Proxección audiovisual

“Logo de rodar un filme de ficción sobre a infancia de Jacques (Jacquot de Nantes), a miña idea era facer un documental (relativamente obxectivo) sobre Jacques Demy, como adulto e director”. [Agnès Varda]

Lizzy é unha escultora que se prepara para inaugurar a súa próxima exposición. A pesar de ter o tempo xusto, debe lidar cun corte de auga na súa casa, cunha caseira e cunha veciña (tamén artista) que ten outras prioridades; vese coidando involuntariamente dun paxaro ferido; séntese na obriga de comprobar que o irmán, cunha saúde mental preto do colapso, se atopa ben; intenta manter viva a relación cun pai estrambótico e ausente; e preséntase ao traballo nun centro de arte con evidentes signos de esgotamento. Con todo isto por diante, será quen de realizar a entrega a tempo?

Durante xeracións, a familia Solé cultivou unha grande extensión de pexegueiros en Alcarràs, unha pequena localidade rural de Cataluña. Mais este verán, despois de oitenta anos cultivando a mesma terra, poida que sexa a súa derradeira colleita.

A MEMORIA E O RELATO

Carla Simón, que arrincou a súa traxectoria con Verano 1993 (2017) e obtivo o Oso de Ouro do festival de Berlín coa súa segunda longametraxe, Alcarràs (2022), é a primeira cineasta española en obter un gran premio nun festival de clase A. Conversaremos con ela sobre este feito, mais tamén sobre a súa traxectoria, o seu estilo e os seus intereses temáticos, así como sobre asuntos que teñen que ver co feito de traballar, como muller, a partir da propia memoria.

Moderado pola comisaria do ciclo Jara Yáñez.

AuGAL Master Class do Audiovisual Galego

Un curso máis, a Axencia Galega das Industrias Culturais da Xunta de Galicia e a Facultade de Comunicación da Universidade de Vigo colaboran na organización de AuGAL Master Class do Audiovisual Galego para afondar nos procesos creativos e técnicos do cinema e a televisión, co foco posto na máis recente produción galega.

Narra a amizade e desventuras de tres curiosos artistas sen un pataco no París bohemio. Marcel, un escritor sen traballo que se dedica a recoller botellas baleiras, Rodolfo, un pintor albanés sen papeis, e Schaunard, un compositor irlandés. Os tres tentan sobrevivir á súa mala situación económica axudándose mutuamente.

Lugar: Patio do Museo Etnolóxico de Ribadavia

Sesións: 19:00 horas

De balde

Máis información: cineclubepf.eu

Ampla selección de curtametraxes da cineasta Agnès Varda (máis info en ligazón).

Loretta, viúva dende hai anos, vai casar con Johnny só por comodidade e porque, tras moito tempo solteira, é o único home que llo pediu. Cando o pretendente debe viaxar de Nova York a Sicilia para visitar a súa moribunda nai, deixa encargada a Loretta de convidar á voda o seu irmán Ronnie, con quen non se fala. A muller vai visitalo e ese encontro espertará en ambos sentimentos que anuncian complicacións nas relacións familiares.

Mentres toman o sol, dúas rapazas propóñense adaptarse sen dificultades á corrupción do mundo. A transformación leva a unha acertada colaxe de momentos excepcionais onde Marie I e Marie II practican o máis próximo ao seu concepto do mal. Un dos títulos checos míticos da época, unha narración desenfreada, trepidante, ácida, chea de humor hilarante e trazos próximos ao absurdo, que amosa dúas mulleres nun mundo de homes, dirixida ademais por unha das máximas representantes da ironía da Nova Vlná checa.