Danza 3 é unha iniciativa promovida pola Xunta de Galicia en colaboración co colectivo XOC, integrado polas formacións Xacarandaina da Coruña, O Fiadeiro de Vigo e Cantigas e Agarimos de Santiago de Compostela, co obxectivo de difundir a música e o baile tradicional.
Danza 3 é unha iniciativa promovida pola Xunta de Galicia en colaboración co colectivo XOC, integrado polas formacións Xacarandaina da Coruña, O Fiadeiro de Vigo e Cantigas e Agarimos de Santiago de Compostela, co obxectivo de difundir a música e o baile tradicional.
O Bloco Afro é un dos espectáculos de rúa máis soados de Trópico de Grelos. Caracterízase por ritmos moi festivos e contundentes de Salvador de Bahía, adornados ademais con diversas coreografías. A frescura destes ritmos xunto coa actitude e destreza desta banda de percusionistas e a potente presencia da raíz africana, fan deste desfile musical unha auténtica festa que non deixará a ninguén indiferente.
Tulis, a contadora aventureira, acompáñanos na historia de Lía, unha nena valente que emprende unha viaxe chea de emocións, aventuras e descubrimentos. A través do conto, o público infantil conecta con valores como a amizade, a autoestima, o respecto pola identidade ou a importancia de confiar nunha mesma. Todo isto acompañado de música para reflexionar, emocionarse… e bailar!
Cristian Leggiero: creador da historia e compositor das cancións da mesma
Paty Lesta – Tulis, a contadora aventureira: cantante e narradora.
Recomendado de 3 a 8 anos
A unión de dúas acróbatas expertas dá como resultado un espectáculo intenso e visual que combina malabares aéreos, acrobacias de gran precisión e sorprendentes intervencións.
Durante 45 minutos, a barra de pole dance e as telas convértense no escenario de atrevidas figuras e momentos de tensión que manteñen ao público expectante.
Unha proposta dinámica e impactante, ideal para programación familiar e eventos ao aire libre que buscan emoción e espectáculo.
Estabades agardando por unha gran festa e por fin chegou! Chega... PEQUE DISCO MOC MOC!!!
Con este espectáculo no que mesturamos música, circo e clown convertiremos nunha auténtica disco móbil circense infantil e familiar todo espazo ó que levemos este espectáculo.
Música, bailes, circo e humor nunha velada chea de sorpresas na que o DJ MeRe Clown fará gozar a nenos, nenas e maiores coa mellor música infantil, rock, hip hop, techno... ¡Yes baby!
Benvidos ás emocionantes Olimpíadas do Tibu!
Neste incríble evento, o DJ Tibu poñerá a música perfecta mentres os nenos se divirten xogando a unha variedade de xogos entretidos, como o clásico xogo da cadeira, e moitos máis...
Imaxina un lugar onde os pequenos poden gozar dunha competencia amigable e chea de alegría. Nas Olimpíadas do Tibu, creamos un ambiente festivo onde os nenos poden desatar a súa enerxía e demostrar as súas habilidades a través de xogos divertidos e dinámicos.
A proposta explora a cultura popular, os corpos e a paisaxe do territorio galego a través da desarticulación das promesas incumpridas que os atravesan. Partindo de tres corpos arquetípicos, o proxecto busca poñelos en crise, transformalos e pervertelos, creando unha investigación escénica situada no final da espera. A través desta práctica, as artistas Sara Somoza e Ismael Eirexas Romeü cuestionan nocións de xénero, performatividade e memoria cultural, combinando ficción, documental e creación colectiva.
Un encontro fortuíto cun tecnofósil enviado desde unha época futura marca varios acontecementos dunha viaxe na que estableceremos contacto, a través de sistemas de comunicación bioquímica, con seres unicelulares, poñendo de manifesto como o micro afecta o macro, materia que vibra e nos afecta, creando relacións, efectos e posibilidades.
A agrupación de danza e música tradicional Cantigas e Agarimos sae ao encontro do público en Sigüeiro, para ofrecer un repertorio de pezas recollidas en distintos lugares de Galicia e interpretadas polo seu grupo de pandeireteiras.
A actuación enmárcase dentro da 14ª edición de Danza 3, promovida pola Xunta de Galicia en colaboración co colectivo XOC, integrado polas formacións Xacarandaina da Coruña, O Fiadeiro de Vigo e Cantigas e Agarimos de Santiago de Compostela, co obxectivo de difundir a música e o baile tradicional.
