Monicreques

Os Monicreques de Kukas e Zoar Ensemble parten da versión musical para instrumentos de vento da ópera de Mozart para crear unha obra a modo de retablo na que utilizan as marionetas de fíos e a música tocada en directo para representar as escenas principais da ópera e introducen un personaxe real que recorda a un Mozart actual que, ó mesmo tempo que é o narrador da historia representada cos monicreques, achega ao espectador ó proceso de creación musical, nese intre no que o compositor, a partires dun libreto, inventa a música ...

Autoría e adaptación: Laura Sarasola e Juan Rodríguez
Elenco: Suso Jalda e Juan Rodríguez

Caramuxo teatro presenta unha adaptación do conto clásico Juan e as fabas máxicas nunha clave máis contemporánea, mesturando o teatro de actor e monicreques.
Sinopse: Juan e a súa avoa vivían nunha pequena casa co único que tiñan, unha vella vaca chamada Flora que xa non daba leite. Un día Juan cambiará á súa amiga Flora por unhas fabas moi especiais e aí comezará unha fantástica aventura...

Recreación para monicreques baseada no relato de Lewis Carrol e recomendada para nenos a partir de 4 anos.

Conducidos polo coello branco, séguense con expectación as aventuras da pequena Alicia nese mundo onírico e fantástico que latexa debaixo da terra. Alí meréndase coa Lebre de Marzo, o Sombreireiro Tolo e o Lirón e xógase ao críquet coa Raíña de Corazóns.

Actividade de Ler conta moito, da Rede de Bibliotecas de Galicia.

Tres Raíñas Magas moi especiais que non se cortan un pelo. Collen incenso, mirra e ouro e suben ás camellas camiño de Belén. Risas poéticas para un Nadal diferente. Unha aventura chea de compañeirismo e respecto, liberdade e autoestima.

Iván debe cumprir con éxito unha perigosa misión: atopar ao ladrón que rouba as mazás do Rei Otón. Nas aventuras polo bosque encantado coñeceremos árbores que falan, lobos, bruxas e rás, e descubriremos quenes son amigos e de quen sería mellor fuxir! Todo a través da música, do teatro e da poesía.

Neste espectáculo que xoga a tensar os límites entre contacontos, títeres e pantomima, case nada é o que parece. Grazas a unha técnica de manipulación de panos inspirada nos Mestres de marionetas orientais o escenario pasa de amosar pezas de roupa secando ao sol, a ser o interior dun Castelo, un mar poboado por sereas, ou a cova dun feroz polbo gardián dun tesouro.

Dous músicos metidos a cociñeiros … deciden facer unha sopa de cocido solidaria para repartir entre o público.
Un pequeno erro de interpretación na receita provoca que o resultado sexa unha riquísima sopa de música, cantigas e contos, na que atoparemos tropezóns como o gato do romance, unha ratiña moi presumida e todos os seus pretendentes, os habitantes dun galiñeiro moi particular e ata unha parella moi especial.

Cando sexas capaz de atopar o libro máis pequeno da biblioteca e convertilo nun xigante estarás preparado para comezar esta aventura. Unha avelaiña fará que brinques e, un rato contarache todo o que podes aprender nun libro. A música en directo de Fu e Fa farache pensar nun mundo máis sostible.

Esta actividade forma parte do programa Ler conta moito de dinamización lectora, da Rede Galega de Bibliotecas.

Dous músicos metidos a cociñeiros … deciden facer unha sopa de cocido solidaria para repartir entre o público. Un pequeno erro de interpretación na receita provoca que o resultado sexa unha riquísima sopa de música, cantigas e contos, na que atoparemos tropezóns como o gato do romance, unha ratiña moi presumida e todos os seus pretendentes, os habitantes dun galiñeiro moi particular e ata unha parella moi especial.

Esta actividade forma parte do programa Ler conta moito de dinamización lectora, da Rede de Bibliotecas de Galicia.

Na Nao Catrineta, cóntase a historia dunha familia de lavandeiras insidiada polo demo de pelo azul Cobillón. Nesta historia mistúranse saberes tradicionais, refráns, cancións, contos populares e o romance histórico da Nao Catrineta para contar unha historia na que finalmente o demo sae escaldado.

Esta actividade forma parte do programa Ler conta moito de dinamización lectora, da Rede Galega de Bibliotecas.