Un grupo de nenos sobrevive como pode no Xapón da posguerra a través do mercado negro. Cando se atopan cun soldado expatriado que vaga polo país, deciden unirse a el, co obxectivo de chegar a unha escola especial para orfos do conflito. O primeiro filme independente de Shimizu tras a súa marcha da Shochiku permitiulle facer unha fita de corte neorrealista na que non agocha ningunha das dificultadas que atravesaba a súa patria nesa altura.
Guillermo Fernández-Zúñiga foi un pioneiro do cinema científico en España e membro do equipo de difusión audiovisual da República durante a Guerra Civil española. A pesar de ter unha gran importancia histórica, moita da súa obra perdeuse ao longo dos anos. Tal é o caso de La flor de Irupé, película que este iniciou no exilio en Bos Aires, pero que nunca chegou a completar.
No corazón dun xardín botánico nunha cidade medieval de Alemaña álzase un maxestoso ginkgo, unha árbore milenaria que suscita a atención de tres persoas ao longo de máis de 100 anos: un neurocientífico de Hong Kong, unha moza que observa un xeranio e unha estudante nos albores do século XX que se mergulla nos misterios da fotografía.
Con debate previo con Paco Calvo, especializado no estudo da intelixencia vexetal.
José Luis Ducid coordina a produción de 4 pezas audiovisuais editadas por 4 realizadores distintos, todas sonorizadas por Alfonso Camarero en Gourmetsound Estudio.
Exordio brevísimo a cargo de José Manuel Sande.
1- LA LUZ Y EL VIENTO [5 minutos]:
Videopoema -baseado nun texto de León Felipe- interpretado polo artista plástico Javier de la Rosa. Musicalizado por A. Camarero. Gravado e editado por Santiago "Roma" Romero, de Tragaluz Fotografía.
Emi e a súa amiga Okiku deciden facer unha breve parada nuns baños termais durante unha viaxe en grupo polas montañas de Yamanashi. Ao día seguinte, cando ambas se foron, Nanmura, un mozo exsoldado recuperándose nos baños termais, faise dano ao pisar unha pinza de pelo dunha muller. Un accidente que lle parece moi romántico. Traballando sobre unha novela de Ibuse Masuji, Shimizu volve mostrar un complexo de augas termais como un lugar de evasión, case utópico, axudando a que esta obra teña un ton relaxado.
Restauracións da Filmoteca de Galicia dos seguintes traballos:
Noticiario de Vigo (Cinemóvil Rèclame nº2) - José Gil
Vigo. Reportaje nº15. - Vicus Films
Noticiario Folk nº 1 - Ramón Barreiro
Recibimiento de Vigo a su Excelencia el Presidente de la República - Ramón Barreiro
Na paisaxe indefinida dun barrio periférico, entre o mundo rural e o urbano, coexisten as casas levantadas polos primeiros migrantes, que chegaron de toda España tras a posguerra…, e os novos bloques e vivendas da cidade dormitorio, onde se concentra a nova migración, convertendo este humilde recuncho nunha auténtica aldea global. Historias del buen valle é unha suma de imaxinarios, de conflitos sociais, xeracionais e identitarios, urbanísticos e ecolóxicos; pero é tamén unha mirada repousada e humanista sobre o mundo actual.
Selección realizada polo cineasta José Luis Guerin. Con presentación e comentarios do mesmo. Pezas na proxección:
AUGUSTE E LOUIS LUMIÈRE: Place des Cordeliers (1’), La Canebière (1’), Premiers pas de bébé (1’) © Institut Lumière
CINEMA EN CURSO: Minutos Lumière e planos do mundo filmados por crianzas e mozos entre 2005 e 2025
OSKAR FISCHINGER: München-Berlin Wanderung (1927, 4’)
JONAS MEKAS: Williamsburg, Brooklyn (2003, 15’)
JONAS MEKAS – JOSÉ LUIS GUERIN: Últimas correspondencias (2016, 12’)
As abellas están a desaparecer, preocupación dun profesor de ciencias nun instituto de secundaria de Filadelfia, Elliot Moore. Está isto conectado cunha neurotoxina que liberan as plantas e que causa suicidios en masa naqueles individuos que a inhalan? Intentando escapar deste perigo invisible, Elliot, coa súa filla Jess e a súa parella Alma, emprende unha fuxida cara adiante sen saber moi ben a onde se dirixir. Xuntos, intentarán desentrañar un misterio que pode acabar coas súas propias vidas e, de se propagar, coa humanidade.
Uta é unha bailarina nunha pequena compañía itinerante liderada por Monroku. Un día, farta dunha vida nómade e de que non a respecten, aproveita o abandono de Monroku e da compañía para comezar a traballar na casa dun antigo coñecido, co que coincidiu facendo de geisha substituta. Alí comeza ensinándolle á filla do seu coñecido, Nuiko, a bailar.
