O docente e coordinador Xosé Nogueira, a cineasta Margarita Ledo e o investigador Julio Vilariño presentarán Lume na periferia. Para unha historia do cinema en lingua galega (4) o próximo xoves 2 de xuño ás 20.30h na Libraría NUMAX. Un volume realizado ao abeiro do grupo de investigación Performa e editado por Galaxia.
Relatos de Cascarilla achéganos ás vidas de distintas persoas que comparten como escenario a cidade da Coruña.
No transcurso dos relatos acompañaremos aos protagonistas por ledicias e tristuras, por amores ou soidades, por tempos pasados e tempos por vir, e veremos como teñen en común algo máis que un lugar ou un tempo.
A necesidade de comprensión, agarimo e amizade ábrese paso encarnada nas persoas que desfilan ante nós, amosándose aos nosos ollos e ao noso entendemento como seres fráxiles, resistentes, efémeros e todos eles importantes.
A Casa-Museo Emilia Pardo Bazán (rúa Tabernas, 11 – A Coruña) acolle mañá xoves, 26 de maio, ás 18:00 horas, a presentación de Anfitrionas: crónicas y cronistas de salones 1890-1930. A autora, Marisol Donís, estará acompañada pola conservadora da Casa-Museo Emilia Pardo Bazán, Xulia Santiso.
Marisol Donís e Xulia Santiso conversarán sobre unha obra que profunda nunha das poucas ocupacións nas que as mulleres da burguesía e da aristocracia europea podían ser protagonistas e mais na aparición dun novo xénero xornalístico arredor dela: a crónica social.
A biblioteca cede o espazo a Xandobela para realizar a presentación dos resultados do proxecto "Ludamus!: promoción do patrimonio cultural a través do xogo", subvencionado polo programa europeo Erasmus Plus. Amosará a publicación "Xogando co patrimonio", útil para profesionais da educación e da xestión cultural que queiran empregar o xogo como ferramenta para promocionar o patrimonio cultural, e que é o resultado principal do traballo desenvolvido durante 15 meses pola equipa formada por entidades de Galicia, Portugal, Italia e Romanía e coordinada por Xandobela.
O escritor Marcos Obregón compaxinou durante moitos anos a súa paixón pola interpretación dramática co traballo editorial ata que en 2005 sufre un brote psicótico e tres anos despois se lle adxudica unha incapacidade absoluta. Agora, Obregón preside a Asociación Radio Nikosia onde loita pola dignidade das persoas con sufrimento psíquico. O próximo mércores 25 de maio ás 19:30h o autor presentará Contra el diagnóstico. Desmontando la enfermedad mental acompañado da psicóloga clínica con diagnóstico psiquiátrico, Alejandra Boullón, e o psicólogo clínico do Sergas, José Berdullas.
A arquitecta e artista viguesa Paula Lago enrredou a súa nai, a docente Dores Pereira, para elaborar unha guía especial que servise para coñecer e recoñecer as herbas de San Xoán. Unha axuda que a levou a corrixir e revisar os textos pero, o máis importante, a depositar unha información que vén transmitíndose de xeración en xeración na contorna familiar e veciñal en Atios (O Porriño).
Encadrado no obradoiro de cómic que organiza a biblioteca e como conmemoración do Día das Letras Galegas, o sábado 21 de maio terá lugar a presentación da obra de Ángela Curro Baixo o pantano e a entrega de premios do concurso de banda deseñada "BD Vigo".
O escritor Julen Azcona estará na Biblioteca Ágora no marco do festival Corufest
Julen Azcona, que vén de publicar Lodo na editorial Dos bigotes, presentará o seu libro nun acto conducido por Juan Garcés, integrante do Club de lectura QUEERuña .
Interpretación musical do poema "A Cortegada fun un día" a cargo de Victor (fillo) e Alejandro, Miguel e Xoán (netos). Lectura de poema "A alba" por Sergio (neto).
Coa intervención de: Germán Torres, Carlos Álvarez e Alberto Fernández.
A obra póstuma de Eduardo Victor Castro López dividida en dúas partes, non deixa indiferente a ninguén. É un testamento de quen se vai cando aínda non se quería ir.
É unha introdución á curiosidade filosófica enviada ao planeta Terra desde o planeta Bibopia, con amor. Quen puido pensar que a primeira mensaxe extraterrestre recibido na Terra chegaría en forma de libro?. Un libro composto unicamente de preguntas.
