Exposición

Carmen Martín Gaite (Salamanca, 1925-Madrid, 2000) e Ana María Matute (Barcelona, 1925-2014) cumprirían cen anos neste 2025. Dúas mulleres, dúas escritoras pertencentes á xeración literaria dos anos 50 do século pasado, que comparten a necesidade de crear, non só a través da escritura senón tamén doutras disciplinas, como a pintura no caso de Matute e a creación de collages como forma de expresión, no caso de Martín Gaite. Dous universos literarios diferentes que se rebelan á vez nunha época pouco propicia para a liberdade.

A Biblioteca Pública de Santiago Ánxel Casal quere render unha sentida homenaxe a Carlos Álvarez Taboada (1979-2025), ilustrador, escritor e soñador incansable, que nos deixou demasiado cedo.

Co seu lapis viaxou por milleiros de historias, facendo que nenos e nenas descubrisen personaxes, aventuras e anacos da nosa memoria colectiva. Xunto a Quique Mauricio, no proxecto Polo correo do vento, encheu moitas veces a nosa biblioteca de cores, risas e curiosidade. 

A Biblioteca Pública de Santiago Ánxel Casal rende homenaxe a Manuel Lourenzo, figura esencial do teatro galego, cunha mostra bibliográfica que percorre a súa obra e traxectoria. Un espazo para lembrar, ler e redescubrir a súa contribución á literatura e á cultura do noso país.

Pode visitarse no segundo andar durante o horario de apertura da biblioteca.

Coincidindo coa dedicación do Día das Artes Galegas de este ano 2025 por parte da Real Academia Galega de Belas Artes á figura do artista Isaac Díaz Pardo, o Museo de Belas Artes da Coruña organiza a exposición A BARCA DE CARONTE. A travesía vital de Isaac Díaz Pardo, comisariada polo seu fillo Xosé Díaz Arias e en colaboración co equipo técnico facultativo do Museo de Belas Artes da Coruña.

Made in China é unha exposición que pretende poñer en valor as contribucións que a cultura chinesa fixo a Galicia,  descubrindo unha relación máis estreita e produtiva do que podería parecer.

A Fundación Gonzalo Torrente Ballester inaugura o vindeiro 3 de xullo de 2025, ás 18:00 h, a exposición permanente Gonzalo Torrente Ballester. Itinerario de vida e creación. Comisariada por Carmen Becerra Suárez, especialista na obra do autor, a mostra propón un percorrido vital e creativo polas diferentes etapas de Torrente Ballester, desde a súa infancia en Ferrol ata os últimos anos en Salamanca, ofrecendo unha mirada profunda a este autor poliédrico, un dos grandes nomes da literatura española do século XX.

Exposición evocativa dos 100 anos do Manifesto Surrealista, un proxecto comisariado por Miguel de Carvalho que poderá visitarse ata o 12 de outubro. Este proxecto internacional é articulado por Miguel de Carvalho nunha aposta conxunta co artista surrealista brasileiro Sergio Lima, recentemente falecido. A exposición itinerante pasa polas institucións portuguesas, Casa da Cultura de Paredes e a Fundación Cupertino de Miranda, completando o seu percorrido na Fundación Eugenio Granell.

A Editorial Galaxia leva acompañándonos arredor de 75 anos, e dende a Biblioteca Pública Ánxel Casal queremos conmemoralo cunha mostra bibliográfica que amose as coleccións e as autoras e autores que interviron no seu éxito editorial.

Non faltarán nesta mostra as obras que marcaron os inicios e selaron a traxectoria dunha das editoriais punteiras do país. Falamos dalgunhas tan relevantes como Antífona da cantiga, primeira obra publicada pola editorial, ou a tradución de O Principiño realizada por Carlos Casares, primeira achega á tradución da autores clásicos e contemporáneos.

Pequena mostra sobre as novas editoriais que publican literatura infantil e xuvenil en galego e que se asoman contribuíndo xunto ás xa establecidas á consolidación deste xénero,  poñendo o seu gran de area no labor ao que Álvaro Cunqueiro convocábanos para facer que Galicia e o Galego duren mil primaveras máis.

Pode visitarse na sala infantil durante o horario de apertura da biblioteca.

No imaxinario colectivo preséntase a menopausa como a antesala da vellez, un estado máis penalizado nas mulleres que nos homes. Por iso, xera pánico á exclusión, tanto social, como afectiva, sexual e laboral cando, en realidade, nesa etapa da vida, a unha muller inda lle quedan décadas de vida, e dunha vida tan venturosa como se podería ter en calquera outro momento. 

Nesta mostra, na que combinamos estudos biomédicos e socioculturais con ficción, queremos tamén falar do cambio de imaxe da vellez feminina, algo que no mundo no que agora habitamos non parece posible.