Pop/rock

Francisco Castro & Banda traen a Nadal en Rede a maxia da música da man dos éxitos do pop galego dos últimos anos, cancións que todo o público coñece porque, nacendo en Galicia, soaron e triunfaron nas radios de toda España e levaron a música galega a un gran nivel de popularidade e de recoñecemento. Estes temas mostran a rica tradición musical galega, que vai máis aló das pezas tradicionais.

Os Stormy tocan rock and roll, puro son e diversión. Sen trampa nin cartón, á vella usanza dos tríos clásicos de este estilo, combinando temas propios con revisións dos clásicos.

No 2020 presentaron o seu primer disco, “Damn The Storm” (Struck By Lightning, 2020), unha verdadeira descarga de boa música e enerxía.

Sabela lanza en marzo do 2023 o seu novo álbum "Ceniza" e comeza a xira de presentación do mesmo o 9 de marzo na Sala Capitol en Santiago de Compostela. 

O espectáculo presenta os temas do seu novo disco así como coñecidos temas do seu anterior lanzamento "Despedida".

Filloas é un artista de pop urbano en galego, que trae unha música coa que non pararás de bailar e moverte. 

A música de Filloas é un reflexo das súas propias experiencias e os seus sentimentos máis profundos, e sempre buscando un sorriso e intentando transmitir unha mensaxe positiva. 

Entre ritmos punk pop e trap, atopamos audaces referencias á cultura de internet, aos videoxogos e á Galicia máis contemporánea. As súas letras amosan reflexións persoais, abordando temáticas xeracionais, a saúde mental, as relacións persoais e a festa. 

PAVA é a proposta musical da poeta e compositora coruñesa Lucía Aldao. Un directo pegadizo que vai da psicodelia ao pop rock máis alternativo con tintes de crúas guitarras velvetianas. Nos traballos discográficos de Aldao sobrevoan as sombras de xigantes como PJ Harvey. A personalidade da súa voz e a forza das súas letras orbitan na elipse das novas voces femininas xurdidas do outro lado do Atlántico. En PAVA, sen dúbida, “Canta unha poeta oral”.

Do espectáculo 'Astarot, a lenda viva do rock galego' está cheo de forza e música vibrante, co seu peculiar estilo de rock, que fusionan coa música celta. O repertorio repasa as cancións clásicas galegas que se inclúen nas últimas gravacións: Dónde se hospeda el pasado (1990), Respirando (1994), Apuesta y Gana (1996), Astarot, Xacobeo´99 (1999), O Sentir dunha Terra (2000), Longa Noite de Pedra (2005), Séptimo Pecado (2013), Una vida en un segundo (2017) y Baixo a la Luz de Breogán (2022).

Concerto no que se versionan aos grandes do rock de todos os tempos.

Nos seus concertos pódense escoitar temas míticos da escena musical internacional, como por exemplo: Neil Young, The Black Crowes, Prince, Police, Rolling Stones, Lenny Kravitz, The Doors, Beatles, Bob Dylan.

Esta é a proposta musical mais festeira de Soul&Roll cun repertorio desenfadado, de sobra coñecido e para todolos públicos. Trátase de un espectáculo ubicado nos anos 80 con música que marcou a moitas xeracións e desperta un sentimento de nostalxia onde todo o público se desata a cantar eses grandes éxitos do pop-rock español que sinalaron una época. Cancións en maiormente español pero sen olvidarnos dos éxitos internacionais que tamén estivieron presentes nesos anos, e como non podía faltar, algún que outro temazo en Galego que tamén deu a Volta ó mundo.

Xira de presentación do novo disco de Tecor Societário "Ti que vas fazer?"
O celtic punk máis festeiro chega a Burela mesturando a música tradicional, o punk e a, sempre moi necesaria, reivindicación.
Todo isto está presente no novo traballo dos composteláns, no que lle imprimen máis potencia á liña que xa tiñan no seu anterior traballo "Caça maior"