Exposición individual dunha das creadoras máis importantes da arte contemporánea galega das últimas décadas, a artista plástica Menchu Lamas (Vigo, 1954). Na mostra poderemos gozar de varios dos seus últimos traballos, trece pezas realizadas no último lustro que achegan a Santiago de Compostela o impoñente discurso estético da pintora viguesa.
Miles de pasos levan ao camiñante a Santiago. Atrás quedaron os preparativos da viaxe, as ansias e as fatigas, os amigos impensados, a beleza inesperada. A cidade acolle o peregrino, ampárao coa súa hospitalidade de séculos de apertura ao forasteiro. Acólleo nesa realidade cambiante e dual de urbe tranquila de arquitecturas variadas e de contorna rural de tendais secando ao aire na solada.
Mayte Vieta (Blanes, Girona, 1971) é unha artista visual que utiliza o espazo e a luz como medios de expresión a través da fotografía, a escultura e a instalación.
Cunhas influencias que abarcan desde Milan Kundera ata Simone Weil, Vieta reflexiona sobre as contradicións da experiencia humana mediante instantáneas que capturan a complexidade do espectro das nosas emocións, pensamentos e vivencias. As súas obras redefinen a relación entre contrarios coa coherencia que só os soños conteñen.
A exposición establece un diálogo entre a literatura da filósofa e novelista francesa, Simone de Beauvoir (París, 1908-1986) e a plástica da ilustradora Sara Herranz.
Deste xeito, unha serie de fragmentos de textos extraídos da obra literaria “La mujer rota”, de Beauvoir, serán expostos xunto a obras da ilustradora tinerfeña, con edicións únicas creadas para a galería. Unha dupla que aúna palabra e imaxe para abrirse coma un libro ante o espectador e que acolle por primeira vez na cidade, unha mostra da recoñecida ilustradora.
Da semente á árbore. Un ben para a nosa vida conecta coa idea orixinal para a que foron deseñadas as Torres Hejduk, pensadas como torres botánicas. Deste xeito, os espazos utilízanse a modo de invernadoiro, onde se recrean dous tipos de bosques galegos — atlántico e mediterráneo —, e como aula, onde se expoñen froitos, sementes e produtos finais obtidos da árbore.
Tras a primeira mostra dedicada a este pintor, no primeiro trimestre do ano, o Museo Etnolóxico presenta a segunda exposición da obra deste artista multidisciplinar nado en Ribadavia na década dos cincuenta.
Exposición de produción propia.
A exposición presenta a doazón de 22 obras do artista Tomás Barros (Toledo 1922 - A Coruña 1986) realizada polos seus fillos, Tomás e Araceli Barros Cao, á Comunidade Autónoma de Galicia, que é custodiada no Museo de Belas Artes da Coruña, obras que amplían o coñecemento da súa faceta artística como pintor e gravador.
A doazón componse dunha colección de sete óleos, catro debuxos realizados en ceras de cores sobre papel, unha acuarela e dez estampas gravadas coa técnica da linografía.
Sesenta anos despois vólvese atrás a mirada sobre o cartel e outros materiais publicitarios da I Edición da Feira-Exposición de exaltación do viño do Ribeiro.
Reunimos nesta mostra bibliográfica unha escolma da obra do escritor neoiorquino como homenaxe polo seu pasamento.
Pode visitarse no segundo andar durante o horario de apertura da biblioteca.
Acollemos, outro ano máis, unha selección de obras realizadas polo alumnado da escola nas especialidades de pintura, cerámica, madeira, e vidro do curso 23-24. A exposición das obras poderase ver no vestíbulo da Biblioteca no seu horario habitual de apertura.
