Proxección audiovisual

Lugar: Patio do Museo Etnolóxico de Ribadavia

Sesións: 19:00 horas

De balde

Máis información: cineclubepf.eu

Ampla selección de curtametraxes da cineasta Agnès Varda (máis info en ligazón).

Loretta, viúva dende hai anos, vai casar con Johnny só por comodidade e porque, tras moito tempo solteira, é o único home que llo pediu. Cando o pretendente debe viaxar de Nova York a Sicilia para visitar a súa moribunda nai, deixa encargada a Loretta de convidar á voda o seu irmán Ronnie, con quen non se fala. A muller vai visitalo e ese encontro espertará en ambos sentimentos que anuncian complicacións nas relacións familiares.

Mentres toman o sol, dúas rapazas propóñense adaptarse sen dificultades á corrupción do mundo. A transformación leva a unha acertada colaxe de momentos excepcionais onde Marie I e Marie II practican o máis próximo ao seu concepto do mal. Un dos títulos checos míticos da época, unha narración desenfreada, trepidante, ácida, chea de humor hilarante e trazos próximos ao absurdo, que amosa dúas mulleres nun mundo de homes, dirixida ademais por unha das máximas representantes da ironía da Nova Vlná checa.

Agnès Varda filma a rúa Daguerre, no distrito 14º de París, onde ela vivía. Filma os comerciantes, o carniceiro, a panadeira, o tendeiro do ultramarinos, o perruqueiro, os seus veciños. Transcende a vida apracible do francés medio. Unha homenaxe ao cotián.

Documental ensaio sobre os murais da cidade de Los Angeles. Un retrato das vías de expresión da cultura chicana e unha aproximación á multiculturalidade da cidade californiana. Forma parte dun díptico, xunto co filme Documenteur.

Varda reflexiona sobre o proceso de alienación e marxinación dunha muller divorciada recentemente chegada a Los Angeles co fillo de 8 anos. Documenteur usa moi distintas convencións do cine de ficción e non ficción na súa exploración das relacións entre as persoas e a cidade.

Dúas pezas da serie Walker de Tsai Ming-liang:

- Sin dormir (2015). En 2015, o Festival Internacional de Cinema de Hong Kong propuxo a Tsai Ming-liang realizar a curtametraxe inaugural. Desta vez, escolleu a estación de Shibuya, en Toquio, como lugar principal de rodaxe e convidou o famoso actor xaponés Masanobu Ando a aparecer xunto a Lee Kang-sheng. Dormen por separado nun hotel cápsula e límpanse nun baño público. Os seus corpos fatigados anhelan durmir, pero as súas mentes inquietas impídenlles adormecer.

O «verán do amor» dos 60 tórcese. A obra de culto de Varda contempla a liberdade e o cinema fantasía. Iconas underground como Viva, a estrela da factoría Warhol, e Shirley Clarke (como ela mesma e tamén como alter ego da propia Varda) exploran os límites do soño hippy e mesturan política e xogo.

Tres curtas de grandes cineastas que estudaron nos cincuenta na Escuela Oficial de Cinematografía: Tarde de domingo (Basilio Martín Patino, 1961), El viejecito (Manuel Summers, 1959), Cántico (Agustín Navarro, 1950).