O castiñeiro do Apalpador é un espectáculo de monicreques e teatro baseado na lenda do Apalpador. Un ser fantástico e xigante, carboeiro de profesión, que cada ano baixa das montañas para apalparlle as barriguiñas ás nenas e nenos.
Un espectáculo orixinal e divertido que, da man do titiriteiro Ignacio Vilariño de Fantoches Baj, ofrécelle ás familias unha experiencia inesquecible para este Nadal.
DIMINUTIVO é un espectáculo de monicreques crocantes para os máis pequenos. Esta pequena historia protagonizada por un tenro boliño e unha doce madalena achéganos á lingua de signos. Un universo, para moitos, descoñecido, de comunicación a través do xesto.
Espectáculo de monicreque de cartón de manipulación directa, sen palabras, para público familiar a partir dos 6 anos.
O niño inspírase nun dos poemas máis sinxelos do escritor portugués Miguel Torga, que nunhas poucas liñas devela como un secreto ben gardado pode fortalecer unha amizade verdadeira.
O niño é o proxecto máis recente da compañía Partículas Elementares, así como o máis arriscado, xa que a proposta é contar sen unha soa palabra. Poesía visual pura, O niño revélase nos detalles.
Unha obra de monicreques de cartón de manipulación directa, en castellano, para público familiar a partir dos 3 anos.
Esta é a historia dunha nena que se chama Alice, que vive nun país xunto ao mar e ten todo o que unha rapariga podería querer. Pero fáltalle a máis importante de todas: a Lúa.
Tan importante é que un día, Alice ponse enferma e di que só poderá poñerse boa se... consegue a Lúa e impón ao seu pai unha inmensa vontade de facer realidade o seu soño.
Poderá o seu pai cumprir os seus desexos?
Unha obra de teatro de actor e monicreques de madeira con música en directo, para público familiar a partir dos 3 anos.
Dona Barriga Verde é unha pícara, cantarina e pandereteira que armada de inxenio desafía as dificultades cotiás encarando as situación sen filtros, vence ao medo e ás inxustizas defendendo á súa integridade e amor propio fronte aos monstros, ao amor, á morte e ate ao mesmísimo demo.
Espectáculo de monicreques de guante sen palabras, para público familiar a partir dos 4 anos.
"Historias para unha man" é un espectáculo cheo de poesía e sen palabras, capaz de conectar tanto con nenos e nenas como cos maiores. Composto por catro delicadas pezas da vida cotiá, todos e todas nos sentimos identificados cas personaxes e as suas inquedanzas. "A pingueira", "Historia con frores", "O soño", "O impo" e como fío conductor "as mans" que poñen e quitan do escenario e que certamente son a ialma dos títeres.
Unha obra de monicreques de madeira con música en directo, para público familiar a partir dos 4 anos.
Version moderna da popular ficción, onde se mestura teatro e monicreques de madeira de gran tamaño, con música en directo e rítmicas cancións. Extraordinarias aventuras vistas dende outro lado do bosque, onde o anciano rei, que todo o perdera quere recuperar a ilusión da súa vida, Brancaneves.
Representación do conto “Garavanciña e o esquío” con monicreques e busca de recursos sonoros para musicar o conto. Crearanse os sons con voces, con obxectos naturais e obxectos da vida cotiá: auga, xornais... e formarase unha orquestra grupal con instrumentos para acompañar as cancións do conto.
Idade: de 2 a 4 anos.
Duración: 60 minutos.
Capacidade: 15 nenos/as acompañados por 1 adulto.
Na sala infantil.
«Cóctel» é unha obra de teatro que chega á sala Ártika de Vigo desde Bos Aires da man de Manu Mansilla.
A obra tivo a súa orixe en distintas rutinas e investigacións titiriteras de Manu Mansilla. Está composta por catro historias creadas especialmente para público adulto e adolescente, contadas con diferentes técnicas de monicreques, teatro de obxectos, bocones con balea, monicreques corpóreos, que por momentos percorrerán a sala, buscarán ao público e compartirán con el historias e experiencias.
As bombas e o xeneral é un espectáculo onde recreamos con siluetas animadas, música e actores a historia dun Xeneral que quere organizar unha guerra e para iso conta cun arsenal de bombas atómicas. Os átomos saben das intencións do militar e deciden fuxir a un lugar mellor. O Xeneral verá frustradas as súas intencións.
Un espectáculo de total actualidade para concienciar aos máis pequenos dos danos que provocan as guerras e as súas consecuencias. Un final amable para unha situación de conflito onde tamén presentamos os efectos devastadores dun combate miitar.
