Lugar: salón de actos
O 25 de novembro a biblioteca acollerá a presentación do novo libro de Pura Tejelo, "Novembro", co que continúa a súa creación poética.
A presentación correrá a cargo da tamén escritora Emma Pedreira, que estará acompañada por Lucía López ao violoncello.
Presentación da novela ilustrada "Proyecto InteligLentes" de Ismael López Calvo, ilustrada por Lena Art.
Lugar: salón de actos
A novela "Proyecto InteligLentes", ambientada na cidade da Coruña, é un thriller policíaco de suspense no que os oficiais de intelixencia do CNI Naiara Castelo, Lucía Prado e Miguel Abad, tratan de descubrir quen se agocha detrás da organización terrorista "Asesinos del Triángulo".
O xornalista e escritor Xesús Fraga visitará a Libraría NUMAX para presentar e firmar exemplares do seu último libro Virtudes (e misterios) (Galaxia, 2020), galardoado o pasado mes de outubro co Premio Nacional de Narrativa 2021. No acto, que terá lugar o próximo mércores 10 de novembro ás 20:00h, o autor estará acompañado da escritora Marilar Aleixandre.
03-11-2021
A biblioteca cede o espazo á Deputación da Coruña para a presentación do XIV Premio Raíña Lupa. Participan no acto Xosé Antón Neira Cruz, autor da obra premiada "O enigma de Santiago"; Xurxo Couto, deputado de cultura; Jorge Mira, catedrático de electromagnetismo da USC e divulgador científico; Tati Mancebo, directora comercial da Editorial Galaxia e Tero Rodríguez, actriz, que presentará o acto.
O venres. 15 outubro ás 19 horas terá lugar a presentación do libro El CaNino de Santiago de Sara Escudero.
O sábado 16 de outubro, ás 13.00 horas, terá lugar no teatro do Auditorio de Rianxo a presentación da novela de X. Ricardo Losada O rosario e a buguina, gañadora do premio Torrente Ballester 2020 da Deputación da Coruña.
No acto contarase coa presenza de Xosé Manuel Lobato (escritor), Malores Villanueva (editora), Antón Riveiro Coello (escritor e vogal de Barbantia), Xurxo Couto (deputado de cultura da Deputación da Coruña), Adolfo Muíños (alcalde de Rianxo) e o propio autor.
No día das escritoras, o 19 de outubro, ás 19:00 María José Viz Blanco, autora da obra achégase á biblioteca falarnos da mesma. Estará acompañada de Jesús Garabato co laúde.
Esta actividade precisa de inscrición previa que pode facerse chamando aos números de teléfono 988788385 / 386.
A biblioteca cede o espazo á libraría Couceiro para a presentación do libro Rectificar a historia: escritos sobre Ricardo Carvalho Calero de María Pilar García Negro. A autora estará acompañada por Prudencio Viveiro Mogo.
No salón de actos. Dirixido a público adulto. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
A biblioteca cede o espazo á libraría Couceiro para a presentación do libro de Francisco J. Leira Castiñeira Soldados forzosos. Acompañarán ao autor a fotógrafa Pily Reñones e o historiador Andrés Domínguez.
No salón de actos. Dirixido a público adulto. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
A biblioteca cede o espazo a A Reixa Produccións para a presentación do librosLittle Neno descobre... os Beatles. Desfrutaremos tamén dun contacontos teatralizado e musicalizado cun pequeno concerto ao final.
No salón de actos. Para público familiar. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
