Instrumentos de Visión é unha exposición de Armin Linke, organizada polo Instituto Galego de Física de Altas Enerxías (IGFAE) e Arts at CERN, o programa de arte contemporánea da Organización Europea para a Investigación Nuclear. O proxecto está comisariado por Mónica Bello (Santiago de Compostela, 1973), directora de Arts at CERN.
A Xunta de Galicia pon sempre en valor os fondos documentais que custodian os arquivos e as bibliotecas galegas. Neste caso, en colaboración co Arquivo Histórico Provincial, presentamos unha mostra que recolle unha parte dos fondos fotográficos que éste conserva e que permite amosar a evolución da cidade e da súa veciñanza.
Na colección de vestidos que a cantante lírica Teresa Berganza luciu sobre os escenarios entre 1950 e 2010 hai creacións dos mellores modistos do mundo da súa época: Pierre Cardin, Loris Azzaro, Enrique Caruncho, Christian Lacroix... Un total de 24 deses vestidos de quen, no seu día, foi considerada «a mezzosoprano do século» son o eixe central da exposición «O gardarroupa da música» que, desenvolvida pola Dirección Xeral de Turismo da Xunta de Galicia.
O colectivo Habitar o baleiro presenta unha exposición de dez anos de documentación fotográfica do despoboamento e a vida no rural de Galicia. Coordinada por Tono Arias, permanecerá aberta ao público en Compostela ata o 1 de setembro.
Mostra conmemorativa do centenario do Primeiro Manifesto do Surrealismo publicado en 1924 en París por André Breton (1896-1966).
Esta exposición confórmase como un relato donde se mostra o propio manifesto, acompañado de obras dalgúns dos autores nomeados no texto como son o propio André Breton, así como Marcel Duchamp, Pablo Picasso, Max Erns ou Vlady Sergé , entre outros.
A parte dedicada a Eugenio Granell destaca con obras relacionadas directamente con André Breton, donde encontramos un cadáver exquisito no que tamén participou Wifredo Lam.
Eugenio Granell e Carlos Maside foron dous artistas galegos que coincidiron no mesmo espazo en distintos tempos, con só unha diferencia de 15 anos.
Dúas maneiras diferentes de sobrevivir, un período clave para que os dous artistas poidan atopar a súa voz artística.
Granell afonda a súa relación coa plástica a través do surrealismo e Carlos Maside, a finais dos anos 40, comeza unha etapa de alienación do seu propio interese pola loita política e social.
Unha das cuestións máis importantes no proxecto constructivo de Amparo Segarra son o espazo e o lugar onde se desenvolve a escena. Un concepto que forma parte destacada a nivel persoal dende o desenvolvemento do seu traballo de actriz ata a propia representación dun espazo onde colocar un amplo elenco de personaxes, elementos ou fraccións dos mesmos, para manipulalos ou unificalos nun amplo espectro de posibilidades.
A partir do 14 de xuño, coincidindo coa Selic e a súa sección Selic Criminal, mentres paseas polas instalacións da Biblioteca Pública Ánxel Casal irás atopando seleccións de documentos relacionados coa literatura criminal, o true crime, os cómics de intriga ou o thriller.
Verán criminal divídese en 7 partes:
No andar baixo, na sección de Fondo local: Compostela Criminal, con obras que se desenvolven na nosa cidade e o Camiño; na Cómicteca: Cómic Criminal, unha selección de cómic de intriga de todas as procedencias.
O Museo de Belas Artes da Coruña da a coñecer, nesta mostra, as importantes doazóns de iniciativa particular que tiveron lugar nos últimos 8 anos e trata de resaltar a xenerosidade dos 16 doantes que aportan á colección do Museo un total de 100 obras de artistas galegos do século XX (ademais de dúas obras do século XVII), entre pinturas, debuxos, gravados, escultura e artes decorativas.
Andaina Pro Saúde Mental, unha asociación sen ánimo de lucro que nace co obxectivo de prestar apoio ás persoas con problemas de saúde mental, ás familias e achegadas e achegados. Utilizan a arte como ferramenta de expresión emocional e comunicación xa que axuda a conectar cun mesmo e co grupo, a reducir os niveis de estrés e ansiedade e potenciar a creatividade. Cada obra é unha historia de desenvolvemento e mellora persoal.
No vestíbulo. Pode visitarse no horario de apertura da biblioteca.
