Lagos, 1993. Os irmáns Remi e Akin pasan un día con seu pai, descubrindo por vez primeira a magnitude e o caos da cidade, mentres son testemuñas das silandeiras batallas do seu proxenitor por manter a familia. Mais ese día máxico vese ameazado polo tumulto das eleccións presidenciais de 1993, cuxos resultados poderían impedirlles regresar a casa.
Un magnate da música retírase a unha cabana remota para chorar o suicidio da súa famosa esposa. En medio da soidade da natureza canadense, loita contra a dor ata que un encontro inesperado pon fin ao seu illamento.
Cuarta sesión dedicada á empresa Espello Vídeo Cine, na que se proxecta unha única peza. La aventura del Arosa I é unha reportaxe que documenta a viaxe do buque pesqueiro Arosa I á fosa atlántica para rexistrar as protestas contra as verteduras nucleares que alí estaban a suceder e denunciar esta situación ante o mundo.
Dende unha Gaza asediada, unha moza comparte a súa vida diaria cunha cineasta que a observa desde lonxe. Entre videochamadas, risas e bombardeos, ambas constrúen unha amizade improbable, tecida con imaxes que resisten ao esquecemento. Un testemuño de beleza e coraxe fronte ao horror dun xenocidio en directo.
Programa de curtametraxes por anunciar.
Programa de curtametraxes por anunciar.
Óscar Restrepo, o poeta do título, non foi quen de estar á altura dos seus prometedores comezos na literatura e sobrevive como pode mentres coida de súa nai. Óscar atopa un espírito afín na súa alumna Yurlady, unha adolescente a quen ve como un diamante en bruto da poesía.
Nueve reinas propoñía o pracer que provoca unha historia armada con notable precisión sobre dous estafadores (interpretados por Ricardo Darín e Gastón Pauls), deses profesionais do engano que aparentan ser e facer certas cousas para obter algo de forma ladina, cunha trampa de elaboración non poucas veces sofisticada que a vítima non debe detectar. (…) sorprendía co seu final para moitos totalmente inesperado; pero para chegar a esa instancia vistosa e apaixonante non necesitaba cravarnos un puñal por detrás, nunca traizoaba a nosa fe no narrador. (Javier Porta Fouz)
Versión castelán. Recomendado a partir de 8 anos.
Programa formado por seis curtametraxes que teñen como escenario o fondo mariño.
Terceira das proxeccións dedicada á empresa Espello Vídeo Cine, que nos anos oitenta documentou infinidade de eventos acaecidos en Galicia durante esa década. Centrámonos nas nosas tradicións e folclore a través da recuperación de tres pezas representativas destes temas.
Espello dedicou toda unha serie de reportaxes a eventos relixiosos e festas populares en diversas vilas de Galicia, varias delas guionizadas polo escritor Manuel Rivas. É o caso da peza sobre o santuario da Virxe da Barca, en Muxía, que abre esta sesión.
