Exposición

Rafael Úbeda leva pintando sete décadas. A exposición Úbeda. Visión retrospectiva abrangue unha ollada completa da súa traxectoria creativa, afondando nos fitos máis relevantes da súa obra e das pezas representativas que marcaron cada etapa do camiño. 
O artista, logo de sete décadas en activo, representa unha parte da historia da arte que enriquece o patrimonio de Galicia, así como unha das figuras das artes plásticas máis notables en España con conexións en diferentes lugares e escolas de Europa.

Rosalía de Castro nace no mesmo ano no que, por vez primeira, unha muller consegue entrar na Biblioteca Nacional. Non se sabe se a escritora galega repetiu esa xesta durante os seus anos madrileños, mais o certo é que nunca puido cursar estudos universitarios. Con todo, hoxe en día coñécese que a nai da autora, dona Teresa Castro Abadía, se preocupou, de xeito moi consciente, pola súa educación.

A pluralidade como concepto central que nutre estilos, técnicas e perspectivas é a idea da que emerxe DIVERSA, V Mostra Internacional de Ilustración Contemporánea Afundación #MiiC5, que achega a Santiago de Compostela unha selección das propostas máis representativas da ilustración actual. Nesta V edición, a exposición explora como a variedade cultural, a conexión coa nosa contorna e as experiencias persoais das e dos artistas converxen para dar forma a un discurso visual que dialoga cos grandes retos e temas do noso tempo.

Coa mostra individual “Endless game”, que conta co patrocinio de NH Collection Santiago, o artista tráenos unha mostra da súa obra máis recente en ferro e aceiro inoxidable. Ás súas características formas esquemáticas que viran ao redor da figuración humana, atopamos tamén o reino animal. “Son máis coñecido polas caras, seguramente por unha casualidade na que o público establece un paralelismo co meu apelido pero sempre me interesaron o reino animal e vexetal”. Coméntanos este amante da natureza.

A mostra, procedente do Museo Provincial de Pontevedra, reúne 52 imaxes tomadas polo fotoxornalista Xan Carballa durante os actos levados a cabo en Santiago con motivo do retorno a Galicia dos restos de Alfonso Daniel Rodríguez Castelao, o 28 de xuño de 1984. 
Comisariada por Xosé Enrique Acuña.
 

“Somos un Ribeiro diverso” é un proxecto que conecta diversidades: a da colección etnolóxica e a da comunidade á que esta desexa representar. Os seus principais obxectivos son ampliar o foco, buscar novos relatos, repensar que son ou poden ser os obxectos museísticos e presentar a etnoloxía como unha vía para construír unha sociedade máis empática.

Nova exposición individual que ten como protagonista a exuberancia sensorial e a explosión cromática da pintura da artista zaragozana Alejandra Atarés (Zaragoza, 1987). 

Para celebrar o Día do Libro Infantil e Xuvenil (2 de abril) e o Día do Libro (23 de abril) contaremos no vestíbulo da biblioteca cunha exposición de libros pop-up (troquelados).

Os libros expostos son unha pequena parte da colección persoal de Rafael Sánchez García que tivo a amabilidade de prestarllos a biblioteca para o gozo de todas as persoas.

Cedemos o espazo a Santiago Losada, usuario da biblioteca e coleccionista de libros para que no mes do libro poidamos desfrutar dalgúns dos exemplares da súa colección Losada Díaz. Trátase dunha mostra con 15 exemplos seleccionados que mostran a evolución dos sistemas de ilustración dende 1809 a 1916: gravado, litografía, xilografía, calcografía e as súas variantes. Con ilustracións de Alphonse de Neuville, Gustave Doré, Charles Knight, Jules Girardet ou Randolph Caldecott entre outros. 

Pode visitarse no andar baixo durante o horario de apertura da biblioteca.

Ediciós do Castro, nada tras a creación do Laboratorio de Formas, fundado por Díaz Pardo e Seoane, publicou máis de 70 obras repartidas nunhas 20 coleccións entre 1963 e 2008. Entre estas coleccións destacamos a Biblioteca do Exilio, pequena escolma de obras de diferentes xéneros e autores, non sempre galegos, que se completa con outros documentos fóra de colección sobre a emigración e o exilio galego.

Pode visitarse no terceiro andar durante o horario de apertura da biblioteca.