Na biblioteca seleccionamos unha mostra de autobiografías onde podes adentrarte e explorar as memorias e vivencias de personaxes célebres. Esperámoste!
Do 16 de setembro ao 31 de outubro no 2º andar. Pode visitarse durante o horario de apertura da biblioteca.
Con motivo da entrega do galardón Socia de Honra de GÁLIX á escritora Gloria Sánchez pola súa traxectoria profesional, obra e dedicación á literatura infantil e xuvenil galega, a biblioteca fai unha escolma coas súas obras máis coñecidas.
Do 14 de setembro ao 16 de outubro na sala infantil. Pode visitarse durante o horario de apertura da biblioteca.
Gústache descubrir cousas novas? Sabes o que son os libros ilustrados de non ficción? Poida que este nome non che soe moito pero, e se che dicimos que son libros que van espertar a túa curiosidade, cos que podes aprender ao tempo que te divirtes e vas quedar con ganas de seguir investigando? Se non os coñeces e queres facelo, bótalle unha ollada a algún dos que forman parte desta mostra bibliográfica. Se te entusiasman tanto como a nós, poderás atopar máis na zona de libros informativos da sala infantil. Non deixes de achegarte e explorala. Temos unha chea de títulos cos que vas flipar!
Unha mostra que pretende poñer en valor e potenciar o rico patrimonio relixioso conservado dentro das antigas catro parroquias (San Juan, Santa María Magdalena, Santiago e Oliveira) e dous conventos (Santo Domingo e San Francisco) do municipio ribadaviense. Reúne corenta pezas de orfebrería (cálices, custodias, relicarios...), tallas devocionais, libros sacramentais, ademais de testemuños do arquivo parroquial nunha exposición de produción propia que, ademais Unidade Parroquial de Ribadavia, conta tamén coa colaboración dos franciscanos de Herbón e a Fundación Santa María a Nai.
Esta é unha mostra que recolle un percorrido dos vintecinco anos de traballo expositivo do Museo a través dunha selección das obras procedentes das mostras temporais. Organízase atendendo aos diferentes programas expositivos que o centro foi configurando, de aí o seu nome: as exposición son efémeras (volant), pero os fondos permanecen (manent).
Conta cun total de 117 pezas de 50 artistas que integraron no seu día as mostras expositivas que acolleu o museo.
Desde o mes de xuño a cripta do Pórtico da Gloria e o mosteiro de San Martiño Pinario exhiben unhas 170 pezas de arte sacra realizas por artistas de renome como Murillo ou Salvador Carmona, que forman parte da exposición itinerante Hospitalitas. A graza do encontro, impulsada no marco dunha nova edición de Las Edades del Hombre.
Rosa Regàs foi unha escritora, tradutora e editora española gañadora de múltiples premios e recoñecementos, entre outros, o Premio Nadal, o Premio Planeta, o Premio Biblioteca Breve, a Premio Ciudad de Barcelona, o Premio José Luis Sampedro ou a Lexión de Honra Francesa. Entre 2004 e 2007 foi directora da Biblioteca Nacional de España.
Na Biblioteca Ánxel Casal fixemos esta mostra bibliográfica en recoñecemento á súa figura polo seu pasamento.
No segundo andar. Pode visitarse no horario de apertura da biblioteca.
A exposición "Ksado. Iconas de Galicia" afonda na historia da fotografía galega da man do autor Luis Casado e recolle arredor de 300 pezas entre fotografías, postais, cromos e material fotográfico.
Esta mostra ofrece a oportunidade de facer un percorrido dun cuarto de século a través dunha selección das obras procedentes das mostras temporais e organízase atendendo aos diferentes programas expositivos que o centro foi configurando. Porque as exposicións son efémeras (volant), pero os fondos permanecen (manent).
Conta con 117 pezas de máis de 50 artistas que integraron no seu día as mostras expositivas que acolleu o museo ao longo destes anos, como «Peregrinacións do mundo», «As outras peregrinacións» ou «Patrimonio e Camiño».
Unha das partes máis importantes do museo é tamén unha das máis descoñecidas: os almacéns. Neles consérvase a colección do Museo Etnolóxico, unha colección en continuo crecemento e cunha grande variedade de pezas. A natureza propia do museo non permite expor nas salas todo o patrimonio que pasa a formar parte da colección, ben por espazo, tempo ou discurso expositivo. É por iso que naceu “BEN(S)VIDOS”, un proxecto expositivo no que se lle da lugar a pezas que pasan a formar parte da colección e que esperaban ser expostas nas salas do museo.
