Exposición

Este verán, a Biblioteca Pública Ánxel Casal propón unha viaxe ao encantador mundo do cozy crime, un subxénero da novela policíaca onde o misterio se resolve sen violencia explícita e cun toque de humor, enxeño e vida cotiá.

Ambientadas en pequenos pobos, librerías, salóns de té ou comunidades aparentemente tranquilas, estas historias invitan a que nos convirtamos en detectives ao longo dunhas páxinas. Unha selección perfecta para desfrutar da lectura entre intrigas lixeiras e personaxes entrañables.

Pode visitarse no 2º andar do 1 de xullo ao 12 de setembro.

Co gallo do prematuro falecemento da autora, a biblioteca réndelle unha homenaxe con esta mostra bibliográfica que podedes visitar no espazo da hemeroteca ata o 11 de xullo.

Fotografía de Georges Bird.

Cedemos o espazo para acoller esta colección que nace dunha idea sinxela: en Galicia, o monte está tan vivo que parece que todo se mestura, que as fronteiras se difuminan.

A autora quixo imaxinar que os nosos animais non só viven entre árbores e flores, senón que forman parte deles. A través destas ilustracións, convídanos a mirar un pouco máis de preto e descubrir eses fíos invisibles que unen a fauna e a flora galegas. Esta é a súa forma de dar as grazas á terra onde naceu e medrou, á súa natureza que tanto nos aporta, e de lembrarnos que é o noso deber coidala e protexela.

Este verán viaxamos ao redor do mundo sen saír da biblioteca!

“A volta ao mundo en 80 libros” é un percorrido por contos, aventuras, lendas e curiosidades de diferentes países e culturas. Pero non só iso, nesta mostra tamén poderedes descubrir historias que vos levarán a selvas, desertos, océanos, castelos, cidades afastadas, lugares imaxinarios…

Esperámosvos na biblioteca para emprender esta gran viaxe lectora! Pode visitarse do 1 de xullo ao 12 de setembro na sala infantil en horario de apertura da biblioteca.

A Galería LUISA PITA inaugura o 5 de xuño a exposición En busca da felicidade, do artista cubano David Planas.