Contacontos/Narración oral

Contacontos para nenos con inscripción previa na Biblioteca Municipal. 

Un crocodilo namorado, unha andaina de animais, un vexo-vexo diferente, uns contos cantados e unhas cancións para contar... todo elo dentro dunha proposta para pequenos e grandes que levarán o son dos cantacontos ós corazóns de todos.

Inscrición previa na biblioteca ou no tfno. 886 120 445.

Idade: de 0 a 3 anos.

Duración: 35 minutos.

Na Catedral de Santiago andan cun problema ben gordo!!! Rompeu a corda do botafumeiro!!!

A osa Marosa e a toupiña Mariña farán o Camiño a Compostela para arranxar esa lea…

Duración: 45 minutos.

Idade: de 4 anos en adiante.

Reserva de praza na biblioteca ou no teléfono 886 120 445.

Sempre houbo contos de trasnos, eses argalleiros que case non se deixan ver, pero que se fan notar. Se, se meten na casa, na escola ou na biblioteca poden aparecer cousas rotas ou cambiadas de sitio ou que te persigan, xa que aos trasnos seica lles divirte moito facer falcatruadas. Queres saber máis?

Idade: 4 anos en adiante.

Duración: 45 minutos.

Reserva de praza na biblioteca ou no teléfono 886 120 445.

Para festexar o Día Internacional da Narración Oral, a contadora Marta Ortiz trae ao Gaiás as súas historias da Galicia Máxica, un repertorio composto na súa totalidade por contos tradicionais galegos e portugueses. Será unha emocionante viaxe que, a través de romances, cancións, brinquedos e xogos da nosa tradición e da do país veciño, nos lembrará a irmandade lingüística e cultural que temos con toda a lusofonía e achegará aos máis pequenos e pequenas o rico patrimonio oral que compartimos.

Goza cos teus fillos/as dos contos e das historias que os Ratos de Lonxedetodo, uns simpáticos ratiños e ratiñas, traen ás nosas bibliotecas e que retransmitimos en streaming.

A actividade corre a cargo da compañía Trinke Trinke Teatro e desenvolverase a porta pechada nas bibliotecas por mor das esixencias sanitarias, pero nós podemos desfrutar estas sesións cheas de contos e melodías a través do "streaming".

As sesións serán emitidas en directo na web e tamén na canle de youtube das bibliotecas e nelas haberá pistas para que consigas o carné de Rato de Lonxedetodo. 

Mara é unha nena que soña con bailar coas nubes, pero a súa casa está pegadiña á terra e moi lonxe do ceo! Só a axuda de novos veciños fará que o soño sexa unha realidade. Espectáculo inspirado no libro de Vanina Starkoff de Editorial Kalandraka que é unha viaxe poética e visual para chegar a bailar coas nubes. No espectáculo cóntase a historia de cada unha das casas, das persoas que fan posible o soño. Porque a historia de cada un de nós é unha tea feita dos fíos da memoria de todas e todos.

Actividade pensada na igualdade de oportunidades que achega a Lingua de Signos Española ás nenas e nenos xordos e oíntes a través dunha contacontos con intérprete de Lingua de Signos. Baséase en contos interpretados nesta lingua e ao mesmo tempo narrados, para que pícaros e pícaras xordas e oíntes poidan participar xuntos.

Charlie e Gina son veciños e aínda que sempre se pelexan e gastan bromas pesadas, realmente son moi amigos. Desfruta das súas travesuras mentras aprendes inglés!

No salón de actos da biblioteca. Para nenas e nenos de 3 a 8 anos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.

Sempre houbo contos de trasnos, eses argalleiros que case non se deixan ver, pero que se fan notar. Se se meten na casa, na escola ou na biblioteca poden aparecer cousas rotas ou cambiadas de sitio ou que te persigan, xa que aos trasnos seica lles divirte moito facer falcatruadas. E tamén hai persoas ás que lles gusta contar as súas historias en libros.

No salón de actos da bilbioteca. Para nenas e nenos de 3 a 8 anos. As persoas interesadas poderán retirar a súa invitación no mostrador de Información da biblioteca a partir das 11.30h.