A compañía Malasombra Producións incorpórase ao programa de dinamización lingüística FalaRedes co espectáculo Bernarda. Trátase dunha peza teatral de enorme calidade, a máis premiada en Galicia no ano 2020, que fala da memoria da ditadura franquista e do papel da muller no contexto do franquismo e da transición.
Bernarda chegará este outono a catro concellos da Rede de Dinamización Lingüística: Neda, Ribadumia, Silleda e Salceda de Caselas.
O último texto teatral escrito por Lino Braxe desenvólvese nunha Galicia anfitrioa do concurso musical por antonomasia, o que suscita interrogantes como se a TVG podería retransmitir este certame. As risas están aseguradas.
ELENCO
Unha historia para non esquecer que as cousas poden ser doutro xeito. Un conxuro que desfai o feitizo que segue a rodear a catástrofe do Prestige. Unha metáfora da cultura do petróleo que nos impide ver que hai máis alá. N.E.V.E.R.M.O.R.E. pódese referir tanto a corvos que falan como a pobos que berran, pero a intención é a mesma: facer memoria. A idea é seguir usando procedementos documentais para crear ficcións a partir da nosa memoria colectiva.
Esta nova peza do CDG fala dos afectos e do colectivo, de como é importante agarrarse forte das mans diante da adversidade e da necesidade de soster o que tes ao lado como se foses ti mesmo.
Sinopse
Talía Teatro volve ao FalaRedes, desta volta cunha comedia, un divertido espectáculo-collage para público a partir de 12 anos que fala da situación que atravesa a lingua galega e que está destinada a todo o mundo, independentemente da súa posición respecto aos idiomas: aos galegofalantes, aos que non o son, aos que queren selo pero non se atreven, aos que si queren selo e tomaron esa determinación, aos que non o falan porque non o saben falar ben, aos que tanto lles ten que se fale ou non, aos que pensan que o galego debería ser a lingua universal, aos que pensan que debería ser o inglés a
Cunha estética inspirada no pallaso clásico (moi ao estilo Fellini) e en clave de clown, afrontan as escenas máis icónicas da novela de Cervantes. Un velocípedo no que vai montando Don Quixote será o Rocinante, e un triciclo no que irá montado Sancho será o peculiar Rucio, o asno de Sancho Bandullo.
Libre coma os paxaros, da compañía Teatro do Atlántico, é unha peza teatral para público adulto e adolescentes de máis de 14 anos en que a figura protagonista é Rosalía de Castro, quen, interpretada por María Barcala, se dirixe ao público en primeira persoa compartindo as particularidades da súa propia orixe, do seu pensamento, da súa circunstancia social e dos condicionamentos que ten que superar para ser quen de exercer a creación poética e literaria.
O programa de dinamización lingüística FalaRedes e a Rede de Dinamización Lingüística súmanse á celebración do 800 aniversario do nacemento de Afonso X O Sabio, promotor dunha das obras cume, non só da literatura en galego, senón de toda a literatura e a música europea medievais, as Cantigas de Santa María. Fano a través do espectáculo Estrela do día, da compañía Producións Teatrais Excéntricas.
Por primeira vez, Teatro do Noroeste participa no programa de dinamización lingüística FalaRedes e faino cun espectáculo teatral para público adolescente e adulto interpretada por Miguel Pernas, Luma Gómez e Manuela Varela.
A través da figura de Uxío, un escultor e pintor considerado polos seus contemporáneos unha gloria nacional, a peza convídanos a reflexionar sobre o lugar que ocupan a creación artística e a cultura na sociedade actual.
Gloria nacional estará este outono, da man do FalaRedes, en Ortigueira, Barreiros, Cariño e Ponteareas.
Soga e cinsa aborda a Caza de bruxas en Europa nos séculos XV, XVI e XVII co obxecto de visibilizar o xenocidio que supuxo. Asistimos a unha peregrinación de sombras que procuran as luces da xustiza e do recoñecemento de máis de 60.000 vítimas condenadas á fogueira e á forca, o 85% delas mulleres. Horror, humor, reflexión e emoción son as apócemas deste conxuro teatral. Unha sucesión de paisaxes espectrais e inesperadas irrompen na escena para que os corpos expresen a súa danza esquecida.
