Clásicos do rock, algúns deles adaptados ao galego e con letras cargadas de humor, é a base da proposta musical da banda Fillos do Estramonio, que tamén poderá sorprender e facer gozar dalgunha rancheira e mesmo dalgún mix de cumbias, posto que o grupo encabezado polo showman Pepe Capelán atrévese con todo.
Banda formada por este excelente guitarrista en 2014, para tocar as súas propias cancións en auténtico formato de Power Trío...Recentemente gravaron o seu primeiro disco titulado "Carretera sin Final", onde podemos escoitar por primeira vez a Santiago Campillo cantando en español, despois dunha chea de anos soamente como guitarrista. O disco foi gravado en Murcia e Masterizado en Los Ángeles (California)...verá a luz proximamente nunha luxosa edición en vinilo, que inclúe tamén CD.
Grupo mexicano de música garage e rock formado por Chok (voz); Fuzztavo (guitarra); BellSabu (guitarra); Crunchy (guitarra); Cal (baixo) e Kasko (batería).
The Excitements é un grupo de Barcelona que practica un impecable soul sen concesións, que percorreu co seu espectáculo case toda Europa e que son reclamados por deixarse a pel no escenario mentres o público non pode parar de bailar.
De momento, afeccionados abducidos pola relixión do soul e por todos os seus santos van poboando salas e festivais de música negra.
O trío formado por Cristina Pena, Roque Cameselle e Coque Varela presenta o seu disco Enfermedades Comunes (Rumble Records, 2013), longo producido por Pablo Novoa (Golpes Bajos, Mastretta, Iván Ferreiro) e gravado e mesturado por Javier Abreu e Luis Antelo, formado por once cancións repletas de sons punk, pop e power-pop que lles emparentan con grupos como F.A.N.T.A., Airbag e Blondie, entre outros.
Eric Burdon unha figura memorable na historia da música desde que nos 60 empezou á fronte da mítica banda The Animals,asinando o clásico "The House of the Raising Sun".
O seu estilo vocal, medio rouco, pedregoso e cheo de enerxía converteuno nun dos vocalistas máis significativos da súa xeración como así recoñeceu a revista Rolling Stone, incluíndo ao cantante no lugar 57 da súa lista dos máis grandes de todos os tempos.
Knopfler é un dos artistas con máis éxito de todos os tempos, na xira europea de verán neste tour no que presentará o seu novo álbum "Tracker", o seu noveno traballo en solitario.
Recoñecido como un dos mellores guitarristas de todos os tempos Mark Knopfler leva vendidos máis de 120 millóns de discos ao longo da súa carreira, tanto nos Dire Straits coma en solitario.
Dúo formado por Francisco J. Galán (guitarra) e Marina Gundín (voz), nace no verán do ano 2013. Desde ese momento, dedícanse facer versións de bossa nova, pasando polo blues, funky, jazz, boleros, entre outros. Un repertorio agradable, co que percorreron parte da xeografía galega en multitude de eventos.
Renegados é unha banda de RNB formada no ano 2005 por músicos ourensáns. Aínda que os seus músicos beben de diversas correntes musicais, o seu repertorio amosa influenzas do soul, blues, R&R e funk. O repertorio está composto de versións de: James Brown, Blues Brothers, Ray Charles, entre outros; e temas propios marca da casa. Renegados actualmente está formado por Fernando Risco, Esaú Pérez, Juan Ozaita, Oscar Lo, Fran González, Julián Ruiz e Roberto Iglesias.
Beben de todas as influencias da cidade de Granada e mestúranas de tal forma que Trepàt soa completamente xenuíno e persoal nun primeiro disco producido e gravado por Raúl Pérez na Mina. En "A Festa Escura" podes atopar desde Parálise Permanente, Derribos Arias ou The Cramps a Enrique Morente nun disco de Rock maiúsculo que lles depara un longo e fructuoso camiño na escena nacional.
