Pintar a paisaxe na vela que impulsa a barca coa que navegas pola ría.
Alberto Baraya enfrontouse este verán a un reto singular. Unha reflexión sobre a pintura plenairista en diálogo coa colección de paisaxes mariñas, maquetas e outros elementos relacionados co mar que habitan o Museo de Pontevedra.
Comisariada por Iñaki Martínez Antelo
Datas: 25/10/24 ata 2/3/25
Edificio Castelao, Museo de Pontevedra
Esta exposición é o resultado do proxecto de Investigación e Recuperación da Cerámica Castrexa en Galicia realizado pola Fundación Terra Termarum que ten como obxectivo a elaboración dunha colección de réplicas cerámicas castrexas completamente documentadas a nivel formal, mantendo unhas referencias históricas e arqueolóxicas en canto a acabados, texturas e formas e tratando de caracterizar con elas o conxunto tipolóxico documentado dos castros galegos de referencia.
Dende 2002 a UNESCO vén celebrando o Día da Filosofía cada terceiro xoves de novembro, polo que neste 2024 terá lugar o día 21. Esta data está pensada para subliñar a relevancia da Filosofía no desenvolvemento humano como disciplina e mesmo como acto da vida cotiá que ten como obxectivo promover o pensamento crítico.
A ciencia é moi importante no desenvolvemento humano. Todas e todos temos razóns para achegarnos a escoitar o que ten que dicirnos, tanto por curiosidade intelectual como para dar resposta a problemas puntuais. Por iso, é fundamental a información que a ciencia nos aporta sobre o mundo que nos rodea e os procesos que nel se desenvolven.
Cedemos o espazo á Alliance française de Santiago de Compostela para realizar a exposición “Le monde sans fin” baseada na obra do mesmo título de Jean-Marc Jancovici e Christophe Blain. Esta obra nace do encontro entre Christophe Blain, autor ilustre de cómics, e Jean-Marc Jancovici, enxeñeiro especializado en enerxía e clima. Esta novela gráfica presenta unha fonda reflexión chea de humor sobre as causas e as consecuencias do cambio climático. Cultivou un gran éxito nada máis publicarse en francés en 2021.
As bibliotecas amais de ser lugares prácticos e útiles, están situadas en espazos fascinantes que fan voar (aínda máis) a nosa imaxinación.
Sala Infantil.
Público familiar.
A exposición Xaquín Marín, humor líquido galego chega ao Auditorio de Galicia para amosar unha coidada selección de pezas que abranguen os máis de sesenta anos de profesión do humorista gráfico, pintor, muralista, caricaturista e artista nado en Fene en 1943.
Mayte Vieta (Blanes, Girona, 1971) é unha artista visual que utiliza o espazo e a luz como medios de expresión a través da fotografía, a escultura e a instalación.
Cunhas influencias que abarcan desde Milan Kundera ata Simone Weil, Vieta reflexiona sobre as contradicións da experiencia humana mediante instantáneas que capturan a complexidade do espectro das nosas emocións, pensamentos e vivencias. As súas obras redefinen a relación entre contrarios coa coherencia que só os soños conteñen.
Trátase dunha instalación colaborativa que procura rescatar a memoria afectiva de Bonaval e do Museo do Pobo Galego. A proposta artística, que se desenvolverá coa mediación do DEAC e en colaboración co tecido asociativo do barrio, toma como punto de partida unha experiencia previa: Histórias de um lugar, a obra realizada pola artista e docente María Jesús Agra durante unha residencia na Quinta da Cruz (Viseu, Portugal).
Dende os castrexos até o franquismo e a Transición, pasando por romanos, suevos, nobres, rebeldes, emigrados, loitadoras e piratas, Galicia goza dunha longa e vibrante Historia que non sempre tivo a fama merecida na literatura.
Con esta exposición tentamos visibilizar aos diversos autores e autoras que ambientaron as súas creacións en Galicia ou que contan un fito da nosa Historia.
