"El mundo es un pañuelo" é un espectáculo de monicreques no que retrincos de tea e madeira, silencios, sons melodiosos, mans e rostros crean unespazo máxico que nos desvela o territorio no que ospersonaxes habitan.
Catro historias nos presentanestes mundos cheos de tenrura: "Os soños de Ceferino", "O Taller", "Pegaso" e "Metamorfose".
Unha muller e tres vestidos quese transforman en escena consignan trespasos ─ tres momentos ─ na vida dunpersonaxe.
Do poético ao humor acedo, asensibilidade atravesa temas profundos e comúns, como a vida en parella, a vellez e os vínculos; através dunha linguaxe orixinal que rompe o molde da comunicación
Nun banco de praza, tres velliños e un can pasan o día. Durante un intre teñen lugar unha serie de conflitos sobre os costumes de cada un, o goce das pequenas cousas, os enfados, a amizade, o desgaste físico, a tolerancia, o humor, a música ou asoidade.
Pero un misterioso personaxe chegará inesperadamente e faralles reformularse moitos destes problemas sinxelos e cotiáns.
O pequeno protagonista desta historia, por medio de cartas dirixidas ás persoas que el considera sabias, vai conseguir superar os seus medos. Os bombeiros, o carniceiro do seu barrio, a avogada... todos eles aconsellarán ao noso novo protagonista para que logre ser unha persoa plena na súa concepción ante a vida. Cancións, sons, cores, diferentes animais e personaxes, diferentes situacións… conforman esta produción creando unha partitura visual e auditiva para compartir unha viaxe chea de sensacións, por medio dos elementos propios dun espectáculo escénico..
A súa protagonista, Xela, de 10 anos, ten que liberar aos seus compañeiros de escola, atrapados polo malvado Katraska quen, valéndose do Dragón Traga-verbas, os ten escondidos na cova do trasno. Alí permanecerán ata que esquezan o galego, a súa lingua nai, e se convertan nos seus secuaces. Trátase a importancia do uso cotián da lingua galega, e da conservación da nosa identidade. A continuación de cada representación, lévase a cabo un obradoiro para traballar os conceptos presentados na obra e recoller os resultados no libro Memoria das Verbas recuperadas.
A Xanela do Maxín presenta este espectáculo de monicreques para público infantil e familiar no que se fomenta e promove a divulgación científica en galego nun espazo de convivencia e proximidade. Nel tamén se comparten experiencias e ábrese o camiño ao diálogo e interacción.
Circo Galaico é un espectáculo de monicreques onde a maxia e o fantástico se mestura co autóctono. A cativada asombrarase e estoupará en gargalladas cos insólitos números circenses protagonizados por personaxes como Xaquín, o forzudo xabarín; Corvus, o corvo equilibrista; Pedriño, o raposo malabarista; ou a cabra Ribelina, entre a moita outra fauna que poboa este circo dos prodixios.
Tres trogloditas convídannos a entrar no primeiro teatro da prehistoria: a Cova. Onde imos asistir a un cómico espectáculo cheo de humor e tolería.
Da man dos monicreques e das súas primitivas habilidades imos coñecer a singular forma de vida dos nosos antepasados máis divertidos. Unha sorprendente ambientación, a orixinal linguaxe e unha prehistórica escenografía farán que o espectador perda durante a representación o sentido do tempo e do aburrimento.
¿Que lle acontece a un pallaso cando o seu ego supera o seu propio nariz? Descubreo neste trepidante espectáculo. O terceiro de Peter Punk no que comparte elenco con Brais das Horta.
Un tendedeiro en equilibrio, un salto ao baleiro en monociclo, un voluntario morto e resucitado en escena, seis instrumentos interpretados ao vivo (guitarras: clásica, eléctrica e portuguesa, acordeón e bocina) e ata Peter Punk se atreve coa harmónica!! E como final, A Chungatrona: un artefacto único no mundo, pensado por un pallaso.
PICNIC é un espectáculo da compañía Pérez&Fernández no que se empregan como linguas o galego e o inglés. PICNIC é unha excursión en familia, dous irmáns na procura dun lugar especial no que compartir unha comida campestre coa xente que queira gozar dunha merenda de contos, anécdotas, música, baile e monicreques. A quen non lle gusta un pique-nique?
