Presentación

O polifácetico autor coruñés Junn F.H. Lightnire desenvólvese comodamente entre disciplinas tan dispares como a música, o debuxo e a escritura.

O venres 17 de xuño, a partir das 19 h., vainos presentar a súa opera prima na Biblioteca Os Rosales, a súa Biblioteca de cabeceira dende a infancia: Historias de Anghram: Senam Dioris. Unha historia onde atopamos  a un ferreiro en busca de xustiza. Un cabaleiro desposuído das súas honras. Un grupo de templarios na procura da verdade. Un cazador de monstros que persegue a pista dun vampiro...

Os poemas do escritor escocés Douglas Dunn xa se poden ler en galego en Selected Poems / Poemas escollidos grazas á tradución da profesora de lingua inglesa María D. Armental. Un libro que foi posible grazas á HFD Editorial e á Asociación Cultural Barbantia en colaboración coa Consellería de Cultura e Turismo. Unha publicación de poemas seleccionados, en versión en inglés-galego, que destacan pola unión de realismo crítico, as imaxes surrealistas e a métrica.

A biblioteca cede o espazo ao Concello de Vilagarcía de Arousa para a presentación do programa de actividades de "Vilagarcía, cidade de libro" que se celebra na vila pontevedresa entre os días 13 e 19 de xuño de 2022. Estarán presentes no acto Xosé Sánchez Bugallo, Alcalde de Santiago; Mercedes Rosón, Concelleria de Cultura de Santiago; Alberto Varela, Alcalde de Vilagarcía de Arousa; Sonia Outón, concelleria de Cultura e Alba Briones, concelleira de Xuventude de Vilagarcía de Arousa.

Dirixido a público adulto. No salón de actos. Entrada libre ata completar a capacidade da sala

Amelia e Verónica deciden un día procurar emprego nunha agrupación de marisqueo a pé, primeiro en Vilanova de Arousa e despois en Carril. O coñecemento deste oficio e das persoas que o levan a cabo vai influír na decisión de cambiar as súas vidas...

DE AMOR, FICCIONES Y SENTIMIENTOS é unha compilación de 56 relatos escritos ao longo de moitos anos, que abarcan unha temática diversa e heteroxénea. Polo xeral, son relatos de ficción, aínda que se inclúen tamén varios escritos de corte intimista que reflicten sensacións e momentos concretos na vida do autor e que están normalmente dirixidos, ou referidos, a persoas próximas ou cuxos camiños se entrecruzaron nalgún momento cos deste.

Panthalassia é un lugar complicado no que vivir, pequenos arquipélagos esparexidos destacan sobre a superficie dun océano que cobre a práctica totalidade do planeta e esconde tecnoloxías descoñecidas das que depende o sustento dos seus habitantes.

Emilio Montaraz é un buscavidas máis que codirige unha empresa de salvamento marítimo e transporte de mercadorías á beira do seu socio Terrag Walt, sustentados soamente pola súa aeronave.

Os Clubs de lectura da Biblioteca reúnense co ourensán Xavier Cid para falar do seu útlimo libro "10000 millas de andar na bici"  publicado por Xerais. O encontro está aberto ao público en xeral para asistir só é preciso chamar aos números de teléfono 988 788 385 / 386.

Cambio climático: unha aproximación en positivo a través dun álbum ilustrado. Coa presenza da autora Luísa Martínez Lorenzo

Neste libro explícase como funciona o Planeta e por que os eructos e os peide os das vacas contribúen ao cambio climático. Vai ser un libro pesimista deses nos que todo o que coñecemos vai desaparecer, imos morrer queimados e non hai solución? Bo, falamos das consecuencias do fenómeno pero tamén damos instrucións sobre como activar o SUPERPODER para frear o cambio climático. E quen ten ese SUPERPODER? Pois todas as persoas que consumimos.

Charla e presentación do libro da Bohodón editorial, "Tu Huella en mi camino" a cargo dos autores Óscar Vázquez Lima e Teresa Chamorro Álvarez.

Actividade aberta á cidadanía que precisa de inscrición previa nos teléfonos 988 788385/386

O docente e coordinador Xosé Nogueira, a cineasta Margarita Ledo e o investigador Julio Vilariño presentarán Lume na periferia. Para unha historia do cinema en lingua galega (4) o próximo xoves 2 de xuño ás 20.30h na Libraría NUMAX. Un volume realizado ao abeiro do grupo de investigación Performa e editado por Galaxia.