Este libro é esencial, no sentido mais literal da palabra. É o que queda despues da destilacion, o que permanece no meu, do meu e a traves do meu, co paso dos anvos. Unha sucesion de horas, instantes, circunstancias que eu vexo reflectidos nos ollos da muller que foi, é e sera a medida de todas as cousas...
No libro Pantallas de lo maravilloso: un recorrido por el surrealismo en el cine centroeuropeo (1945-1990) o investigador Luis E. Froiz achéganos ao cinema realizado durante a etapa comunista de Polonia, a antiga Checoslovaquia, Hungría e as repúblicas iugoslavas de Croacia e Eslovenia dende unha óptica novidosa: a do espírito do surrealismo ideado por André Breton no ano 1924.
Hoxe temos a presentación por parte do autor Ángel de Frutos Acevedo do libro de ficción histórica "Alhajas" ambientada nas primeiras décadas do século XX.
Terá lugar na Sala de Conferencias da Biblioteca e para asistir a ela é necesaria a inscrición previa que se pode facer chamando ao 988 788385.
A cidade oculta, o poemario de Estevo Creus fala, entre outras cousas, do territorio como corpo, da memoria coma especie, e sobre todo, da imposibilidade de fuxir do golpe. Tamén fala do amor, ou o amor fala nas súas páxinas. En palabras da poeta Cynthia Menéndez “este libro é un mapa ou un artificio, un amante preciadísimo que recala nas tabernas e nas camas de domingo porque morrer é alonxarse do peso das cousas e os corpos procuran cómplices para seren máis livianos”.
A nova editorial Rodolfo e Priscila iniciaba a súa andadura o pasado mes de novembro coa publicación de Pequeno álbum de Nova York en inverno e coa traducción do libro que presentaremos en NUMAX, A poesía como arte insurxente, do poeta, editor e valedor da xeración beat, Lawrence Ferlinghetti. Este poemario contén un manifesto literario e vital, unha mirada crítica e de desencanto sobre a política a a sociedade norteamericana, así como ofrece un espazo propicio nas marxes para o florecemento da poesía.
Presentación do libro ‘A historia do cómic en Galicia’ de Octavio Beares. Estará acompañado pola actriz Neves Rodríguez.
M.J. Miguéns presenta a súa obra "Así aprende el cerebro: descubre el genio que llevamos dentro".
Este libro, con fundamento nos últimos avances da neurociencia, establece pautas para que os nenos e nenas saquen máis proveito ao tempo de estudo. Para iso, a autora explica primeiro como asimila a información o cerebro e despois que técnicas podemos utilizar para potenciar as nosas habilidades.
Presentación do proxecto multimedia sobre saúde mental.
Os participantes no acto de presentación son :
Henrique Sanfiz director de Radio Fene Radiofusión
Aser Alvarez , Director de Arraianos Producions
Juan Carlos Diaz del Valle, Psiquiatra
Antonio Tizón, escritor
APEM, un representante pendiente de confirmación
Os tres relatos que conforman Los años borrosos (Trea, 2021) de José María Pérez Álvarez teñen como nexo común un cura, pensen nun paxaro da plumaxe do paxaro espino, o xesuíta Anxo Aguirre Iturralde. Aqueles anos borrosos son os do franquismo. Anos desleídos hoxe pola amnesia inducida e evocados e lidos mercé a estes tres relatos: «A caixa de castiñeiro», «Bonjour, tristesse» e «A confesión«.
O protagonista narra o seu compromiso coa guerrilla urbana tanto na militancia ideolóxica como nas accións violentas até que chegan o cárcere, as torturas, o abandono dos antigos protectores, o desamparo, o medo e a dor. A medida que a obra vai tomando forma o autor vai tecendo a súa reconciliación coa vida, coa familia, coa humanidade pero sobre todo, consigo mesmo. Estamos ante un libro de acción, pero tamén de indagación interna.
