Durante todo e mes de decembro a ata o 10 de xaneiro teremos no vestíbulo da Biblioteca unha exposición con obras de Moxóm.
O luns 1 de decembro ás 19.00 h será a inauguración da mesma cun encontro co autor no que explicará a súa obra. Aproveitade para coñecelo!
Entrada libre ata completar aforo.
Arqueoloxía do pequeno, arqueoloxía do invisible é unha exposición que amosa as posibilidades de emprego das novas tecnoloxías na investigación arqueolóxica.
Esta exposición ofrece unha ollada a algúns dos métodos e ferramentas de traballo que hoxe usa a arqueoloxía e que probablemente rachen a idea máis habitual que se ten desta disciplina. Mostra un percorrido polas novas técnicas de análise de materiais arqueolóxicos -arqueoloxía do pequeno- e as tecnoloxías de prospección e rexistro non invasivas de áreas arqueolóxicas -arqueoloxía do invisible-.
Desde o 14 de novembro ata o 13 de decembro poderá verse no Museo do Pobo Galego a exposición dos proxectos gañadores da XIII edición dos premios Antonio Fraguas Fraguas: na categoría de ensino primario, o proxecto Viva o entroido vivo! Lingua, festa e comunidade, presentado conxuntamente polo CEIP Lamas de Abade, o CEIP Apóstolo Santiago (Santiago de Compostela) e o CEIP Pérez Viondi (A Estrada); e na de ensino secundario, A sustentabilidade das artes de pesca a través do proceso de encascado de redes: o caso de Burela, do IES Monte Castelo (Burela).
O Museo Etnolóxico de Ribadavia somérxese nunha proposta singular que convida a mirar o mundo dende unha perspectiva poética e libre: O surrealismo. Pero non é unha mostra monográfica nin una exposición de arte surrealista ao uso. Trátase de propor un xogo, unha provocación e unha invitación a repensar a relación co mundo material e a creatividade.
A mostra inspírase na figura de Eugenio Granell, o último surrealista español e toma como punto de partida a súa visión do surrealismo como unha forma de vida e unha ferramenta de liberación espiritual e creativa.
Exposición organizada pola Fundación Secretariado Gitano como homenaxe aos 600 anos de historia do pobo xitano en España.
Recolle os fitos máis significativos e as principais contribucións do pobo xitano á sociedade española dende a súa chegada á Península a través do Reino de Aragón o 12 de xaneiro de 1425.
Pódese visitar no primeiro andar da biblioteca do 3 ao 29 de novembro.
A Fundación Eugenio Granell acolle ata o 17 de xaneiro a exposición Montaña sobre montaña. Saltamontes, da artista Lúa Gándara, nun proxecto comisariado por Eduardo Valiña. A mostra é o resultado do traballo desenvolvido pola creadora durante a súa estadía na IX edición de Artista en Residencia da Fundación.
É o último gran proxecto expositivo do ano na Cidade da Cultura. Unha mostra coa que afondar, desde unha ollada contemporánea, no complexo mundo estético do artista que soubo sintetizar as novas correntes escultóricas europeas coa raíz galega.
A exposición aborda, desde unha óptica contemporánea, o complexo mundo creativo do artista de Cambados, figura imprescindible na historia da arte galega e un dos renovadores da escultura española do século XX.
(In)visibles y (O)cultas é unha exposición producida polo Museu de Ciències Naturals de Barcelona (MCNB) que nace do interese e a necesidade do Museo de facer visibles ás mulleres en diversos ámbitos, neste caso o da Ciencia.
A exposición recupera a vida de vinte e catro científicas que, desde o Antigo Exipto ata a Gran Bretaña do século XXI, foron, por razón de xénero, silenciadas, relegadas ou directamente borradas da historia da Ciencia.
Pode visitarse no vestíbulo da biblioteca durante o horario de apertura.
Narrativas futuras. As ruínas do rural é unha proposta expositiva que explora as ruínas como espazo de reflexión, resistencia e posibilidade.
A través das creacións de Alba Casas e Adrián Riveiro, esta mostra convida a repensar o rural galego desde a súa aparente desaparición: Que nos din os restos que quedan? Que futuros podemos imaxinar desde eles?
Un diálogo entre arte contemporánea e memoria, entre abandono e potencia, que se constrúe con materiais, sons e imaxes que habitan nas marxes do progreso.
A galería de arte José Lorenzo de Santiago acolle a exposición Luz Atlántica, dedicada aos artistas vigueses José Frau (1898-1976) e Ángel Sevillano (1942-1994). A mostra reúne trinta obras que exploran a luz, a cor e a forma desde dúas perspectivas complementarias dun arte figurativo de identidade atlántica. Frau aborda paisaxes e interiores cheos de emoción e lirismo, mentres que Sevillano amosa escenas populares de estética naïf e cromatismo intenso.
