Contacontos/Narración oral

A Biblioteca de Galicia organiza, con motivo do Día da Diversidade Cultural, o espectáculo De ida e volta, unha proposta de narración oral con música e cancións ao vivo da man de Cris de Caldas e Amor Herrera.

De ida e volta afonda na migración galega, con especial atención aos procesos migratorios das mulleres, a través dun percorrido polos tránsitos desde Galicia cara a Cuba e polas conexións culturais e sociais entre ambos os países.

Unha viaxe chea de historias, música e imaxinación abre as portas do universo literario de Begoña Caamaño en Chaves invisibles, o espectáculo con música ao vivo de Vero Rilo e Luís Iglesias que nos convida a mergullarnos na palabra da homenaxeada nas Letras Galegas 2026.

Este espectáculo para conmemorar o Día da narración oral achega ao público a vida e a obra de Begoña Caamaño como unha homenaxe viva, revisitando os mitos que ela mesma reescribiu (Penélope, Circe, Morgana…) e engadindo sobre os que non tivo tempo de rematar (Sherezade). A través da palabra, confrontarase a versión tradicional deses mitos coa mirada da autora, ofrecendo outras lecturas posibles, máis xustas e máis libres.

Actividade que combina narración oral (contacontos) e música para descubrir a riqueza da tradición galega. Conta a historia de Carme, unha nena cunha pandeireta máxica que a leva a viaxar, ensinando e aprendendo música. Ao longo da súa aventura, comparte cantigas con animais e persoas, devolvendo a alegría a unha festa popular e descubrindo o valor da súa cultura.

E a ti... Que che contaban? é un espectáculo de narración oral para público familiar. Un achegamento á memoria tradicional e familiar compartida: contos e xogos cotiás que xa non o son tanto.

Sexo Seguro Seguro? Seguro! un espectáculo multidisciplinar con partes de monólogo, cabaret, xogos con globos, e moita educación afectivo-sexual.
Sábado 5 de outubro ás 19 h
Para persoas adultas.
Reservas no 981543017