Exposición

A exposición é o resultado dun primeiro proxecto sobre as mariscadoras de Muros, coas que Cris Romero traballou durante tres anos fotografando a súa vida cotiá na ría. “O seu esforzo e tesón contra todo pronóstico, o mal tempo e o cesamento da actividade foron unha constante no meu esforzo por reflectilo nas miñas fotografías, por valoralas, e por darlles unha plataforma para dar a coñecer o seu traballo, algo que todos coñecen en Galicia pero non no resto de España”, asegura a autora.

O Día das Letras Galegas 2025 está dedicado á poesía popular de tradición oral. A última xeración de cantareiras de Galicia á que chegou a cultura tradicional son as figuras imprescindibles que contribuíron á conservación dos versos do pobo.

Os materiais fotográficos incluídos nestes traballos publícanse por cortesía do Arquivo do Patrimonio Oral da Identidade (Instituto de Estudos das Identidades do Museo do Pobo Galego) no que se alberga o fondo Schubarth-Santamarina ao que pertencen as fotografías.

Desde a Biblioteca Ánxel Casal queremos presentar un percorrido que vai desde a trasmisión oral da literatura popular ata o verso cantado para unírmonos á celebración do Día das Letras Galegas 2025 dedicado ás cantareiras Adolfina e Rosa Casás, Eva Castiñeira e Manuela Lema, representación colectiva de todas aquelas mulleres que foron custodias e divulgadoras deste tesouro cultural.

Cedemos o espazo para realizar a exposición “TintA: unha historia do fanzine libertario, de 1976 á actualidade” organizada pola Confederación Nacional do Traballo de Compostela.

A exposición está deseñada para ser unha experiencia educativa e visualmente impactante que motive aos visitantes para tomar acción en favor dos polinizadores. Coa combinación de elementos informativos e visuais, esperamos sensibilizar ao público sobre a urxente necesidade de protexer a estes cruciais seres vivos. Este proxecto expositivo busca concienciar sobre a importancia dos polinizadores e as ameazas que enfrontan, utilizando unha combinación de elementos visuais e textuais que informen e sensibilicen aos visitantes.

Leandro Barea (Lugo, 1974) é un dos artistas gráficos, ilustradores e muralistas máis interesantes de hoxe en Galicia e conta cun palmarés moi amplo de premios nacionais e internacionais. Habitual na prensa, en revistas infantís ou satíricas, como El Jueves, e mesmo en fanzines, o seu estilo, humorístico e reflexivo, ten moito que ver coa actitude da propia filosofía, polo que esta exposición de 25 das súas obras atopa un lugar moi axeitado na Facultade de Filosofía.

Mergúllate nunha viaxe literaria por Pontevedra a través das páxinas das novelas que capturaron a esencia da nosa terra. Esta exposición celebra o vínculo entre a literatura e a paisaxe urbana e rural mostrando como autores de diferentes épocas e estilos retrataron a alma de Pontevedra. Ven a descubrir historias que dan vida a prazas, monumentos e os recunchos máis emblemáticos. Unha oportunidade única de redescubrir Pontevedra a través da mirada dos escritores que deixaron a súa pegada nela.

Do 14 ao 30 de abril de 9.00 a 21.00 h.

 Espazo  de exposicións.

Jorge Mario Pedro Vargas Llosa (Arequipa, 28 de marzo de 1936 - Lima, 13 de abril de 2025), máis coñecido como Mario Vargas Llosa, foi un dos maiores expoñentes do auxe da literatura latinoamericana. Aínda que escribiu diferentes xéneros, destaca a súa faceta de ensaísta e novelista, coa que gañou diversos premios, entre os que destacan o Premio Príncipe de Asturias das Letras en 1986, o Premio Cervantes en 1994 e o Premio Nobel no ano 2010.

Con motivo do seu pasamento, a Biblioteca Ánxel Casal fai esta escolma de obras para honrar a súa carreira e a súa aportación á literatura.

Rafael Úbeda leva pintando sete décadas. A exposición Úbeda. Visión retrospectiva abrangue unha ollada completa da súa traxectoria creativa, afondando nos fitos máis relevantes da súa obra e das pezas representativas que marcaron cada etapa do camiño. 
O artista, logo de sete décadas en activo, representa unha parte da historia da arte que enriquece o patrimonio de Galicia, así como unha das figuras das artes plásticas máis notables en España con conexións en diferentes lugares e escolas de Europa.

Rosalía de Castro nace no mesmo ano no que, por vez primeira, unha muller consegue entrar na Biblioteca Nacional. Non se sabe se a escritora galega repetiu esa xesta durante os seus anos madrileños, mais o certo é que nunca puido cursar estudos universitarios. Con todo, hoxe en día coñécese que a nai da autora, dona Teresa Castro Abadía, se preocupou, de xeito moi consciente, pola súa educación.