Exposición

Cedemos o espazo para esta exposición organizada por José Manuel Pérez Pena. Para referirse á soidade, en alemán a palabra máis común é Einsamkeit. E do mesmo xeito que sucede coa nosa soidade, aquel termo pode ter significados tanto positivos (no caso dunha soidade buscada) como negativos (caso contrario). Pero en alemán tamén existe outro termo, para o que non temos un equivalente galego, a saber, Zweisamkeit (unha especie de soidade compartida) que sempre conleva emocións positivas.

Esta mostra bibliográfica reúne unha selección de ensaios de psicoloxía e neurociencia, xunto con obras de narrativa, que exploran os misterios da mente humana: como percibimos, lembramos, sentimos e tomamos decisións. A través de miradas moi diversas –desde a investigación científica ata as historias de ficción– estes libros abordan temas como a conciencia, a identidade, as emocións, os trastornos mentais ou a influencia do contexto na nosa conduta.

A rima é un elemento básico para as crianzas porque melloran a linguaxe, tanto expresiva como comprensiva e benefícialles na súa capacidade de memoria, xa que enriquece a súa habilidade de lembrar. Ao escoitar as rimas, aprenden como se combinan os sons para formar as palabras e as frases e entenden o ritmo da lingua. Algunhas investigacións amosan que é un instrumento moi poderoso para a aprendizaxe da lectura. Ofrecésmosvos aquí unha pequena mostra de contos rimados que se suman á nosa colección de poesía infantil.

Unha exposición que convida a descubrir o valor simbólico, artístico e social da máscara a través de pezas procedentes de máis de 40 países reunidas polo coleccionista e viaxeiro Nacho Rovira, combinadas con máscaras galegas, algunhas pertencentes ao Museo do Pobo Galego.

A Fundación DIDAC presenta O Arquivo de Barro, unha exposición baseada no arquivo do deseñador galego Pepe Barro, depositado na Fundación desde 2024. A mostra permite coñecer a súa traxectoria desde os anos setenta ata hoxe, destacando proxectos de deseño editorial e identidade visual, así como a súa labor como cronista da historia de Galicia. Durante a exposición haberá relatorios e conversas, comezando o 22 de xaneiro con Suso de Toro. O proxecto conta coa colaboración do Ministerio de Cultura, a Deputación da Coruña e o Concello de Santiago.

O Museo de Belas Artes da Coruña en colaboración coa Asociación de Amigos do museo presenta a exposición do resultado dos traballos realizados nos obradorios do proxecto IDENTIDADES, AS ARTES PARA A INCLUSIÓN SOCIAL durante o outono do ano 2025.

Durante o mes de xaneiro gozaremos cos retratos de Roberto Muradás.  O autor retrata a persoas e animais con tinta e a técnica do puntillismo. 

Podedes velos no primeiro andar da biblioteca.

Cedemos o espazo a Santiago Losada, usuario da biblioteca e coleccionista de libros para que poidamos desfrutar dalgúns dos exemplares da súa colección Losada Díaz. Trátase dunha mostra de exemplares de As mil e unha noites que estará no espazo da hemeroteca, na planta baixa, do 13 de xaneiro ao 21 de febreiro. Pode visitarse en horario de apertura da biblioteca.

Cedemos o espazo para esta exposición organizada por Lola Garcerá e Pío Barreiro sobre a novela gráfica “Gloria”, editada por Demo editorial. Unha viaxe á Compostela medieval durante a construción do Pórtico da Gloria. Un traballo que acontece polo período románico da nosa cidade, con trazos de acción, aventura e intriga e unha personaxe feminina que nos achega unha nova visión sobre a creación artística no medievo.

Pode visitarse no vestíbulo do 12 de xaneiro ao 13 de febreiro durante a apertura da biblioteca.

A mostra está composta por fotografías antigas e actuais de escavacións arqueolóxicas, monumentos e lugares que conforman unha boa parte do patrimonio cultural das comarcas do Ribeiro e do Carballiño, e no que Manuel Chamoso Lamas tivo unha intervención decisiva.