Teatro

A partir do imprescindible, ou do indispensable, ou do estritamente necesario, a partir de case nada, como poder dicir aínda ah a vida, a vida a vida!, ah o amor, o amor! ah a morte! En calquera lugar, fóra, dentro, na casa, no teatro, na praza, dicir: ah a vida, ah o amor o amor, ah a morte a morte!

A compañía escolleu distintos xeitos de conversacións con acentos diversos, tomando formas diferentes e empregándoas sen disocialas: movemento, o texto en tres linguas (catalá, castelán e francés) a danza, o canto, os ritmos procedentes de, entre outros, os zapateados e do claqué.

Un pequeno grupo de persoas pasea pola cidade seguindo o escritor suízo Robert Walser, interpretado por Esteban Feune de Colombi. Proposta escénica a pé, inspirada no universo e con textos deste escritor da primeira metade do século XX, cada vez máis admirado nos nosos días. No camiño prodúcense encontros, improvisados ou non, aparicións, figuras pasaxeiras que fan observar doutra maneira a paisaxe cotiá. O acto de pasear como outro modo de exercitar a mirada e de habitar o tempo, abertos, tamén, ao inesperado.

Antes é unha pequena xoia da nova dramaturxia portuguesa. Recentemente presentado en ISKV Tiyatro Festivali Istambul, Théâtre de la Ville en París e no Hiroshima de Barcelona, o texto de Pedro Penim aborda con ironía e humor o sentimento de nostalxia, de apego ao pasado.

Presentado como un “atlas de melancolías” a performance identifica unha especie de malestar latente relacionado a eventos ancestrais, presentes en toda Europa. Foi o noso pasado, realmente tan “glorioso” como o percibimos? E ata onde debemos identificar este antes?

Trátase dunha peza resultante dunha micro- residencia de catro días na Cidade da Cultura  de Diego Anido e co seu equipo de dirección, produción e movemento.

Durante esta estadía, procorase desenvolver un proceso de investigación coreográfica, co obxecto do que se amose en Escenas do cambio sexa un resultado nun estado moi avanzando no que a dramaturxia textual e visual se refire.

Os preparativos do barco antes de botarse ao mar, a presentación e designación de Xosé Lois como capitán, o recibimento do público-tripulantes do  Arroás e a chegada da mestra María Vitoria suceden na cuberta do barco-escola, o  Arroás.

A acción sitúase nun barco, nun tempo distante, para sacar ao espectador da vida cotiá e facelo voar coa imaxinación nunha navegación por alta mar.

Xogos " clownescos" de persecucións, golpes e caídas que suceden nos dous pisos da cabina de mando, fan suceder as accións.

O director Elia Suleiman, tamén protagonista e narrador desta historia (It must be heaven), viaxa por diferentes cidades do mundo buscando similitudes coa súa terra natal, Palestina. No proceso de atopar un novo fogar, dase conta de que Palestina parece perseguirlle alá onde vai.

Un espectáculo da Escola Municipal de Teatro de Sada en homenaxe á escritora Xela Arias. Un recital poético baseado en poemas extraídos dos seus libros Tigres coma cabalos e Denuncia do equilibro, que contará cun agasallo musical: a artista Eme DJ pinchando en directo temas dos 80 e dos 90 misturados con sons máis actuais. Actuarán: Antía Pérez, Carmen Ortega, Flor López, Rocío Andrade, Eme Fierro, Paca Pérez, Sonia Mahía, Elena Martínez, María Fernández, Vanessa Mañana e Sonia Vila. Dirección e escolma poética e musical: Chus Álvarez.

A literatura galega ten nome de muller, aínda que son poucas as escritoras homenaxeadas no día das Letras Galegas. É máis, pódense contar cos dedos dunha man: cinco mulleres "senlleiras" serán as protagonistas , dende Rosalía de Castro ata Xela Arias, pasando por María Mariño e María Victoria Moreno. A vida, e sobre todo a obra destas cinco "persoeiras", dende un punto de vista lúdico e didáctico.

32m2 de ButacaZero é unha comedia (negra) sobre o confinamento que vivimos este ano, e que se estreará no 2021 como aniversario do inicio do estado de alarma (14 de marzo de 2020).

Uxio Rodas, escultor e pintor duns 60 anos, é considerado polos seus contemporáneos unha auténtica gloria nacional. As súas esculturas están nos mellores museos internacionais e ten sobre as súas costas unha longa e importante carreira de creador honesto e impoñente, con exposición e grandes vendas en todos os países do mundo.