PRAZAS ESGOTADAS. FORMULARIO PECHADO.
As folerpas de neve seguen caendo na fraga.
A primavera semella desaparecida.
Os animais e as planta deciden ir na súa procura.
Onde estará agochada a primavera?
Público infantil de 0 a 3 anos con persoa adulta acompañante
Lugar: Bebeteca
Duración: 30 minutos
15 prazas
Unha aventura máxica e participativa na que a música tradicional galega, os contos e os sons da nosa terra serán os protagonistas. Unha viaxe pola nosa cultura e tradicións para cantar, escoitar, xogar e descubrir xuntos o valor do noso patrimonio.
Actividade aberta a todos os públicos
Horario: de 12:00 a 12:45 h
Lugar: Porta do Xurés do Concello de Lobeira
Unha mañá para vivir a cultura galega en familia e manter vivas as tradicións que pasan de xeración en xeración.
Vinde de foliada!
Cando cae a tarde e as cabazas acenden os seus sorrisos, chega o momento de abrir a porta ás historias máis divertidas do Samaín. Neste contacontos viaxaremos entre meigas rebuldeiras, simpáticos pantasmas, morcegos curiosos e outros personaxes sorprendentes que nos demostrarán que o misterio tamén pode estar cheo de humor, imaxinación e tenrura.
No salón de actos. Para nenas e nenos de 3 a 8 anos. Entrada libre ata completar a capacidade da sala.
Celebramos o Día das Bibliotecas con este espectáculo. Na vila de Bemol Pequeno a música nunca para! Ou si? Ven resolver o misterio da música desaparecida da man da Meiga Xela, canta co dinosaurio Pepón e baila ao ritmo da Banda do Carballo!
No salón de actos. Para nenas e nenos de 3 a 8 anos. A entrada é libre ata completar a capacidade da sala.
Unha proposta participativa que pon en valor o patrimonio cultural inmaterial de Galicia a través da narración oral, a música e o baile.
Tralará ten o ritmo no corpo, con cantos e refráns, retrousos e rimas, xogos de palabras e contos versados.
Marta Ortiz propón neste espectáculo cancións, adiviñas, trabalinguas e contos rimados, pensados para que crianzas e familias aprendan e coñezan xuntas diferentes recursos da oralidade, literatura infantil e música dunha maneira divertida e participativa.
No salón de actos. Para nenas e nenos de 3 a 8 anos. A entrada é libre ata completar a capacidade da sala.
Iria Pinheiro fai unha festa de contos nos que a diversidade é o fío condutor. Unha contada poética e alegre baseada no teatro de obxectos que fará sorrir a crianzas e maiores.
Sopas insólitas, vacas que poñen ovos e amizades únicas son parte dos ingredientes das divertidas historias representadas nesta peza.
No salón de actos. Para nenas e nenos de 3 a 8 anos. A entrada é libre ata completar a capacidade da sala.
A Ciclobiblioteca chega a Verea coa actividade "O Carballo con Botas", unha representación que nos invita a descubrir o mundo das árbores autóctonas desde unha perspectiva creativa, divertida e chea de valores.
E se as árbores puidesen falar... que historias nos contarían? A través desta experiencia, pequenos e maiores aprenderán a mirar a natureza con outros ollos, fomentando o respecto polo medio ambiente, a escoita activa e o amor polos libros.
Música e historias para bebés é unha actividade na que os nenos compartirán con aqueles que os coidan e os educan un momento de pracer, lonxe do ruído e os quefaceres cotiáns; espertando xa nos seus primeiros anos de vida un interese pola literatura, a música e a tradición oral.
Data e hora: venres 18 de setembro ás 17.00 h.
Público destinatario: bebés de 0 a 3 anos (acompañados de ata 2 adultos)
Inscrición previa na web da biblioteca a partir do 9 de setembro ás 9.00 h.
Tadeo Jones regresa cunha aventura teatral chea de humor e espectáculo. Unha antiga lámpada máxica capaz de conceder desexos reaparece agochada no Palacio de Buckingham, desatando unha perigosa carreira contra Solimán VIII.
Xunto a Sara, Momia, Ramona e O Arqueobot, Tadeo emprende unha misión que se complica cando un desexo mal formulado os separa entre presente e pasado, levándoos ata a lendaria Paititi. Alí deberán recuperar a lámpada, evitar alterar a historia e salvar o destino dun dos seus.
