Nado en Coruña, Xoel é un dos artistas máis representativos e influentes na nova xeración.
Deixou atrás unha carreira exitosa e consolidada con Deluxe para cruzar o Atlántico e empezar unha nova andaina no continente americano. Acompañado pola súa guitarra, busca recuperar a esencia dos primeiros días tocando en salas e teatros con músicos de diferentes paises.
The Loopholes é unha banda Anglo-guardesa formada por Bruce Salinas (guitarra, voz e harmónica), e Daniel Alonso (percusión e coros). Foi fundada no 2012 tras que ambos coincidísemos tocando en varias jam sessions da zona. Apostan polo rock acústico, cru e intimista, sen distorsiones nin artificios, ou como lle chaman eles: "folk-rock do Delta do Miño". Grupo flexible que se adapta sen complexos e con naturalidade a todo tipo de ambientes, desde grandes festivais aos recunchos máis recónditos das rúas.
Eladio y Los Seres Queridos nace no 2005 coma un proxecto de Eladio Santos no que interpretaba xunto a uns colaboradores habituais unhas canciones propias que pouco a pouco se foron facendo grandes e remataron nun disco. A estabilidade fixo que os colaboradores pasasen a ser integrantes definitivos dunha banda que leva máis de 6 anos tocando e con tres discos publicados.
Gold&Colt son os alter-ego de Dany Moure e Roberto Fernández.
Os dous músicos xúntanse no 2013 coa fin de interpretar blues.
No 2014 entra na banda Michi Castro coa batería e Juyma Estévez co contrabaixo mudando o seu estilo inicial, encamiñado cara ao blues, polo folk americano. Así hoxe en día a banda interpreta temas de blues, folk americano e country.
Banda de Cuenca chea de enerxía, formada por rapaces moi novos que se adican a versionar clásicos do rock e que presentan novos temas.
O seu directo é un show en toda regra que contaxia a súa enerxía e vitalidade.
Familia Caamagno nace en Sigüeiro (Oroso) a finais do 2010 con músicos procedentes de distintas bandas e que viñan de interpretar distintos estilos. Deste xeito o estilo de Familia Caamagno é unha mestura de garage, blues, rithm and blues, punk e swing, que dá como resultado un estilo alegre, desenfadado e bailongo. Nos inicios facían versións de rock'n'roll dos 60's e as que ían quedando simpáticas adaptábanas ao galego.
A banda está formada por Toni (batería e coros), Lano (guitarra baixa), Francesco (guitarra rítmica e coros), Jess (guitarra melódica) e Manuele (saxofón e voz).
Spirits in the night nace por mor dun concerto en decembro de 2002. Sergio Gisbert (cantante) tiña que tocar os seus temas de entón no Cadillac Café de Zaragoza. Nese concerto subiu David Oliver (guitarra) a tocar dous temas de Bruce, e tal foi a resposta da xente que se decidiu tocar outro día só con versións de Bruce.
Ariel Rot tanto con Tequila, como con Los Rodríguez e en solitario gravou discos imprescindibles do rock español, deses que marcan a diferenza, infestados de decenas de cancións que forman parte da memoria colectiva e sonora do país. Pero el, coma se nada, coma se iso non importase demasiado, segue vivindo no presente, ideando novas cancións, dando forma a novos discos, buscando sons distintos, avanzando, evolucionando.
En mala hora: banda ourensá de rock que se dedica a versionar clásicos do rock e do blues e que comeza a traballar tamén en repertorio propio.
A banda está composta por Toño Varela (voz e guitarra), David Quintas (guitarra e voces), Miki Failde (baixo e voces) e Miguel Failde (batería).
Banda ourensá formada por Tony Sánchez (voz); David Cid (baixo acústico e voces); Fernando Calvo (guitarra e voces) e Xoán Antón Losada (batería) que interpreta temas clásicos americanos atemporais. Propoñen unha revisión dos clásicos como Tom Waits, Johnny Cash ou Roy Orbison.
