Cada persoa brilla con luz propia entre todas as demais. Neste espectáculo de danza contemporánea vemos a dous intérpretes, dous amigos, dous cómplices que se atopan nunha sala de xogos. Descobren que hai auga, lume, vento e terra ordenados e á súa enteira disposición. Un cuarto de xogos pode ser unha praia, pode ser un deserto, pode ser o mar. E tamén? cando estamos sós, poden ser moitos mundos.
Coa colaborción de: Escola de Danza Perla de Arousa, Orquestra de Pulso e Púa, Cesáreo Torres (Tenor), Alejo Amoedo (Piano), Loli Crespo (Soprano) e Pepe Álvarez (Rexedor).
O mellor show de danza urbana a man de X-adows, gañadores de Got Talent Dance, concursantes de The DANCER , representantes e semifinalistas do Mundial de Hip Hop en USA 2015/16/17/18
O ballet A Bela Dormente con música do xenial compositor ruso Piotr Ilyich Tchaikovsky considérase unha enciclopedia da danza clásica.
Trátase dunha historia máxica baseada no conto de Charles Perrault sobre a princesa Aurora, a quen a malvada fada Carabosse, en vinganza por esquecer convidala ao bautizo, predixo que o día dos seus décimo sextos aniversarios, Aurora picaríase cun fuso e morrería. Pero a boa Fada Lila suaviza a predición: Aurora só durmiríase durante 100 anos e espertaríaa o bico do aposto príncipe, quen se convertería no seu marido.
“Teño algo importante que dicir pero aínda non sei o que é” esta frase sitúase como punto de partida da nova creación da compañía Elahood. Unha proposta de danzas urbanas baixo unha mirada de creación contemporánea en co-produción co Centro Coreográfico Galego | Agadic.
Cada persoa brilla con luz propia entre todas as demais. Neste espectáculo de danza contemporánea vemos a dous intérpretes, dous amigos, dous cómplices que se atopan nunha sala de xogos. Descobren que hai auga, lume, vento e terra ordenados e á súa enteira disposición. Un cuarto de xogos pode ser unha praia, pode ser un deserto, pode ser o mar. E tamén? cando estamos sós, poden ser moitos mundos.
Mortais e vulnerables é o segundo solo de Nuria Sotelo. Despois de 11 anos da aparición do seu primeiro solo, Métanse nos seus asuntos, que marcou o comezo de Licenciada Sotelo, Mortais e vulnerable ven marcar a transformación en Furia Sotelo. Esta peza de danza contén o paradoxo dende o seu plantexamento inicial, xa que xorde do desexo de encontro, da necesidade do encontro. Da vontade de continuar indagando na práctica da creación colectiva.
“Onde comeza o noso toque, estamos.
Estou.
Estás.
Estamos?
É unha ocupación da realidade, unha conquista.
Procura os rostros coñecidos.
Titubeas carente de roce e aceptas, en ocasións sen suceso.
O corpo habitado.
O corpo enigma.”
A peza EM·NA baséase na idea da vibración coma elemento manipulador. É unha investigación sobre a “acústica subcutánea” a través da vibración e do silencio resultante no corpo do outro.
Un dejà-vú do que aínda non sucedeu, un espazo temporal para mergullarse nas nosas intuicións sobre o futuro.
Constantes do porvir busca atravesar os desexos e intuicións da nosa sociedade en relación co tempo que está por chegar, busca estruturar un ensaio sobre o que descoñecemos pero que empezamos a albiscar, busca establecer pontes temporais co noso mañán, busca, en definitiva abrir unha xanela aos nosos anhelos e inquietudes en relación con ese tempo no que nos proxectamos como sociedade, como unha viaxe de aproximación aos nosos desexos afastados e probables.
O lindy hop é o máis coñecido de toda a familia de bailes vintage americanos e, actualmente, o que máis adeptos ten en todo o mundo. Nace nos anos 30, ao ritmo das impresionantes big bands que tocaban diariamente en clubs de Harlem, o máis coñecido deles: o Savoy Ballroom.
Con grandes influencias do charleston dos anos 20, do texas tommy e, sobre todo, con evidentes raíces africanas, empeza a poñelo de moda a comunidade afroamericana que, por primeira vez na historia de Estados Unidos, pode entrar nalgunhas salas de concertos.
