Monicreques

Os Ourizos, o musical é unha obra de teatro musical (con música pregrabada) de monicreques (bocones, de pau e de guante) dirixida a un público familiar e infantil.

A peza trata temas de inclusión, integración, amizade e compañerismo, todo isto envolto en referencias á cultura galega, ás súas paisaxes e ao ecoloxismo. A música, composta especialmente para o espectáculo, inclúe temas de rock, pop e rap, achegando así á rapazada diferentes xéneros musicais.

Unha historia que fala de como a amizade pode axudar a superar os obstáculos da vida.

Adaptación para monicreques do clásico de Maurice Sendak, acompañada de pequenos contos monstruosos:

Nesta historia, chea de humor e diversión, Max crea na súa habitación un mundo imaxinario onde é libre. Libre mesmo para ser monstro, o máis monstro de todos. Na súa aventura, desafía aos seus propios medos, a frustración, a rabia, a incomprensión ou o temor ao rexeitamento. Finalmente, atopar en falta o amor da súa nai faino regresar a casa e comprende que sempre hay que respectar aos demais.

"A onde irá meu romeiro
Meu romeiro onde irá?
Camiño de Compostela
Non sei si alí chegara"

E vai ser difícil porque o noso peregrino protagonista vai ter que enfrontarse a moitas perigosas tentacións do mal, en forma de serpes enganadoras, trasnos que ofrecen tesouros, danzarinas á luz das estrelas ou diaños disfrazados de bos veciños. Todos queren tentar a Gaiferos para apartalo do seu camiño a Compostela!

No país de Trasdacolá o rei Brancocú está namorado dun dos seus súbditos: o burro Careto. Todo transcorre con normalidade na corte ata que o rei promulga un novo Real Decreto: o burro Careto non pode morrer; se chegado o día iso sucedese, aquel ou aquela, encargado ou encargada, de dicir alto e claro que o burro Careto morreu, quedará sen cabeza. Falapouco, Falamoito e Micaela, coidadores do Careto, coa inestimable axuda da parella de alguacivís Zizeñor, veranse envoltos nunha serie de peripecias e aventuras co único obxectivo de salvar as suas cacholas…

Trepas é o alcume dun habitante de Vilatriste enredado inesperadamente nunha singular aventura: salvar á vila das fauces dun malvado dirixente. Xunto a unha inusual superheroína descobren a fórmula para vencer ao seu inimigo pero... funcionará? 

De Vilatriste a Vilalegre é unha divertidísima creación de Teatro ó Cubo con monicreques e actores, para pequenas e maiores froito dunha coprodución co Centro Dramático Galego con moitvo do seu 40 aniversario.

FICHA ARTÍSTICA

Autoría: Roi Vidal

Dirección: Sofía Espiñeira e Roberto C. Mouriño

A compañía Fantoches Baj presenta no FalaRedes a súa peza de teatro de monicreques para todos os públicos As sete boinas do aviador, onde se recrea a xesta do galego Joaquín Loriga, quen, hai agora 100 anos, cruzou os ceos para completar o impresionante raid Madrid-Manila. Este mes de maio Ponteceso, Mugardos, Palas de Rei, Teo e Vilagarcía de Arousa coñecerán a aventura do intrépido heroe galego grazas á Rede de Dinamización Lingüística.

A protagonista, Xela, unha nena de 9 anos, ten que liberara os seus compañeiros de escola atrapados polo malvado Demo Luciferino que, valéndose do Dragón Dracus traga-verbas, os ten escondidos na cova do trasno. Alí permanecerán ata que esquezan o galego, a súa lingua nai, e se convertan nos seus secuaces. Para iso Xela e os seus compañeiros de escola, teñen que enfrontarse o Luciferino e convencer Dracus Cus Cus do terrible mal que esta causando.

Espectáculo de aventuras que trata a importancia do uso cotián da lingua galega, e da conservación da nosa identidade.

Fantoches Baj presenta unha enxeñosa peza teatral de monicreques para público familiar a partir do libro de Luísa Villalta As chaves do tempo. Unha novela de ficción histórica que se corresponde co último libro da autora homenaxeada no Día das Letras Galegas 2024.

CASTELAO, UN CORAZÓN Á INTEMPERIE é a unha produción de Fantoches Baj para público infantil e familiar, unha proposta de narración oral, monicreques, música tradicional e teatro de máscaras que busca dar a coñecer a Castelao entre as nenas e os nenos, reler e interpretar parte da súa obra e poñer en valor o galego.

Após a morte de Castelao o 7 de xaneiro de 1950, nun tempo no que en Galicia non era posible chorar a súa perda, o dramaturgo e director de escena Daniel Varela Buxán decide render, nun acto privado diante da súa veciñanza, a súa particular homenaxe ao rianxeiro.

Ataulfo, o rato que coida da Biblioteca Galáctica descobre que unha ameaza paira sobre os personaxes dos libros infantís dos seus andeis...

Poderán o rato bibliotecario, Ramón Lamote e Sara enfrontarse ao malvado profesor Smith e á súa intelixencia artificial fantástica? 

Unha comedia tola e trepidante chea de sorpresas, música e humor,