No centenario da morte da escritora Emilia Pardo Bazán, Secuencia 3 presenta a adaptación teatral da súa novela " Os Pazos de Ulloa" asinada polo dramaturgo Eduardo Galán, baixo a dirección dunha das mellores directoras do noso país, Helena Pimenta, e cun reparto de luxo con Pere Ponce, Marcial Álvarez e Olivia Molina como cabeza de cartel.
O medo é libre. Quen ten cu ten medo.
SOGA E CINSA, tríptico renacentista para 11 bruxas en 101 minutos, aborda a Caza de bruxas en Europa nos séculos XV, XVI e XVII co obxecto de visibilizar o xenocidio que supuxo e a súa perversa conexión co desenvolvemento do sistema capitalista.
Horror, humor, reflexión, plasticidade e emoción son as pócimas principais deste conxuro teatral. Unha sucesión de paisaxes espectrais e inesperadas irrompen a escena para que os corpos expresen a súa danza esquecida, nunha peregrinaxe de sombras espectrais que procura as luces da xustiza e do recoñecemento.
Elenco artístico:
Elenco: Mercedes Castro
"A terra non é miña, eu son da terra"
A partir do libro O home que plantaba árbores de Jean Giono.
Inspirado en acontecementos reais, Semente. O home que plantaba árbores é unha historia inesquecible sobre o poder que o ser humano ten de influenciar o mundo ao seu redor.
Narra a vida dun home e o seu esforzo solitario, constante e paciente, para facer do lugar onde vive un lugar especial.
Paula está moi contenta porque o seu pai contoulle un conto de animais e regaloulle un xilófono.Para darlleas grazas,vai tocarlle unha canción, pero cando empeza a practicar, dunha caixa máxica comezan a saír os animais que aparecían no libro,e grazas a eles descubrirá moitas cousas.
Qué animaliño é?, é unha obra para bebés que lles fará gozar, coñecer e recoñecer as cousas que ven ao seu redor . A través de diferentes elementos sensoriais (bolas de la, burbullas de xabón, confeti, instrumentos, sons…) os máis pequenos da casa gozarán desta emocionante aventura
Lugares que xa non existen. Esquecín como ulía aquela rúa. Non sabía como recuperar a sensación de antes. Miña avóa, Pura, naceu nunha casiña no centro da cidade. A Coruña. Esa casiña xa non está. A primeira vez que foi ó cine estaba co meu avó. El sempre contaba moitas historias, lendas urbanas, cousas que as veces non pasaron pero que forman parte das xentes dun lugar. O Cine París. Había moitos cines en cada barrio, lugar de encontro.. Agora o cine París é un no lugar. Un sitio que podería estar en calquera outra parte, calquera outra cidade, un espazo que non ten nada de memoria.
Elenco: Javier Gutiérrez, Mónica Regueiro, Daniel Pérez e Vicky Luengo
A pregunta é precisa. Catro personaxes tentan respondela: Un cardiólogo que non sabe nada dos asuntos do corazón, unha muller namorada de quen lle rompeu o corazón e algúns ósos, un home todo ollos envolto nunha coraza e unha muller crisálida converténdose en algo descoñecido para ela.
Medea, nas Metamorfoses de Ovidio, definiu ben o namoramento cando viu por primeira vez a Jasón; "Sentín coma se unha frecha cravouse no meu peito ata as plumas". Dor, amor. Gozo, amor.
Porvenir conta a historia de catro amigos de toda a vida que, azuzados pola deusa da fortuna, enfróntanse á incómoda pregunta de como queren vivir a madurez das súas vidas. Son eles os que levan as rendas da súa existencia ou, pola contra, simplemente déixanse levar pasivamente polos seus quefaceres cotiáns...? Porvir non dá solución a pregúntaa pero si reivindica o feito mesmo de expola e, sobre todo, a necesidade de atopar tempo para pensar nela. Dámosnos/Dámonos o momento para reflexionar sobre o que queremos como seres humanos e por que o queremos?
Adaptación libre da obra por Pepablo Patinho
Teatro Ghazafelhos xunto con Paty Lesta e Cristian Leggiero deciden contarnos a historia de Pinocchio. Este títere universal que nos enche de risa e emoción e agacha un segredo no seu corazón de bidueiro.
Cunha posta en escena que combina os monicreques, teatro actoral e música en directo abriremos unha porta a unha emocionante aventura que nos amosará un camiño cheo de humor e sensibilidade.
Elenco: Cristian Leggiero, Paty Lesta, Montse Piñón, Jorge Casas e Pepablo Patinho
Pínconús (Unha comedia musical para toda a familia) Un día calquera, unha estación de tren, tres persoas que queren viaxar, unha billeteira que ven e que vai…
Estación de orixe: Aquimesmo. Destino: Pínconús, ese lugar ao que todos queren ir pero que moi pouca xente se atreve. Unha espera de absurdos encontros e desencontros mentres o tren está por chegar.
Elenco: Ana Carreira, Carlos Coira, Marga Portomeñe e Carlos Rebolo.
