Monicreques

Un espectáculo que mestura  o clown e a pantomima coa maxia e os monicreques compaxinando o ocio e o divertimento coa educación no consumo responsable e nos hábitos de vida saudables e respectuosos co medio ambiente e a ecoloxía.

Continuando coas súas andainas, nesta segunda entrega o amigo Xan Perillán vai a mercar ao híper mega súper mercado “o Rato Colorado”.

Mais o trasno do consumo irresponsable perségueo da aquí para acolá… ¿Mercará ben ou deixarase engaiolar polo consumismo, a publicidade enganosa e a comida lixo?

Un espectáculo de títeres en dúas dimensiones.

Sinopse: Adonamonos das imaxes das persoas que vivieron hai 100 anos, para darlles unha nova vida coas nosas mans e as nosas malpensantes cabezas. Fotos animadas, bailadas, vivindo esceas que nunca viviron, facendo cousas que nunca ousaran facer, ou tal vez si? 

Espectáculo que forma parte da programación da Rede galega de teatros e auditorios. Pode sufrir modificacións, confirmar das e horas nos espazos onde se representa.

​Todos os membros da familia de Amabel teñen superpoderes: unha forza descomunal, a velocidade do raio, unha abraiante intelixencia ou mesmo a capacidade de facerse invisible. Pero Amabel aínda non sabe cal é a súa habilidade extraordinaria. Para descubrilo, embarcarase en aventuras ben peculiares.

Espectáculo dentro da programación da Rede galega de teatros e auditorios. Confirmar datas e horas nos espazos onde se representa.

​Todos os membros da familia de Amabel teñen superpoderes: unha forza descomunal, a velocidade do raio, unha abraiante intelixencia ou mesmo a capacidade de facerse invisible. Pero Amabel aínda non sabe cal é a súa habilidade extraordinaria. Para descubrilo, embarcarase en aventuras ben peculiares.

Espectáculo dentro da programación da Rede galega de salas. Confirmar datas e horas nos espazos onde se representa.

Desde a súa estrea no teatro Mayo de Buenos Aires no 1941, data da que secumpren 75 anos no 2016, Os vellos foise afirmando como unha obra referencial da nosa cultura, tanto como peza literaria de obrigada lectura como texto de múltiples e variadas propostas escénicas. 

A  proposta de Fantoches Baj vén a cubrir o baleiro existente na actualidade de non dispor o público galego da posibilidade de ver unha montaxe escénica, axustada as intencións do autor de Os vellos non deben de namorarse.

En tempos da omnipresente comunicación tecnólóxica, hai lugar para o código postal? Un espectáculo ao redor das cartas e dos paquetes onde se transforma a cotiá realidade nun espazo cheo de terrura. A través do teatro xestual, os monicreques e a música, o público chega á oficina de Código Postal 00. Unha oficina que non pertence a ningún lugar concreto. Alí tres carteiras desvelarán infinitas historias de amor. viaxes, desexos.... Unha experiencia máxica e única no mundo da comunicación. 

A alfombra máxica é un prelibro onde a artista plástica Mirari Urruzola convida aos máis pequenos a mergullarse nunha viaxe sensorial.

Un lugar de libre experimentación, unha alfombra táctil, sonora e olfativa. Xuntos descobren o pracer de apalpar, manipular, escoitar, ver,... Unha invitación a xogar, explorar, experimentar con todo o corpo.

Xogos, música e outras sorpresas viaxarán cos máis pequenos e cos seus acompañantes adultos por un mundo de emocións e sensacións.

Ficha artística:
Autoría: Jokin Oregi
Dirección: Álex Díaz Monsalve e Javi Tirado
Tradución: Sandra Romarís e Xocas López
Escenografía e monicreques: Javi Tirado
Iluminación: Anxo Graña
Son: Anxo Graña
Vestiario: Mari Seoane
Música: Santiago Ramos
Elenco: Rocío González e Toni Salgado
Voz en off: Alfonso Agra
Deseño Gráfico: Le Gráfica
Produción: Mercedes Castro

Roberto recibe a noticia de que o seu avó vai quedar sen casa. Ante esta inxusta situación o neno ponse en marcha para atopar unha solución e, nesta busca, dispárase un mundo de pequenas e divertidas aventuras protagonizadas polas máis variadas personaxes.

Un encontro cómico e poético que desemboca nun final feliz propiciado polo apoio solidario.

 O Apalpador, un pastor mangallón e bo, de mirada doce e longas barbas coloradas que, co seu abrigo cheo de remendos e a grandes zancadas, percorre Galicia enteira. Durante o ano fabrica carbón, vive dos froitos silvestres, caza xabarís, recolle mel e fai aparecer, coas pólas dos bosques e fragas, os xoguetes que as madeiras agochan. O 31 de decembro baixa aos pobos, visita aos nenos e nenas casa por casa e déixalles como obsequio castañas quentes e divertidos agasallos de madeira. A partir de 3 anos.