Proxección audiovisual

A vida cotiá de dous amantes adúlteros.

Diario de viaxe polo mar de Aral, antigamente un dos lagos máis grandes do mundo, hoxe reducido ao 10% da súa superficie. Pagán intercala imaxes propias tiradas da convivencia alá cun grupo de cazadores da estepa –en dúas etapas, nos veráns de 2018 e 2023– con refilmacións das pezas Memoria (Nerea Barros, 2021) e Man of Aral (Helena Gouveia Monteiro, 2024) en superficies acuosas, puntuadas por extractos en off do seu libro Jalundes e pinturas do museo de arte Igor Savitsky.

Proxéctase xunto ás dúas curtas referenciadas. Presentación e coloquio co autor.

Unha maldición persiste na casa Baskerville, de Devonshire, desde hai séculos. A infamia dun dos seus devanceiros, que violou e asasinou unha muller, provocou que a desventura caia sobre os herdeiros, atacados ata a morte por unha criatura que vaga polas noites nos seus pantanosos terreos. Tras un novo falecemento en estrañas circunstancias, o testamenteiro familiar contrata o famoso detective Sherlock Holmes para esclarecer os feitos e velar pola seguridade de sir Henry, a nova cabeza do clan Baskerville.

Despois de que John, un neno de 13 anos, atrape a súa familia nun buraco no chan, desenvólvese un desesperado xogo de supervivencia neste inquietante thriller psicolóxico.

Pequena sensación indie no cinema de xénero, que conquistou festivais como Sundance e Cannes. Tras a cámara, o ferrolán Pascual Sisto; foi recoñecido como director emerxente nos certames de Deauville e Palm Springs.

Documental que trata sobre a figura de Correa Corredoira, un pintor notable, nacido na Coruña e que desenvolve o seu traballo desde os anos 80. Creador do grupo Orzán e membro destacado do grupo Atlántica, ten un universo propio que expresa a través da pintura, a escultura e o gravado. No documental acudimos ao seu estudio, preguntámoslle sobre todos os temas do seu interese e observamos o seu proceso creativo, en que nos mostra a súa personalidade. Tamén destaca a súa obra poética.

Unha familia de arqueólogos británicos, os Banning, realiza o importante achado dunha antiga tumba en Exipto. Un seguidor deses deuses, con coñecementos en ocultismo, ordenará á momia, espertada ao profanar o xacemento, que persiga e asasine eses homes en vinganza.

1901, o aventureiro e operador dos irmáns Lumière Gabriel Veyre desembarca no País de Nour cun contrato de tres meses para introducir o Venerable Sultán nos misterios do cinematógrafo. Unha ilusión fantasmagórica, humorística e aterradora pero debidamente científica sobre os pioneiros do cinema.

Presentacíón e coloquio: Javier Rebollo.

Edna é unha muller pobre que se ve na necesidade de abandonar o fillo nun coche diante da casa duns millonarios. O rapaz acaba ao coidado do vagabundo Charlot, que constrúe un fogar para el e sobrevive recorrendo á picaresca. Cinco anos despois, e coa nai convertida nunha popular actriz, o destino intentará separalos... A primeira longametraxe de Charles Chaplin, unha combinación maxistral de comedia e drama con doses de crítica social, posúe elementos autobiográficos do director que fan da película un traballo ben persoal. En 1971 Chaplin compuxo a música para o filme.

Jonathan Harker acode ao castelo do conde Drácula para actuar como o seu libreiro, aínda que a súa misión secreta é dar morte ao chupasangues. Tras caer na trampa dunha das súas vampiresas, o home queda subxugado polo monstro. Só o seu amigo, o doutor Van Helsing, quen atopa o diario de Harker e pode reproducir os feitos, será capaz de salvalo e de evitar que a criatura da noite siga a sementar o terror.

Anne, unha brillante avogada que vive co esposo Pierre e as fillas, establece gradualmente unha relación apaixonada con Theo, o fillo de Pierre dun matrimonio anterior, e pondo en perigo a carreira e a vida familiar.