Exposición

A Biblioteca Pública de Santiago Ánxel Casal acolle a mostra bibliográfica Begoña Caamaño, activista: mover os marcos, cambiar de xogo, unha homenaxe á figura de Begoña Caamaño, xornalista, narradora e activista comprometida coa defensa dos dereitos sociais e da cultura. A exposición reivindica o seu papel no xornalismo crítico e na participación en diferentes movementos sociais e sindicais, así como a súa defensa dos medios públicos ao servizo da cidadanía, nun percorrido que lembra unha traxectoria marcada pola coherencia e o compromiso.

O Museo do Pobo Galego acolle a mostra bibliográfica Letras Galegas 2026: Begoña Caamaño Rascado (1964-2014), organizada pola Biblioteca do museo no marco da programación das Letras Galegas. A exposición rende homenaxe á escritora e xornalista Begoña Caamaño, figura destacada da literatura galega contemporánea e décimo cuarta muller recoñecida nesta celebración.

A exposición recolle unha selección dos traballos elaborados polo alumnado da Escola de Artes e Oficios neste curso 2025-2026. Pode visitarse no vestíbulo da biblioteca

A biblioteca ten a ledicia e a honra de acubillar a primeira exposición de Judith Martín Velasco, xove artista lucense que presenta unha recompilación de pinturas e debuxos.

Destaca a serie “Historia de 9 vidas” coa que a autora nos achega á realidade dos pacientes oncolóxicos a través de instantes da súa vida, proxectando expresións e emocións reflectidas no seu traballo artístico cunha mirada fondamente humana.

Sala de Exposicións da Biblioteca.

De luns a sábado en horario de apertura da biblioteca.

Begoña Caamaño, xornalista, narradora e loitadora en diversas frontes é a elixida este ano para protagonizar o Día das Letras Galegas. Destemida activista que participou de varios movementos e reivindicacións sociais e dona dun xornalismo comprometido e valente, deixou coa súa prematura morte un oco importante na vida cultural e política galega.

Desde a Biblioteca Ánxel Casal queremos rendirlle unha homenaxe á Begoña representativa de tantas loitas encarnadas na súa participación no sindicalismo e na defensa duns medios públicos para a cidadanía.

Un ano máis colaboramos coa promoción e votación do Premio Novela Europea Casino de Santiago, que ten por obxectivo promover a lectura e o espírito europeísta, convertendo á cidadanía da cidade de Santiago de Compostela, así como doutras cidades europeas significativas, en xurado dun premio literario.

Estas foron as cinco novelas finalistas desta XIX edición:
 

• A noite das cebolas, de Rosa Aneiros (Edicións Xerais)

• La península de las casas vacías, de David Uclés (Siruela)

• El cantar del profeta, de Paul Lynch (Alfaguara)

Cousas de Abellas consta de 8 paneis didácticos sobre a vida das abellas e os seus produtos e Apiarte é un conxunto de obras artísticas sobre o mundo das abellas e a apicultura creadas por distintos autores. A unión das dúas exposicións, xunto cos audiovisuais e equipamentos apícolas, conforman un todo e dannos unha visión completa sobre a importancia das abellas e os seus produtos para a saúde e o medio ambiente.

No vestíbulo. Poden visitarse do 5 ao 16 de maio no horario de apertura da biblioteca.

Educar na Arte é unha tarefa fundamental porque aporta moitos beneficios ás crianzas. Transmitir a súa importancia asegúranos unha serie de vantaxes que repercutirán na mellora de actitudes e aptitudes comunicativas, creativas e de autoestima. A formación dun criterio propio, o incremento da concentración e o uso dos sentidos son tamén algunhas das destrezas que é posible alcanzar, ademais da aprendizaxe da historia das expresións artísticas desde a Antigüidade ata a actualidade.

Na mostra Arxila, auga e luma, do artista galego Xurxo Oro Claro, o autor substitúe o aceiro —material central na súa traxectoria— pola escultura cerámica.
A proposta conecta coa cultura material popular e ancestral, especialmente coa tradición galega, tanto desde a artesanía como desde a arqueoloxía. A mostra reúne arredor de 40 pezas de mediano e grande formato, froito de tres anos de traballo nun taller de cerámica de Barcelos, no norte de Portugal.
 

A exposición Perspectivas de Mar Vicente propón un percorrido arredor da mirada como elemento transformador da realidade. A través dunha sucesión de imaxes que capturan instantes en movemento, a artista constrúe volumes e formas en constante cambio, cuestionando a estabilidade do percibido. As súas pezas convidan a abandonar unha visión única para explorar diferentes perspectivas, nas que o espazo, o tempo e o punto de vista condicionan a nosa comprensión do visible.