Romeo e Xulieta: o soño do amor, da compañía Elefante Elegante, é unha adaptación do clásico de Shakespeare, un espectáculo teatral dirixido a público adulto que estará seguido dun coloquio dos actores co público guiado por María Lado. A peza trata temáticas de relevancia na actualidade e pon o foco na igualdade de xénero.
A Rede de Dinamización Lingüística levará esta peza ao Culturgal e mais a dous concellos da Rede de Dinamización Lingüística: Melide e Sanxenxo.
Conversar ao redor da democracia, problematizarla, é desde hai algúns séculos, un tema de vixencia garantida. Con todo, en tanto que o teatro ten a obrigatoriedade de falarlle ao espectador fronte a si, non basta con asumir que un tema se inserta no momento sociopolítico só porque noutras latitudes así o fixo.
Esta obra, unha coprodución de Chévere e o Centro Dramático para abrir a tempada do Teatro María Guerrero, usa a memoria dunha catástrofe ecolóxica (a do Prestige) como detonante para desenvolver unha narrativa escénica sobre o presente. A idea é seguir usando procedementos documentais para crear ficcións a partir da memoria colectiva de feitos do noso pasado recente. Neste caso dispoñémonos a comprobar a posibilidade de desvelar outras verdades ou ficcións ocultas na historia da catástrofe do Prestige, para achegarse ao que está pasando coa pandemia de Covid-19. Entender o Prestige como un
¿Pódese viaxar por toda a historia da literatura durante pouco máis dunha hora? ¿Qué pasaría se o destino das grandes obras universais estivese na túa man? Estás preparado para embarcarte nesta aventura? Nun futuro distópico, un réxime autoritario proibiu o pobo a lectura e a tenencia de libros. Os Rufinos, os nosos protagonistas, son perseguidos pola lei por pertencer a unha organización secreta, “Os Libreiros”, cuxa misión é preservar as obras da literatura universal e compartilas co público antes de que ardan no lume.
Benvidos a esta aventura..
No centenario do pasamento da novelista Emilia Pardo Bazán. Contraproducións presenta unha relectura dunha das obras máis interesantes da autora: "A Tribuna". A muller, o amor e os prexuizos de clase son os temas entorno ao que xirarán esta relectura, facendo fincapé no ambiente e primeiras loitas femininas das traballadoras da Fábrica de Tabacos da Coruña. E todo isto con un transfondo político onde se asiste ao ocaso dos Borbóns e á atribiulada proclamación da I República
"A lúa vai encuberta" é unha peza arredor da realidade galega e da loita incesante por conformar unha identidade propia, confrontándonos co noso pasado recente e as súas contradicións, desvelando un discurso que hoxe en día está sendo, senón ocultado, moitas veces silenciado e que explica, en certa maneira, as razóns de por que hoxe en día o noso país ten os trazos políticos, sociais e económicos que o caracterizan.
No 40 aniversario da morte de Álvaro Cunqueiro, o programa de dinamización lingüística FalaRedes réndelle homenaxe ao ilustre mindoniense con esta peza de Sarabela Teatro baseada na súa obra As crónicas do sochantre. Trátase dun espectáculo teatral e musical para todos os públicos cheo de humor e de sensibilidade. Acollerán as representacións Cambados, Mondoñedo e Padrón.
Trátase dunha comedia retranqueira destinada a público de máis de 9 anos que foi creada a partir dalgúns dos relatos de Made in Galiza de Séchu Sende para reflexionar sobre a situación da lingua galega.
Da man do programa de dinamización lingüística FalaRedes Language Planning fará parada nos concellos de Ames, Abegondo, Guitiriz, Xinzo de Limia e Caldas de Reis.
Yllana naceu en 1991 como compañía de teatro de humor xestual, aínda que ao longo da súa traxectoria diversificou a súa actividade, ofrecendo distintas propostas no mundo das artes escénicas e do audiovisual. Dende o seu nacemento, produciron máis de vinte montaxes, entre as que se poden destacar ¡Muu! (1991), Glub, Glub (1994), Hipo (1999), Rock and Clown (2000) ou Musicall (2000).
En escena a actriz Larraitz Urruzola interpreta a Concepción Arenal, que cos monicreques na súa saia-teatriño presenta momentos da súa mocidade e as súas fábulas. A pianista Merran Laginestra acompaña en directo con temas populares e de Marcial de Adalid, compositor galego contemporáneo da escritora.
