A biblioteca cede o espazo para a realización do recital “Novas promesas da guitarra 2025”. Audición de alumnado de guitarra do Conservatorio Profesional de Santiago xunto co seu profesor Xosé Antonio Rodríguez. O programa estará formado por obras de J. S. Bach, Fernando Tárrega, Fernando Sor e Leo Brouwer entre outras sorpresas.
No salón de actos. A entrada é libre ata completar a capacidade da sala.
Celebramos o Día da Ilustración con Cores, contos e rock coa Ramona Pequena que chega da man de Pakolas como un espectáculo onde a interacción co público infantil e familiar, a súa música rockeira, os contos e as cores e debuxos de Laura Romero en directo son o principal atractivo. Está baseado no último libro-cd de Pakolas A Ramona pequena vai á lúa (Galaxia 2023), ilustrado por Laura.
No salón de actos. Para público familiar. Entrada libre ata completar a capacidade da sala.
Celebramos o Día da usuaria e do usuario. A Mamá Cabra fai un casting musical entre o público miúdo. Búscanse músicas de 1 a 6 anos, a mellor idade para arrancar a cantar e bailar. Músicas con enerxía de cabra, ritmo de cabra e moitas, moitas ganas de facer a cabra. Cancións para movernos, para bailar, para cantar. Un repertorio interactivo que busca a participación e o xogo con música. Cantos para non deixar nunca de ser nenas e nenos.
No salón de actos. Para público familiar. A entrada é libre ata completar a capacidade da sala.
Os Bolechas chegan puntuais á súa cita do Nadal coa Rede de Dinamización Lingüística e visitarán oito concellos cun espectáculo no que aprenderemos cancións para continuar cantando e animando estas festas na casa e na rúa.
Os Bolechas atopan un trobador que anda un chisco apesarado porque perdeu o seu libro de cantigas. Pero a maxia do Nadal fai que todo cambie. O encontro coa familia Bolechas permítelle descubrir novos Cantares de Reis cos que renovar o seu repertorio e triunfar nestas datas tan especiais.
Unha actividade dirixida a público familiar: un (des)concerto de Aninovo bastante accidentado. Culturactiva Producións presenta a Fran Rei e Félix Rodríguez baixo a dirección de Marcos Orsi nun espectáculo cheo de música, teatro, humor e moito, moito ritmo.
Amigas e amigos, SON ANIMAL.
SON un deses animais de dúas patas, ao que lle gusta cantar, bailar, brincar, ler libros, viaxar, falar e rir con amigos… ANIMAL humano, vaia.
Os SONS dos ANIMAIS conforman unha banda sonora e unha sinfonía moi especial na miña vida. Probablemente para vós tamén. E se non é así, seguro que non lonxe da vosa casa hai lugares onde aínda podedes escoitar eses SONS tan especiais. O auténtico ... SON ANIMAL.
E se hai SON… hai canción. Aquí van unhas cantas!
Público familiar
Duración: 55 minutos.
Horario: 12:30 h.
Todos os días poden ser un día incrible con Hoxe toca... Maxia! un espectáculo sorprendente, misterioso, divertido e máxico para calquera ocasión e para todos os públicos.
No salón de actos. Para público familiar. Entrada libre ata completar a capacidade da sala.
Espectáculo onde a música, os títeres, as cancións populares e non tan populares farán unha cita máxica e especial do importante que é a comunicación coa natureza e o noso medio ambiente.
No salón de actos. Para público familiar. Entrada libre ata completar a capacidade da sala.
Pensaches algunha vez que non era posible ter circo na túa biblio? Pensas que é imposible? Pois a compañía Dani Blanco, con 20 anos de experiencia, vaiche traer o mellor circo de malabares con pelotas, libros, números imposibles, equilibrios, clown, música e moito máis para desfrutar en familia do mellor circo do mundo.
No salón de actos. Para público familiar. Entrada libre ata completar a capacidade da sala.
Lúa Mosquetera (Miño, 1988) é graduada en Lingua e Literatura Galegas pola Universidade de Santiago de Compostela. Ten dous poemarios autoeditados: Rasrás (2018) e Aunque seas rara y seas pájaro (2020). O seu terceiro poemario escribiuno en galego e titúlase Espíderman (Galaxia, 2022). Un dos poemas incluídos neste libro “Anorak de pel de caribú” mereceu o premio Aritmar da Mellor Poesía da Galiza 2021. Ese mesmo ano foi campioa do Poetry Slam galego e finalista do campionato nacional. ¡Yo vivo! é a súa primeira novela.
