Achégase o Samaín e na Biblioteca Ánxel Casal e temos preparada unha selección de libros nos que poderás ler algunhas das nosas historias terroríficas preferidas, pero tamén atoparás outros nos que aprenderás curiosidades sobre esta festa ou mesmo ideas para que elixas o teu disfrace para esa noite.
Pode visitarse na sala infantil durante o horario de apertura da biblioteca.
Desde outubro de 2016 vense celebrando o Día das Escritoras, unha conmemoración que pretende recuperar e facer visible o legado de tantas mulleres escritoras, así como combater a discriminación sofrida ao longo da historia. A data elixida para esta conmemoración é sempre o luns máis próximo ao 15 de outubro, aniversario do falecemento de Tareixa de Xesús.
Co gallo do 10º aniversario de Afundación, Obra Social ABANCA, convidámoste a unha festa creativa que celebra por toda Galicia a arte e a cultura a través do macroproxecto SIMULTÁNEA con sete exposicións en sete cidades. A Colección de Arte Afundación é o eixe deste traballo minucioso que se expón a un tempo nos nosos espazos culturais.
Este martes ás 12.00 h teremos a inauguración da Exposición das obras nas que Baldomero Moreiras homenaxea a escritores ourensán. Esta exposicións que reúne as colaxes que Moreiras adicou a diferentes literatos ourensáns poderá visitarse no horario habitual de apertura da biblioteca dende o martes 17 de setembro 31 de outubro.
Baldomero Moreiras (Celanova, 29 de xaneiro de 1955)
Estuda Artes e Oficios en Ourense e o Bacharelato Superior. Alumno de Xaquín Lorenzo (Xocas) e Luís López Cid.
A tatuaxe debe o seu nome ao tatau polinesio que a tripulación europea do capitán Cook descubriu no século XVIII. A evolución desta práctica foi o resultado de intercambios entre países, entre correntes marxinais e dominantes, entre centros e periferias. Sobreexposta actualmente por mor do desenvolvemento de Internet e o interese mediático que esperta, a tatuaxe escribe a súa historia contemporánea ao ritmo dos avances tecnolóxicos.
A mostra 'Miradas. Mulleres na arte' de Elsa Martínez busca homenaxear as representantes femininas que destacaron no mundo da arte e tamén aquelas que quedaron no anonimato.
A mostra recolle 41 retratos de mulleres de diferentes disciplinas artísticas (pintoras, escultoras, escritoras e actrices) do século XVI ao XX e empregando diferentes técnicas: acrílico, collage, lapis, acuarela e plastilina utilizada de xeito persoal como técnica pictórica.
Presentamos nesta mostra unha selección de obras que abranguen as relacións entre o mundo da arte téxtil e a literatura; narrativas sobre tecedoras, costureiras, fíos, bordados e tapices, nas que o labor téxtil se constitúe como axente fundamental na creación e transmisión cultural.
Esta mostra é unha invitación a explorar as posibilidades que ofrecen os tecidos, unha escolma de lecturas para tecer e destecer, para lecer e, de ser necesario, tamén para suturar.
O Romantasy ou romantasía en galego é un termo que une as palabras romance e fantasía (fantasy en inglés). As obras que se inclúen baixo este concepto están, habitualmente, inspiradas na mitoloxía o en períodos históricos como a Idade Media ou a Idade Moderna, valéndose así do seu imaxinario para introducir criaturas máxicas como dragóns, fadas, meigas… A pesar disto, neste subxénero, os mundos fantásticos que conforman a base da historia sitúanse nun segundo plano, sendo o verdadeiro protagonista o amor e, consecuentemente, os conflitos románticos dos protagonistas.
Mostra bibliográfica e audiovisual cunha selección de recursos relacionados coas próximas estreas de cine: Bitelchús Bitelchús, Los destellos, Joker: Folie à Deux, Los anillos del poder (T2), Shin Chan, Venom, e moitos máis.
Na mostra atoparás música e películas de Lady Gaga, a primeira entrega do Joker, outras películas de Joaquin Phoenix, libros e peliculas de "El señor de los anillos", os libros nos que están baseadas as películas "Los destellos" e "La habitación de al lado", e moitas cousas máis.
Todo para que poidas prepararte para todo o que está por vir.
Cedemos o espazo para realizar esta exposición que estará do 1 ao 30 de outubro no vestíbulo. Esta mostra, realizada no marco da Exposición Internacional Galicreques 2024, recolle monicreques, marionetas e sombras que ilustran diferentes técnicas e xéneros de diversas partes do mundo, como o teatro tradicional africano ou o teatro oriental chinés, así como unha panorámica do teatro de bonecos de países da súa contorna: Tailandia, Vietnam, Myanmar, A India, Sri Lanka, Indonesia e Taiwan.
