Exposición

O proxecto artístico O ADN da Unidade chega ao Instituto Europeo Campus Stellae, situado na Praza da Quintana, no corazón de Santiago de Compostela, a través dunha intervención mural que combina arte contemporánea e técnicas tradicionais da arquitectura.
A proposta, desenvolvida por un equipo de catro creadoras —María Romero, Eva Villar, Paula Sánchez e Paloma Soriano—, transformará un dos muros do vestíbulo nunha obra que conecta arte, tradición e natureza. O proxecto sitúase na intersección entre paisaxe, identidade, xeometría e procesos creativos contemporáneos.

Cedemos o espazo para realizar a exposición Aquí y ahora: el cómic checo contemporáneo, comisariada por Pavel Kořínek e Tomáš Prokupek, que ofrece unha visión panorámica da evolución do cómic checo nas dúas últimas décadas, destacando a autores e autoras internacionais como Jaromír Švejdík, Lenka Šimečková ou Lucie Lomová.

A Facultade de Filoloxía acolle a exposición A bordo, de Nuno Correia. A mostra toma como punto de partida o libro Lisboa – Libro de bordo, de José Cardoso Pires, para construír unha proposta de marcado carácter cinematográfico, íntima e reflexiva.
Sen afastarse do texto orixinal, o artista desenvolve un guión propio, afastándose dunha interpretación meramente ilustrativa para ofrecer unha visión persoal da cidade. Máis que unha ruta, a obra inspírase nun relato que percorre os espazos de memoria do escritor e o seu universo literario.

A Galería LUISA PITA inaugura o próximo 9 de abril a exposición Aventura da mirada de Antón Patiño, que reúne 17 pinturas sobre tela realizadas entre 2023 e 2026. A mostra ofrece unha visión actual do seu traballo, no que continúa a súa investigación arredor do xesto, a materia e a construcción do espazo pictórico.
O título da exposición suxire un percorrido aberto en torno á percepción, onde a mirada non só observa, senón que se despraza, constrúe e activa o sentido da pintura.

Celebramos a declaración de 2026 como Ano Oteriano, ao cumprirse, o 10 de abril, 50 anos do pasamento de Ramón Otero Pedrayo (1888-1976) cunha exposición no 1º andar.

Este ano 2026 celébrase o Ano Otero Pedrayo con motivo do 50º cabodano do autor e do centenario da súa Guía de Galicia. Otero, figura fundamental da cultura e identidade galegas, representa unha das pezas fundamentais do galeguismo e do compromiso coa nosa terra.

Con esta mostra, a biblioteca Ánxel Casal quere revisar unha das obras literarias e ensaísticas máis completas que segue a acompañar ás novas xeracións e que foi referente para as anteriores.

Pode visitarse no 2º andar do 10 de abril ao 30 de maio.

O Arquivo de Galicia inaugura a exposición Mulleres sobranceiras. Luísa Villalta. Música, palabra e compromiso, grazas á recente doazón do arquivo persoal da autora por parte da súa familia. Esta doazón converte ao Arquivo nunha das institucións de referencia para o estudo da figura de Luísa Villalta e permite achegar ao público a vida e obra dunha das intelectuais máis brillantes da súa xeración.

Co gallo da exposición Sorrisos por un mundo. O humor en Carlos Casares, organizada pola Fundación Carlos Casares e que estará no noso vestíbulo do 6 ao 30 de abril, dende a biblioteca queremos colaborar neste evento e contribuír a difundir a súa obra máis humorística, presente tanto nos textos infantís e xuvenís coma nos de adultos.

Trátase dunha lectura dos resultados e as conclusións dos proxectos "Fotosíntese" e "Tódalas cousas do mundo", levados adiante en novembro de 2025 no Centro de Menores de Montealegre (Ourense) e na Residencia Nosa Señora dos Anxos de Ribadavia, para transformalos en contidos e produtos culturais e conformar con eles unha mostra expositiva no espazo do Museo Etnolóxico.

O Consorcio de Santiago organiza a exposición “A alma de Compostela: un percorrido en acuarela e fotografía” na Casa do Cabido (Praza de Praterías), que poderá visitarse de balde.