O sensentido máximo da vida mesma xoga cos sentimentos do dono e os empregados dun complexo de tenis, nun melodrama anárquico fóra de toda norma, mesmo ortográfica – Lucía Seles.
Presentación e coloquio: Lucía Seles. Moderan: Noah Benalal e Irene Castro - Roedor.
Documental sobre as paisaxes e as xentes de Innisfree, o mítico lugar irlandés onde John Ford ambientou en 1952 a súa película El hombre tranquilo, e ata que punto a súa rodaxe e a ficción que narraba xa forman parte da memoria colectiva da vila.
Precedido dunha charla con Xacio Baño, Jaione Camborda, Marcos López, Ángel Santos e Núria Aidelman.
Kiyoshi Kurosawa regresou con esta historia ao thriller criminal, no que volve a partir da intersección entre o mundo dixital e o noso para abordar a violencia soterrada que impregna o día a día das persoas. Nela, un mozo que traballa revendendo obxectos a través de Internet, descobre que ás veces os actos poden ter consecuencias imprevistas... e letais.
Con Cloud, Kurosawa revisita algúns dos temas que o acompañaron ao longo da súa carreira. Nesta ocasión, sinala ao consumismo e ao materialismo como unha nova manifestación do egoísmo que causa o horror.
Cada ano, unha pequena vila escocesa celebra o campionato mundial de papas de avea. Entre culleres, tradicións e rivalidades ancestrais, os habitantes revelan a poesía agochada no cotián. Un documental deliciosamente humano sobre o orgullo local e a calor dunha comunidade que toma o almorzo como algo moi serio.
Un ano na vida dunha familia mentres os pais afrontan a súa separación. As complexidades da familia, o amor e o peso das lembranzas compartidas atravesan pequenas viñetas íntimas e sucesos estraños. Unha exploración de como o amor cambia, se fragmenta e, con todo, permanece.
Resonancias converteuse nunha fermosa exploración polo universo compartido e descoñecido da Lusofonía en Sadurniño realizada por unha cineasta da fronteira. Diana foi quen de atopar nunha aldea allea o ronsel da súa identidade cultural e, ao tempo, ser fiel a si mesma e á propia memoria persoal. O talento da cineasta luso-galaica foi quen de diluír, mediante resonancias vividas, os 220 km que nos separan da súa patria da infancia. (Manolo González)
Durante máis de vinte anos, a artista Tova Mozard filma a súa amizade con Russell, un actor secundario perdido nas marxes de Hollywood. O que comeza como un retrato documental convértese nun diálogo sobre o tempo, a soidade e a necesidade de sentirse visto. Un acto de amor cara a quen vive entre a realidade e o escenario.
Lagos, 1993. Os irmáns Remi e Akin pasan un día con seu pai, descubrindo por vez primeira a magnitude e o caos da cidade, mentres son testemuñas das silandeiras batallas do seu proxenitor por manter a familia. Mais ese día máxico vese ameazado polo tumulto das eleccións presidenciais de 1993, cuxos resultados poderían impedirlles regresar a casa.
Un magnate da música retírase a unha cabana remota para chorar o suicidio da súa famosa esposa. En medio da soidade da natureza canadense, loita contra a dor ata que un encontro inesperado pon fin ao seu illamento.
Cuarta sesión dedicada á empresa Espello Vídeo Cine, na que se proxecta unha única peza. La aventura del Arosa I é unha reportaxe que documenta a viaxe do buque pesqueiro Arosa I á fosa atlántica para rexistrar as protestas contra as verteduras nucleares que alí estaban a suceder e denunciar esta situación ante o mundo.
