A biblioteca cede o espazo para a presentación dos Premios Xerais 2022: “A culpa” de María Solar, Premio Xerais de Novela; “Cicuta para dous” de Rocío Leira, Premio Jules Verne de Literatura Infantil e o poemario "Unha nova dimensión" de Anxo Iglesias, Premio Merlín de Literatura Infantil.
No salón de actos. A entrada é libre ata completar a capacidade da sala.
Pepe Cadavedo, director-presentador dos programas gastronómicos «Gastronomía na Onda» de Onda Cero Radio e «Debocaenboca» de Televigo, con este libro guía achéganos as receitas máis famosas dos nosos restaurantes á nosa mesa, de forma que se converta nun práctico manual do «bo comer». Un libro onde, un ano mais, recóllense máis de cen receitas, elaboradas por grandes cociñeiros á fronte dos grandes restaurantes do noso país e fundamentalmente da nosa terra.
Lugar: salón de actos
Horario: 18:00
Entrada libre ata completar a capacidade da sala
Lengua ajena, da ecuatoriana Julia Rendón, é unha novela capaz de construir un mapa de afectos que traspasa as fronteiras, a través do devir de catro xeracións de mulleres e da experiencia da migración. Unha poderosa narración sobre a busca dun lugar de pertenza. Unha obra, cargada de sensualidade, de desinhibición e rebeldía, onde a maternidade e os coidados ocupan un lugar central. Julia Rendón Abrahamson vén dicirnos que os temas que interesan á rexión non se esgotan na violencia, ou o que pode parecer exótico no exterior.
Que é un milenial? E un cerebro milenial?.
Nacho Roura, coñecido nas redes como @neuronacho, achegaranos, a través do seu libro El cerebro milenial, ao que lle pasa ao cerebro nos momentos de ansiedade, cos tipos de orientacións e de identidades sexuais, redes sociais, saúde mental e todas as custións existenciais do mundo.
Neurocientífico e divulgador, será capaz de botar un pouco de luz ao que os cerebros da mocidade en particular, e das persoas en xeral, traballan para adaptarse aos tempos que corren.
E a ti, o teu cerebro pídeche vir? Esperámoste!
María Martín-Seijo Investigadora da Universidade de Cantabria, presentará as últimas investigacións sobre os materiais efémeros da vida cotiá durante a Idade do Ferro, partindo dos achados atopados en Castromaior, As Laias ou Monte Castro. Ao remate da presentación proxectarase o documental: "O latexo do tempo humano. Tres pezas, tres artesáns" producido por Illa Bufarda.
Cando Alejandro coñeceu a David, o seu sorriso pareceulle a maxia que podería salvalo de si mesmo. Durante anos ambos se consideraron afortunados, crían que o amor que compartían era capaz de aguantar todo tipo de tormentas. Todas menos unha.
Fai dez anos que se foi de Madrid deixando a súa dor, o seu corazón e a David sen apenas dar explicación. Agora Alejandro está preparado para enfrontarse ao pasado e a David, quen non conseguiu perdoalo, pero tampouco esquecelo.
O poeta e cantautor PARIS JOEL presentará mañá, día 4 de novembro, ás 20 horas, o seu segundo poemario “La Aldaba del Venrano” no salón de actos do Circo de Artesáns.
No acto intervirá, alén do autor, o prologuista do libro e cantautor CÉSAR DE CENTI.
Ambos interpretarán algúns dos seus temas musicais.
PARIS JOEL
Paris Joel traballa como locutor e técnico da emisora municipal Radio Oleiros e realizou crónicas e críticas musicais en distintas publicacións.
Como cada mes, o Museo escolle algunha peza de entre os seus fondos (neste caso, artísticos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.
A fotografía móstranos o río Miño no seu encadramento montañoso tomada desde a beira dereita preto do afloramento da Chavasqueira prope a capital. Obsérvanse pequenas charcas formadas na desembocadura das augas termais e un grupo de persoas que as aproveitan.
Ángela Banzas presenta a súa segunda novela, un thriler que en apenas un mes xa acadou unha terceira edición. Unha historia vibrante na que crimes, intrigas e segredos familiares conviven cn superticións nuns escenarios directamente inspirados nas Illas de Arousa e Cortegada.
