Proxección audiovisual

Yuki traballa como anfitrioa nun bar de Yokohama para poder sustentar o seu fillo pequeno, Haru. Despois de que o seu xefe se negue a compartir os beneficios do local, Yuki vese obrigada a que a acompañe un supervisor, Kyosuke, contratado para asegurarse de que non cause máis problemas. Kyosuke queda conmovido tras coñecer a devoción que ten Yuki polo seu fillo, quen sofre o acoso dos seus compañeiros de escola. Unha das películas máis antigas do ciclo Shimizu rodaríaa principalmente en interiores, centrándose na melancolía dunha muller traballadora e a valentía dun neno.

Sunako e Dora, amigas dunha escola feminina en Yokohama, están namoradas de Henry, un mozo, que, coma elas, é metade xaponés. Deixando a Dora de lado, Henry empeza a prestarlle máis atención a Sunako, ata que comeza a involucrarse cunha cuadrilla de delincuentes e cunha muller chamada Sheridan Yoko. Aínda que Shimizu se faría internacionalmente coñecido polas súas películas sobre nenos cun toque documental, na década dos 30 axudou a formular o estilo moderno que tipificou as producións que saían do estudio de Shochiku Kamata.

Unha picaraña, unha radial, incluso unha pistola. Estas memorias do inframundo comezan cun son seco, violento, como corresponde a todo acto de subtracción. Un só disparo esboroa en cuestión de segundos calquera sinfonía xeolóxica, os miles de anos necesarios para que as estalactitas e as estalagmitas se formen, centímetro a centímetro, nun sutil proceso de goteo.

Un científico mantén nunha nave espacial un conxunto de espécimes de flora e fauna que funcionan como unha sorte de Arca de Noé logo de que a vida na Terra sexa xa só artificial e esas especies se extinguiran. Cando recibe ordes de destruír o bosque, a súa negativa enfróntao cos demais membros da tripulación.

A guerra do Líbano durou desde 1975 ata 1990 e custoulle a vida a 250.000 persoas. Aínda hai un número descoñecido de desaparecidos. As estimacións varían entre 2.000 e 10 veces esa cifra, pero tras a introdución dunha amnistía xeral, as autoridades non están dispostas a levar a cabo máis investigacións. Alguén que está disposto a facelo é o cineasta Ghassan Halwani. En Erased,___ Ascent of the Invisible, o seu primeiro documental, indaga en antigos arquivos, examina fotografías e realiza meticulosos debuxos de persoas.

O Museo Etnográfico Liste de Vigo acolle a proxección do documental “A luz das ánimas” dirixido por Sergio Santos Otero e producido por Lembrame.gal.
En A luz das ánimas mergullámonos nunha viaxe por un universo de luces, voces, lembranzas e camiños que unen xeracións. É certo que se fala da morte, pero dunha morte que mantén vivos, a través da memoria, a aqueles que xa abandonaron este mundo. A peza pretende amosar, así, a forza das tradicións e da memoria colectiva galega.
Desenvolvemento:
 Presentación do documental a cargo de Gusi Domarco de Lembrame.gal

Gastón prometeuse a si mesmo abandonar a profesión se non consegue un gran papel como actor antes dos 30 anos. Só lle queda unha semana para logralo. Comeza a conta atrás!

360 curvas marcan a distancia que separa A Fonsagrada de Lugo. Este camiño longo, difícil e descendente entre montañas reflicte o declive dun lugar que, a comezos dos anos 90, decidiu loitar pola súa supervivencia.

Yuki, unha cativa de nove anos, descobre que seus pais se van separar. O pai é francés e a nai xaponesa. A idea é que Yuki vaia vivir a Xapón con súa nai, deixando atrás toda a súa vida en París, o que inclúe á súa amiga Nina. As dúas amigas farán plans para conseguir que os pais de Yuki volvan xuntos, mais a fuxida parece ser a única solución. Ambas ocultaranse no bosque. Obra mestra que mestura dous talentos distintos e suxestivos, o realismo baseado na presenza humana e as súas relacións do xaponés Nobuhiro Suwa e a capacidade onírica do actor francés Hippolyte Girardot.

Un cativo de trece anos, Antoine Doinel, leva unha problemática vida co padrasto e coa nai. Doinel é un cativo soñador, inconformista, en parte asocial, que dificilmente atura o mundo familiar cheo de amargura. Unha mentira escolar faino meditar sobre a fuxida. Primeira (e mítica) película de Truffaut, un dos filmes que axudaron a construír a Nouvelle Vague. Comezouse a rodar un día antes da morte do seu mestre André Bazin, foi premiada en Cannes e tivo un importante éxito de público. Destacan as aparicións de Jeanne Moreau e Jean-Claude Brialy.