Cedemos o espazo a Santiago Losada, usuario da biblioteca e coleccionista de libros para que poidamos desfrutar dalgúns dos exemplares da súa colección Losada Díaz. Trátase dunha mostra de exemplares de As mil e unha noites que estará no espazo da hemeroteca, na planta baixa, do 13 de xaneiro ao 21 de febreiro. Pode visitarse en horario de apertura da biblioteca.
Cedemos o espazo para esta exposición organizada por Lola Garcerá e Pío Barreiro sobre a novela gráfica “Gloria”, editada por Demo editorial. Unha viaxe á Compostela medieval durante a construción do Pórtico da Gloria. Un traballo que acontece polo período románico da nosa cidade, con trazos de acción, aventura e intriga e unha personaxe feminina que nos achega unha nova visión sobre a creación artística no medievo.
Pode visitarse no vestíbulo do 12 de xaneiro ao 13 de febreiro durante a apertura da biblioteca.
A mostra está composta por fotografías antigas e actuais de escavacións arqueolóxicas, monumentos e lugares que conforman unha boa parte do patrimonio cultural das comarcas do Ribeiro e do Carballiño, e no que Manuel Chamoso Lamas tivo unha intervención decisiva.
Exposición da obra contemporánea de Jesús Otero Yglesias no Calustro do complexo de San Agustín. Está obra artística integrarase na renovación da capela universitaria do Colexio Maior Universitario San Agustín, e irase ampliando ao longo do ano 2026 compartíndoo coa cidade de Santiago . A obra componse de 45 escenas da Biblia interpretadas por Jesús Otero Yglesias.
O Museo Arqueolóxico Provincial de Ourense presenta na Casa de Galicia en Madrid unha mostra de arte prerrománica da actual provincia de Ourense. Unha iniciativa que permitirá, ata finais de xaneiro, achegarse a unha escolma de pezas singulares, arquitectónicas e decorativas, que amosan a riqueza artística que se produciu no noroeste peninsular desde o final do mundo romano ata o século XI.
O Museo Provincial de Lugo (MPL) presenta unha nova exposición temporal, enmarcada no seu programa de “Coleccionismo e museos”, co obxectivo de difundir os fondos que alberga. A mostra exhibe a colección de xoguetes doada polo fonsagradino Xosé Lois Basanta Campos (1924-2016), ofrecéndonos unha viaxe no tempo que comeza na década de 1920 que nos axuda a comprender a evolución dos xoguetes, das modas, dos avances tecnolóxicos e dos cambios sociais.
A exposición, a través dos debuxos das nenas e nenos de Gaza, ofrece unha visión íntima da realidade vivida da infancia nun conflito, representando tanto os horrores como os momentos de beleza, de recordos entrañables tinguidos de melancolía, de resiliencia e desafío, e de esperanza no futuro. A mostra amosa, a través da arte, a súa dor, a súa forza e tamén a súa esperanza.
Data e hora: do 10 de decembro ao 10 de xaneiro, de 09.00 a 21.00 h.
Público destinatario: infantil, xuvenil e adulto
Pódese visitar na planta baixa da biblioteca.
Ao longo de varios anos, Susana Peleteiro, foi elaborando unha colección de traxes tradicionais e textos nos que resume a historia real e a ficticia da vestimenta do pobo dende o século XVIII ata o inicio do XX.
Di Cunqueiro “que hai momentos na historia da humanidade en que a terra deixa, por unhas horas ou uns meses, de pertencer aos homes. Esas horas ou eses meses que se chaman a hora vintecinco”. Son os trece días que hai entre Nadal e Reis, un tempo reservado pola tradición para conmemorar o final dun ano e o comezo doutro novo.
Presentámosvos estas historias para que gocedes deste tempo fóra do tempo.
Na sala infantil da biblioteca, pode visitarse durante o horario de apertura.
Desde o 8 de outubro do 2023, as autoridades israelís manteñen ataques indiscriminados contra a poboación palestina en Gaza, en clara violación das normas máis elementais do Dereito Internacional Humanitario e os dereitos humanos.
