Contacontos/Narración oral

O cordel é unha das formas máis antigas de narración e entretemento, presente en culturas de todo o mundo. 

Nestas deliciosas historias, un simple cordel deslízase entre os dedos e adopta, como por encantamento, as distintas figuras que acompañan a narración. Contos que deleitan.

Anímate a coñecer este ancestral pasatempo, á vez que aprendes inglés. Unha entretida actividade coa que enrolarse a todas as idades.

Día Europeo das Linguas.

Duración: 45 minutos.

Público familiar e infantil a partir de 4 anos

Salón de actos

Primeiro temos que saber como é o medo: grande ou pequeno, dos que aparecen cando non hai ninguén ao teu carón, dos que lle gustan a escuridade, dos que prefiren dar sustos… Para cada medo hai un remedio, e mesmo hai remedios que valen para  todos: a risa, a música, a luz, mirar o medo cara a cara, fronte a fronte, directamente aos ollos.

Cando pensamos que perdemos a valentía nalgures, os contos axúdanos a recuperala. Só hai que lembrar o que lles aconteceu ás e aos protagonistas destas historias, non moi lonxe de aquí, non hai moito tempo. 

Outras Bolboretas. Contos pola igualdade e contra as violencias machistas é un espectáculo que mestura monólogo, narración oral, humor e poesía.
Na voz de Sole Felloza, as historias de nenas e mulleres que se atreven a voar convértense en contos de liberdade: princesas que se coroan soas, mantas voadoras, leóns non tan feroces e recordos gardados nun baúl. Bolboretas fala da forza de quen soña, da memoria das mulleres e dun mundo posible, sen violencia e con igualdade.

O MONSTRO DE CORES espertou algo confundido: todas as súas emocións mesturáronse e agora non sabe que lle pasa. Para poñer orde neste caos, contará coa axuda da súa amiga, unha nena chea de curiosidade e ganas de axudar. Monstro e nena vivirán unha divertida e emocionante aventura onde aprenderán a recoñecer, nomear e expresar sentimentos como a alegría, a tristeza, o medo, a rabia e a calma.