño, que revisita a mitoloxía clásica desde unha perspectiva feminina. 

A través de romances, cantigas e palabra contada, recupera figuras como Circe, Penélope ou Morgana, poñendo en valor o papel das mulleres no mito e na tradición oral. 

Unha proposta para público familiar que combina, patrimonio, creación contemporánea e igualdade. 

Duración: 45 minutos

Público familiar a partir de 4 anos

Salón de actos

A coñecida cantante Uxía réndelle homenaxe a quen foi amiga súa persoal e é este 2026 autora das Letras, Begoña Caamaño. Faino cun concerto en que estará acompañada pola arpista Bleuen LeFriec. Un dúo de luxo para unha escritora excepcional.

O concerto visitará esta primavera as localidades de Rianxo, Tui, Celanova e Ferrol.

 Espectáculo de narración oral escénica inspirado na obra e no pensamento de Begoña Caamaño, autora homenaxeada nas Letras Galegas 2026, cuxa escrita supón unha profunda relectura feminista dos mitos fundacionais e dos relatos herdados. A proposta sitúa a igualdade no centro da escena non como mensaxe pedagóxica, senón como mirada narrativa: quen fala, quen é escoitada e desde onde se constrúe o relato.

Seguindo a súa tónica de humor, o Mago Paco ofrécenos unha vez máis un espectáculo de maxia infantil cheo de risas, cores e de moitas sorpresas. Unha proposta diferente cun espectáculo moi participativo, cheo de complicidade entre o mago e o seu público e de momentos ilusionantes, divertidos, tolos, emotivos e inesquecibles.

Preparade as vosas mellores gargalladas porque comezamos!!!

No salón de actos. Para nenas e nenos de 3 a 8 anos. A entrada é libre ata completar a capacidade da sala (70 persoas)

A Secretaría Xeral da Lingua colabora co Concello de Santiago de Compostela na novena edición do ‘Alguén que Respira!’ Festival de Poesía para Corpo Principal, unha cita que reunirá en Compostela poetas, artistas, pensadoras e pensadores do 18 ao 21 de marzo, Día Internacional da Poesía, nun ambicioso programa de recitais, conversas, cinema, ciencia e propostas performáticas arredor da palabra baixo a dirección do poeta, editor e artista multidisciplinario Antón Lopo.