A mostra está formada por 37 maquetas, textos, planos, proxeccións, animacións en 3D e fotografías, distribuídas en tres bloques temáticos: transformando a paisaxe, o influxo da arquitectura sen arquitectos e suxestións para un novo tempo dunha arquitectura lóxica, sostible, de espazos atractivos e composta polos materiais industriais que ofrece a nova revolución tecnolóxica.
É o resultado de moitos anos investigando e experimentando técnicas para facer as reproducións o máis semellantes posibles. Trátase de 23 bonecos agrupados en diferentes épocas que recrean a vestimenta das mesmas e que están relacionados con feitos importantes para a historia de Lugo. Unha das principais novidades é que dispoñen dun código QR que enlaza directamente coas páxinas de diferentes Museos de Lugo nos que se relaciona a vestimenta cunha etapa importante da historia da cidade.
Exposición de pintura, escritura creativa, restauración do moble e encadernación.
A Cidade da Cultura convida, coa exposición Auga Doce, a redescubrir a beleza universal dun elemento definidor da alma galega a través da ollada de grandes artistas. Da man de xenios do talle de John Constable, David Hockney, Gerhard Richter, Louise Bourgeois, Mario Merz, Martín Chirino ou Chema Madoz e de grandes creadores galegos, a exposición propón unha intensa experiencia estética a través dunha selección multidisciplinar de obras que reúne pintura, escultura, fotografía, vídeo, instalación, enxeños científicos ou pezas etnográficas.
