Isabel Risco e Fran Rei convértense en Rosalía de Castro e Eduardo Pondal nun proxecto audiovisual que mestura humor e música e que propón unha revisión cómica de diversos aspectos que nos definen como galegos e galegas, así como dos fitos máis sobranceiros do noso patrimonio cultural.
Un divertidísimo poema fonético que xoga coa ilusión da comunicación, nun intento por atravesar os límites da realidade para expor inquietantes preguntas ao espectador.
Ionesco, partindo das conversacións cotiás do método Assimil de ensino do inglés, satiriza a banalidade das relacións humanas convencionais.
Díxose que o seu teatro é unha esaxeración selectiva da realidade, coa idea de mostrar o ridículo dalgúns aspectos, e A Cantante Calva é o exemplo máis claro
Esta é a historia de Chispis Woman, a súperheroína. Xunto a StarGirl, Chispis enfrontarase á temible Stablishment, e farao no barrio máis representativo da periferia madrileña e centro do universo canalla e cañí. Unha historia de mulleres, de resilencia, de supervivencia á memoria, individual e colectiva, nun barrio dunha cidade, vemos Carabanchel, pero podería ser o teu.
Elenco: Marta Larralde, Susana Dans, Teté Delgado, Isabel Naveira, Ledicia Sola e Ana Sandos.
Sinopse: No centenario do pasamento da novelista Emilia Pardo Bazán, Contraproducións presenta unha relectura dunha das obras máis interesantes da autora: A Tribuna. A muller, o amor e os prexuizos de clase son os temas entorno ao que xirarán esta relectura, facendo fincapé no ambiente e primeiras loitas femininas das traballadoras da Fábrica de Tabacos da Coruña. E todo isto con un transfondo político onde se asiste ao ocaso dos Borbóns e á atribiulada proclamación da I República
Aibō é a ópera prima da Compañía Eléctrica, unha peza teatral para público infantil e familiar con Iria Pinheiro e Areta Bolado (A Panadaría) en escena.
Aibō significa compañeir@ en xaponés, esta é a palabra que mellor se axusta para definir unha fábula inspirada na Carapuchiña Vermella.
Trátase dunha visión diferente do conto popular, que pretende dar unha ollada positiva sobre a nosa relación coa natureza e tamén sobre o trato que temos con outros seres diferentes a nós. Unha celebración da diversidade.
Elenco: Iria Pinheiro e Areta Bolado
Mina era unha nena alegre, segura de si mesma, feliz; pero cuns gustos un tanto estrafalarios e... gorda, e iso á sociedade non lle gustaba. Mina querıá vivir nun mundo de xente diferente, pero os demáis empeñábanse en convertilo nun mundo que se ría de quen era diferente. Mina embarcarase nunha viaxe interestelar onde terá que tomar a decisión máis importante da súa vida.
Elenco: Artur Trillo e Toño Casais
Un mozo dunha aldea galega emigrou a Castela e aos poucos meses regresou á súa terra. E nese breve tempo ocorrera algo asombroso: o rapaz esquecera a fala dos seus, a lingua que falara toda a vida. De volta na casa non facía senón preguntar:
-Mi padre: como se llama esto?
O pai, molesto ante ese fillo desleigado e farto de tanta pregunta parva, cando o mozo preguntou de novo ao atopar no chan da eira tan "exótica" ferramenta, "Mi padre:¿ y esto como se llama?", respondeulle:
-Ponlle enriba o pé xa verás como cho di el mesmo.
O autor deixou unha nota no prólogo: “Esta peza teatral escribina polos anos setenta, por encargo do Grupo Teatral da Asociación Cultural Auriense que xa representara Unha vez foi o trebón. Comezados os ensaios, o grupo desfíxose”. Iso deixou escrito Manuel María pero os integrantes do grupo cos que falamos non lembran ter ensaiado a obra nin que o grupo se desfixera durante os ensaios. Aseguran non lembrar que a peza fose escrita para o Auriense pero imaxinar os ensaio nos anos 70 activou en nós unha memoria que nunca puidemos consolidar.
"Pavillón Lino" é a nova proposta escénica de Caramuxo teatro para toda a familia. Un espectáculo que nace para homenaxear o desaparecido Pavillón Lino da Coruña, espazo cultural de estética modernista adicado a todo tipo de actividades artísticas, teatro, cine, baile, monicreques, cómicos, autómatas...
O Camiño de Santiago é a historia de Santiago e Mariña, dous irmáns que non xogan xuntos, pero que aprenderán a facelo.
Como cada noite, Santiago emprende o seu camiño acompañado de Branco, o seu cabalo inseparable. O que non espera é que hoxe se atopará no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (A Catedral de Santiago) para atopar o tesouro escondido.
